Samuẹle Avọ Ivẹ 22:1-51
22 Devidi ọ tẹ rọ eme ole nana+ ta ẹme kẹ Jihova evaọ ẹdẹ nọ Jihova o ro siwi ei no obọ ewegrẹ riẹ+ kpobi je no obọ Sọl.+
2 Ọ ta nọ:
“Jihova họ ugbehru-utho mẹ gbe oria omofọwẹ mẹ+ gbe Ọnọ o bi siwi omẹ.+
3 Ọghẹnẹ mẹ họ utho mẹ,+ ọnọ mẹ rẹ dhẹ ruọ otọ riẹ,Ojese mẹ+ gbe uzei* esiwo mẹ,* oria adhẹzọ* mẹ nọ o foma,+Oria nọ mẹ rẹ dhẹ kpohọ,+ osiwi mẹ;+ whẹ họ ọnọ o bi siwi omẹ no ozighi.
4 Me re bo se Jihova, ọnọ o te ọnọ a re jiri,Yọ o ti siwi omẹ no obọ ewegrẹ mẹ.
5 Ẹkporo uwhu o bi fi wariẹ omẹ họ;+Ahwo nọ a fioka ha nọ a wọhọ ame nọ o bi kporo ẹkẹre a bi ru ozọ mu omẹ gaga.+
6 Ifi Uki* e wariẹ omẹ họ;+Egbefẹ uwhu e rẹriẹ ovao ku omẹ.+
7 Me bo se Jihova evaọ oke idhọvẹ mẹ,+Ọghẹnẹ mẹ me je bo se.
Kẹsena ọ tẹ jọ etẹmpol riẹ yo urru mẹ,Ezọ riẹ i yo ubo nọ me bo rọkẹ obufihọ.+
8 Otọakpọ na u te muhọ enuhu kpemu kparo;+Etọhotọ idhiwu na i te je nuhu zighi zighi+I je nuhu kpemu kparo keme a ru rie eva dha no.+
9 Iwiri i kuye no ighogho-inwe riẹ kpehru,Erae egaga i no unu riẹ ze;+Iwowo-erae i no oma riẹ ze.
10 Ọ vẹ idhiwu na ziọ otọ okenọ o je nwrotọ,+Yọ ebi ọlala ọ jọ otọ awọ riẹ.+
11 Ọ dhẹ chẹrub,+ ọ tẹ rra ze.
A ruẹ e riẹ nọ ọ jọ ehru ibekpe omama ẹzi.*+
12 Kẹsena o te fi ebi wariẹe họ wọhọ uwou,+Evaọ ame obiebi gbe ẹgho ọlala.
13 Elo nọ ọ rrọ aro riẹ ọ lẹliẹ iwowo-erae ware.
14 Kẹsena Jihova o te ru nọ egbrara e rọ va evaọ obọ odhiwu;+Ọnọ Ọ Mai Kpehru na o te ru nọ a ro yo urru riẹ.+
15 Ọ sa ese riẹ,+ a tẹ vahabọ;Elo egbrara i te lo, o te ru ai reghe no.+
16 A te mu otọ abade na họ ẹruẹ;+Etọhotọ ẹkwotọ na e tẹ bẹre lahwe fiki ọwhọkuo Jihova,Fiki edo ẹwẹ nọ o no ighogho-inwe riẹ ze.+
17 Ọ rriẹ obọ no obọ ehru ze;O te kru omẹ, o te si omẹ no obọ ame odidi ze.+
18 O siwi omẹ no obọ ọwegrẹ ọgaga mẹ,+No obọ enọ i mukpahe omẹ nọ e goma vi omẹ.
19 A wọ bru omẹ ze evaọ ẹdẹ nọ okpẹtu o ro te omẹ,+Rekọ Jihova ọ tha omẹ uke.
20 Ọ rehọ omẹ ziọ oria omofọwẹ;*+O siwi omẹ fikinọ eva mẹ e jẹ were iẹe.+
21 Jihova ọ be hwosa kẹ omẹ fiki ẹrẹreokie mẹ;+Ọ be hwosa kẹ omẹ fikinọ abọ mẹ ọ fo.+
22 Keme mẹ be nya evaọ idhere Jihova,Yọ mẹ re rọ eva imuomu nyasiọ Ọghẹnẹ mẹ ba ha.
23 Iziẹibro riẹ kpobi+ e rrọ aro mẹ;Me ti reghe no izi riẹ hẹ.+
24 Mẹ te kare afuẹwẹ ẹsikpobi+ evaọ aro riẹ,Yọ mẹ te kẹnoma kẹ oruthọ.+
25 Jọ Jihova ọ hwosa kẹ omẹ fiki ẹrẹreokie mẹ,+Fiki abọ mẹ nọ ọ fo evaọ aro riẹ.+
26 Whọ rẹ talamu ohwo nọ ọ talamu owhẹ;+Who re lele ohwo ọgaga nọ ọ kare afuẹwẹ yeri ababọ afuẹwẹ;+
27 Whọ rẹ rọ eva efuafo lele ohwo nọ o wo eva efuafo yeri,+Rekọ whọ rẹ rọ areghẹ lele ohwo nọ o re ru ẹghẹ yeri.*+
28 Who re siwi ahwo nọ a wo omaurokpotọ,+Rekọ ibiaro ra e rọsuọ ahwo nọ a wo omorro, yọ who re hrẹ ai kpotọ.+
29 Whẹ họ ukpẹ mẹ, O Jihova;+Jihova họ ọnọ o zihe ebi mẹ ruọ elo.+
30 Avọ obufihọ ra, mẹ rẹ sae wọ nyae họre egbaẹmo nọ e wọ ze te kwa eware;Mẹ rẹ sae gadiẹ ugbẹhẹ vrẹ avọ ogaga Ọghẹnẹ.+
31 Edhere Ọghẹnẹ uzẹme na ọ rrọ gbagba;+Ẹme Jihova ọ rrọ fuafo.*+
Ojese ọ rrọ rọkẹ ahwo kpobi nọ a be dhẹ ruọ otọ riẹ.+
32 Ono họ Ọghẹnẹ, u te no Jihova no?+
Kọ ono họ utho, u te no Ọghẹnẹ mai no?+
33 Ọghẹnẹ uzẹme na họ oria adhẹzọ mẹ,+Yọ o ti ru edhere mẹ jọ liọliọ.+
34 O re ru awọ mẹ jọ wọhọ awọ orua;O re ru omẹ dikihẹ eria ikpekpehru.+
35 O bi wuhrẹ abọ mẹ kẹ ẹmo-ofio;Abọ mẹ ọ rẹ sae vẹ uze ekọpa.
36 Whọ kẹ omẹ ojese esiwo ra,Yọ omaurokpotọ ra u bi ru omẹ fihọ ohwo ologbo.+
37 Who ru edhere na kẹre kẹ ithihi awọ mẹ;Otọ o te whra awọ* mẹ hẹ.+
38 Me ti le ewegrẹ mẹ, mẹ vẹ raha ai no;Me ti zihe ze he bẹsenọ me re kpe ai muotọ.
39 Me ti kpe ai muotọ jẹ pẹhẹ ai no, re a gbẹ sae kparoma ha;+A ti kie fihọ otọ evawọ mẹ.
40 Whọ te kẹ omẹ ẹgba nọ me ti ro fi ẹmo na;+Who ti ru ewegrẹ mẹ kie kẹ omẹ.+
41 Who ti ru ewegrẹ mẹ dhẹ kẹ omẹ;*+Me ti kpe* ahwo nọ a mukpahe omẹ no.+
42 A bi bo kẹ obufihọ, rekọ ohwo ọvo ọ riẹ nọ o re siwi ai hi;A bi tube bo se Jihova, rekọ ọ be kẹ ai uyo ho.+
43 Me ti duwu ai wuru wuru wọhọ ẹkpẹ otọ* na;Me ti kpe ai ehehẹhẹ je thihi ai wọhọ ọloho nọ ọ rrọ iyẹrẹ.
44 Who ti siwi omẹ no obọ ahwo mẹ nọ a be jọ obọ mẹ gwọlọ oruthọ.+
Whọ te sẹro mẹ re mẹ jọ ọnọ o wuzou erẹwho;+Ahwo nọ mẹ riẹ ẹdẹvo ho a te gbodibo kẹ omẹ.+
45 Ahwo erẹwho efa a te nyaze ti guzou kpotọ avọ iguegue evaọ aro mẹ;+Oware nọ a yo kpahe omẹ u ti ru ai yoẹme kẹ omẹ.*
46 Udu u ti no ahwo erẹwho efa awọ;*A ti no eria omofọwẹ rai ze yọ a bi nuhu.
47 Jihova ọ rrọ uzuazọ! Jọ ujiro u te Utho mẹ!+
Jọ a kpare Ọghẹnẹ utho esiwo mẹ kpehru.+
48 Ọghẹnẹ uzẹme na ọ be kioja kẹ omẹ;+O bi hrẹ ahwo na kpotọ re a jọ otọ mẹ;+
49 O bi siwi omẹ no obọ ewegrẹ mẹ.
Whọ kpare omẹ kpobọ ehru+ siọ ahwo nọ a be họre omẹ ba;Who siwi omẹ no obọ ohwo nọ o re ru ozighi.+
50 Oyejabọ nọ me ti ro yere owhẹ evaọ udevie erẹwho na,+ O Jihova,Yọ mẹ te so ile* jiri odẹ ra:+
51 O bi ru eware ilogbo ro siwi ovie riẹ;*+O bi dhesẹ uyoyou nọ o rẹ hiẹ hẹ kẹ ọriẹ nọ o wholo,Rọkẹ Devidi gbe emọ* riẹ bẹdẹ bẹdẹ.”+
Eme-Obotọ
^ Hayo “osiwi ọgaga mẹ.”
^ Hayo “oria ukpehru omofọwẹ.”
^ Hayo “ofou na.”
^ Hayo “oria nọ u whrowhro oma.”
^ Hayo o sae jọ nọ, “who re ru wọhọ ẹsenọ whọ rrọ gheghẹ nọ who te bi yerikugbe ohwo ẹghẹ.”
^ Hayo “yọ oware nọ a rọ erae ru fo no.”
^ Hayo “ekuawọ.”
^ Hayo “Who ti ru omẹ ruẹ uke ewegrẹ mẹ.”
^ Evaọ Hibru, “Me ti ru enọ i mukpahe omẹ fibo.”
^ Hayo “otọakpọ.”
^ Evaọ Hibru, “A ti yoẹme kẹ omẹ evaọ oware nọ ezọ na i yo.”
^ Hayo “Ahwo erẹwho efa a te hiẹ no.”
^ Hayo “Me ti kporo ile.”
^ Hayo “O bi ru ovie riẹ wo obokparọ ulogbo ẹsibuobu.”
^ Evaọ Hibru, “ubi.”