Emọs 1:1-15
1 Eme Emọs,* ọnọ ọ jọ omọvo ithuru-igodẹ obọ Tekoa,+ enọ a ta kẹe evaọ eruẹaruẹ kpahe Izrẹl evaọ oke Uzayah ovie+ Juda gbe evaọ oke Jeroboam+ ọmọzae Joash+ ovie Izrẹl, ikpe ivẹ taure otọ u te ti nuhu.+
2 Ọ ta nọ:
“Jihova o ti do enu no Zayọn ze,Yọ ọ te kpare urru riẹ ta ẹme no obọ Jerusalẹm ze.
Ẹbe ọrọrọ nọ ithuru-igodẹ i re su erao rai nyae re o ti whu no,Yọ ehru ugbehru Kamẹl ọ te ya fia kakaraka.”+
3 “Enẹ Jihova ọ ta,‘“Fiki iruthọ* esa Damaskọs, ẹhẹ fiki ene, me ti nwene iei hi,Keme a guọghọ Giliad gaga wọhọ epanọ a re ru nọ a tẹ be rọ ewẹ ekpala nọ a tehe eyọno fihọ ro si ibi no igbe ekakọ na.+
4 Fikiere me ti vi erae ruọ uwou Hazaẹl,+Yọ e te mahe iwou ikpehru Bẹn-hedad nọ e rẹ bẹ ẹvẹruọ.+
5 Me ti wiri ekpọ Damaskọs;+Mẹ te raha ahwo nọ a be rria Bikat-evẹnGbe ọnọ o bi su* Bẹt-idẹn;Yọ ahwo Siria a ti kpohọ igbo evaọ obọ Kiẹ,”+ ere Jihova ọ ta.’
6 Enẹ Jihova ọ ta,‘“Fiki iruthọ esa Gaza,+ ẹhẹ fiki ene, me ti nwene iei hi,Keme a mu ogbotu ahwo+ no ẹwho rai re a rehọ ae kẹ Edọm.
7 Fikiere me ti vi erae ruọ ugbẹhẹ Gaza,+Yọ e te mahe iwou ikpehru riẹ nọ e rẹ bẹ ẹvẹruọ.
8 Mẹ te raha ahwo nọ a be rria Ashdọd,+Gbe ọnọ o bi su* Ashkelọn;+Mẹ te wọso Ekrọn,+Yọ ahwo nọ a kiọkọ evaọ Filistia a ti whu,”+ ere Jihova Olori nọ Ọ Mai Kpehru na ọ ta.’
9 Enẹ Jihova ọ ta,‘Fiki iruthọ esa Taya,+ ẹhẹ fiki ene, me ti nwene iei hi,Keme a rehọ ogbotu ahwo nọ a mu kẹ Edọm,Yọ a kareghẹhọ ọvọ inievo ho.+
10 Fikiere me ti vi erae ruọ ugbẹhẹ Taya,Yọ e te mahe iwou ikpehru riẹ nọ e rẹ bẹ ẹvẹruọ.’+
11 Enẹ Jihova ọ ta,‘Fiki iruthọ esa Edọm,+ ẹhẹ fiki ene, me ti nwene iei hi,Keme ọ rọ ọgbọdọ le oniọvo obọriẹ,+Yọ ọ re ohrọ oniọvo riẹ hẹ;Ọ jẹ rehọ ofu za ae ekekẹ,Yọ o gbe bi mu ofu kẹ ae.+
12 Fikiere me ti vi erae ruọ Timan,+Yọ e te mahe iwou ikpehru Bọzra nọ e rẹ bẹ ẹvẹruọ.’+
13 Enẹ Jihova ọ ta,‘“Fiki iruthọ esa ahwo Ammọn,+ ẹhẹ fiki ene, me ti nwene iei hi,Keme a bẹre eva eyae Giliad nọ i dihọ re a ruẹsi ru ẹkwotọ rai kẹre.+
14 Fikiere me ti vi erae ruọ ugbẹhẹ Raba,+Yọ e te mahe iwou ikpehru riẹ nọ e rẹ bẹ ẹvẹruọ no,Avọ ubo ẹmo evaọ ẹdẹ ẹmo,Avọ okpofou evaọ ẹdẹ ofou ọwhibo.
15 Yọ ovie rai avọ ikpahwo-esuo riẹ* a ti kpohọ igbo,”+ ere Jihova ọ ta.’
Eme-Obotọ
^ Otofa riẹ họ “Re A Jọ Owha” hayo “Re A Wọ Owha.”
^ Hayo “ekparesuọ.”
^ Evaọ Hibru, “ọnọ o kru ọkpọ-isuẹsu.”
^ Evaọ Hibru, “ọnọ o kru ọkpọ-isuẹsu.”
^ Hayo o sae jọ nọ, “emezae-ovie na.”
