Orọ Ọsosuọ Ro Se Ahwo Kọrint 6:1-20
6 Emejabọ nọ ohwo jọ evaọ usu rai nọ o wo ẹwhọ kugbe omọfa+ ọ rẹ rọ rehọ iẹe kpobọ okọto bru enọ i kiẹrẹe he, viukpọ erẹri na?
2 Hayo kọ wha gbẹ riẹ nọ erẹri na a ti bruoziẹ akpọ na?+ Yọ otẹrọnọ whai wha bi ti bruoziẹ akpọ na, kọ wha gbe te epanọ wha re ro gu ẹdhọ eme esese?
3 Kọ wha gbẹ riẹ nọ ma bi ti bruoziẹ ikọ-odhiwu?+ Kọ ẹvẹ wha gbẹ sai bruoziẹ eme uzuazọ nana ha?
4 Kọ otẹrọnọ wha wo eme uzuazọ nana jọ nọ wha re gu ẹdhọ rai,+ kọ ezae nọ ukoko na u se gboware ovo ho wha re fihọ ibruoziẹ?
5 Mẹ be ta eme nana re oma o vuọ owhai. Kọ ohwo owareghẹ ọvo ọ rrọ udevie rai na nọ ọ rẹ sai bruoziẹ evaọ udevie inievo riẹ?
6 Ukpoye, oniọvo o bi tu oniọvo kpohọ okọto, a ve gine dikihẹ aro enọ e rọwo ho!
7 Evaọ uzẹme, o rrọ oware omovuọ* nọ wha te bi tu ohwohwo ẹdhọ kpohọ okọto. Kọ o gbẹ mai woma re wha dhugbẹ kpairoro vrẹ nọ a te ru owhai thọ?+ Kọ o gbẹ mai woma re wha dhugbẹ kpairoro vrẹ nọ a te fi owhai iwhayo?
8 Ukpoye, wha bi ru ahwo thọ je fi ahwo iwhayo, mai tube yoma na kọ inievo rai!
9 Kọ wha gbẹ riẹ nọ ahwo nọ a kiẹrẹe he a te reuku Uvie Ọghẹnẹ hẹ?+ Jọ a viẹ owhai họ họ.* Ahwo nọ a bi gbe-ọfariẹ,*+ egedhọ,+ ibruẹnwae,+ ezae nọ e rọwo nọ ezae efa i lele ae wezẹ,+ ezae nọ i re lele ezae wezẹ,*+
10 iji, ahwo nọ a wo uvou-uthethei,+ egba-idi,+ elahwo-eka, gbe ahwo nọ a re fru amọfa re a te reuku Uvie Ọghẹnẹ hẹ.+
11 Ghele na, ere whai otujọ wha jọ. Rekọ a họ* owhai fo no;+ a ru owhai fihọ ọrẹri no;+ a kuenu kẹ owhai nọ wha kiẹrẹe no+ evaọ odẹ Olori na Jesu Kristi gbe ẹkwoma ẹzi Ọghẹnẹ mai.
12 Uzi o kẹ omẹ uvẹ nọ me re ro ru eware kpobi,* rekọ orọnọ eware kpobi e rẹ kẹ erere he.+ Uzi o kẹ omẹ uvẹ nọ me re ro ru eware kpobi, rekọ mẹ rẹ kuvẹ kẹ oware ovo re u su omẹ hẹ.*
13 Emu ọ rrọ rọkẹ eva na, eva na e tẹ jẹ rrọ rọkẹ emu, rekọ Ọghẹnẹ o ti ru ivẹ na họ ufofe.+ Ugboma na o rrọ rọkẹ ọfariẹ-ogbe* he rekọ rọkẹ Olori na,+ yọ Olori na ọ rrọ rọkẹ ugboma na.
14 Ọghẹnẹ ọ kpare Olori na no uwhu ze+ yọ ọ te kpare omai no uwhu ze re+ ẹkwoma ogaga riẹ.+
15 Kọ wha gbẹ riẹ nọ ugboma rai yọ abọjọ oma Kristi?+ Kọ mẹ rẹ rehọ abọjọ oma Kristi vrẹ nyai kugbe ogberẹ? Vievie!
16 Kọ wha gbẹ riẹ nọ ohwo kpobi nọ o kuomagbe ogberẹ no yọ avọ iẹe a zihe ruọ ugboma ovo no? Keme ọ ta nọ, “Aimava na a vẹ jọ uwo ovo.”+
17 Rekọ ohwo kpobi nọ o kuomagbe Olori na no ọ rrọ ọvo kugbei evaọ ẹzi.+
18 Dhẹ siọ ọfariẹ-ogbe* ba.+ Uzioraha ofa kpobi nọ ohwo o duomahọ o rrọ otafe ugboma riẹ, rekọ ohwo kpobi nọ o bi gbe-ọfariẹ ọ be raha uzi wọso ugboma obọriẹ.+
19 Kọ wha gbẹ riẹ nọ ugboma rai họ etẹmpol+ ẹzi ọfuafo na nọ ọ rrọ eva rai, onọ wha wo no obọ Ọghẹnẹ ze?+ Ofariẹ, whai wha wo omarai hi,+
20 keme a hwa osa rọ dẹ owhai.+ Fikiere, wha rehọ ugboma+ rai kẹ Ọghẹnẹ oruaro.+
Eme-Obotọ
^ Hayo “o rrọ ekie kẹ owhai.”
^ Hayo “ezae nọ i re du ezae.” Evaọ Griki, “ezae nọ i re kiẹzẹ kugbe ezae.”
^ Hayo “Jọ a su owhai thọ họ.”
^ Hayo “wozẹ.”
^ Hayo “Me wo uvẹ nọ mẹ sai ro ru oware kpobi.”
^ Hayo “rekọ mẹ te kuvẹ re mẹ jọ otọ oware ovuọvo ho.”
