Obe Jọn Avọ Esa 1:1-14
1 Ọnọ ọ kpako no na* o bi kere se Geyọs, oyoyou na, ọnọ me you gaga.
2 Oyoyou, mẹ be lẹ nọ jọ u gbe woma kẹ owhẹ evaọ eware kpobi, re who je wo omokpokpọ, wọhọ epanọ u bi woma kẹ owhẹ* enẹna.
3 Mẹ ghọghọ gaga nọ inievo na a nyaze jẹ ta kpahe epanọ who kru uzẹme na ga, nọ whọ gbẹ be rọ nya evaọ uzẹme na.+
4 Oware ofa nọ o rẹ kẹ omẹ oghọghọ* vi onana o rrọ họ: re me yo nọ emọ mẹ a gbẹ be nya evaọ uzẹme na.+
5 Oyoyou, who bi dhesẹ ẹrọwọ ra* evaọ oware nọ who bi ru kẹ inievo na, dede nọ erara nọ whọ riẹ hẹ a rrọ.+
6 A se isẹri kpahe uyoyou ra evaọ aro ukoko na. Ivie, nọ a te ruọ edhere, fiobọhọ kẹ ae evaọ oghẹrẹ nọ o rẹ were Ọghẹnẹ.+
7 Keme fiki odẹ riẹ a rọ rrọ onya na, yọ a be rehọ oware ovo+ mi ahwo erẹwho na ha.
8 Fikiere o gba omai họ nọ ma re dede ahwo otiọye rehọ jẹ rẹrote ai,+ re mai kpobi ma jọ ibe iruiruo evaọ uzẹme na.+
9 Me kere oware jọ se ukoko na, rekọ Diọtrẹfis ọnọ ọ rẹ gwọlọ oria ọsosuọ evaọ udevie rai,+ ọ rẹ jẹ oware ovo nọ ma ta rehọ avọ adhẹẹ hẹ.+
10 Oyejabọ nọ mẹ tẹ nyaze, mẹ te fere eware nọ o bi ru na via, nọ ọ be rọ ta* eme imuomu kpahe omai evaọ oria kpobi.+ Fikinọ onana u te kẹe he, ọ rẹ rọwo dede inievo na rehọ+ avọ adhẹẹ hẹ; yọ enọ e gwọlọ dede inievo na rehọ ọ rẹ gwọlọ whaha ae je si ai no ukoko na no.
11 Oyoyou, whọ rọ aro kele oware uyoma ha, rekọ rọ aro kele oware uwoma.+ Ohwo nọ o bi ru oware uwoma o no obọ Ọghẹnẹ ze.+ Ohwo nọ o bi ru oware uyoma ọ re ruẹ Ọghẹnẹ hẹ.+
12 Inievo na kpobi a be ta emamọ ẹme kpahe Demitriọs, yọ oghẹrẹ nọ o bi yeri uzuazọ lele uzẹme na u dhesẹ onana via. Mai omamai ma bi se isẹri kpahe iẹe re, yọ whọ riẹ nọ isẹri mai yọ uzẹme.
13 Me wo eware buobu nọ me re kere se owhẹ, rekọ mẹ gbẹ gwọlọ rehọ ugbẹ avọ ame-ugbẹ kere ai se owhẹ hẹ.
14 Rekọ me bi rẹro nọ mẹ te ruẹ owhẹ kẹle na, ma vẹ te ta ẹme ovao dhe ovao.
Jọ udhedhẹ u te owhẹ.
Inievo* na a vi uyere rai se owhẹ. Yere inievo* na kẹ omẹ ọvuọvo.
Eme-Obotọ
^ Hayo “Ọkpako na.”
^ Hayo o sae jọ nọ, “nọ o rẹ lẹliẹ omẹ kẹ uyere.”
^ Hayo “who bi dhesẹ ọtẹruo ra; who bi dhesẹ nọ whẹ yọ ohwo nọ a rẹ sai fievahọ.”
^ Evaọ Griki, “nọ o bi ro gu ọriọriọ orọ.”
^ Hayo “Egbẹnyusu.”
^ Hayo “egbẹnyusu.”
