Emọs 2:1-16
2 “Enẹ Jihova ọ ta,‘“Fiki iruthọ* esa Moab,+ ẹhẹ fiki ene, me ti nwene iei hi,Keme ọ mahe igbenwa ovie Edọm re ọ rehọ enwo* no ai ze.
2 Fikiere me ti vi erae ruọ Moab, yọ e te mahe iwou ikpehru Kiriọt+ nọ e rẹ bẹ ẹvẹruọ no;Moab o ti whu evaọ udevie edo ozighi,Avọ ubo ẹmo, avọ edo onware.+
3 Me ti si osu* na no eva riẹJe kpe ikpahwo-esuo riẹ kpobi kugbei,”+ ere Jihova ọ ta.’
4 Enẹ Jihova ọ ta,‘Fiki iruthọ esa Juda,+ ẹhẹ fiki ene, me ti nwene iei hi,Keme a siọ uzi* Jihova,Yọ a koko ijaje riẹ hẹ;+Rekọ erue evona nọ esẹ-esẹ rai a lele na i su rai thọ no.+
5 Fikiere me ti vi erae ruọ Juda,Yọ e te mahe iwou ikpehru Jerusalẹm nọ e rẹ bẹ ẹvẹruọ.’+
6 Enẹ Jihova ọ ta,‘Fiki iruthọ esa Izrẹl,+ ẹhẹ fiki ene, me ti nwene iei hi,Keme a be rọ fiki isiliva zẹ ikiẹrẹe na,Jẹ be zẹ iyogbe na fiki eviẹ.+
7 A bi thihi izou iruori na fihọ ẹkpẹ otọ na,+Yọ a bi di edhere enọ e be romakpotọ.+
Ọsẹ avọ ọmọzae riẹ a bi lele ọmọtẹ ọvona wezẹ,Be wha ekela se odẹ ọrẹri mẹ.
8 A be rriẹ oma hotọ kẹle agbada-idhe kpobi+ evaọ ehru iwu nọ ahwo a ro viowa fihọ oware nọ a momo mi ai nọ a kru;+Yọ idi nọ a be da evaọ uwou* edhọ rai yọ enọ a mi ahwo nọ a ho.’
9 ‘Rekọ mẹ họ ọnọ ọ raha ahwo Amọ kẹ ae,+Enọ e jọ thethei wọhọ ire sida jẹ jọ gaga wọhọ ire ok;Mẹ raha ubi riẹ nọ o jọ obehru gbe awọ riẹ nọ ọ jọ obotọ.+
10 Mẹ rehọ owhẹ no ẹkwotọ Ijipti ze,+Me te ru owhẹ nya evaọ udhude na ikpe udhuvẹ,+Re whọ rehọ ẹkwotọ ahwo Amọ.
11 Mẹ rehọ emezae ra jọ mu eruẹaro+Jẹ rehọ emezae ra jọ mu otu Nazaraet.+
Kọ o gbẹ rrọ ere, O ahwo Izrẹl?’ ere Jihova ọ ta.
12 ‘Rekọ whọ tẹ be hae rọ enwaene kẹ otu Nazaraet na re a da,+Yọ who jie uzi kẹ eruẹaro na nọ: “Wha rẹ ruẹaro vievie he.”+
13 Fikiere mẹ te whọlọ owhẹ no evaọ oria ra,Nwane wọhọ epanọ akẹkẹ nọ a kwa ekakọ nọ a bru vọ eva ọ rẹ whọlọ oware kpobi nọ o rrọ otọ riẹ na.
14 Ọgba-ohrẹ na ọ te ruẹ oria ovo dhẹ kpohọ họ,+Ọgba na o ti gbe wo ogaga ha,Ọgbaẹmo ọvo ọ te sae dhẹ* vabọ họ.
15 Ọnọ ọ rẹ sa ose na ọ te sai dikihẹ hẹ,Ọgba-ohrẹ na ọ te sae dhẹ vabọ họ,Yọ ọdhẹ-anyenya na ọ te sae dhẹ vabọ họ.
16 Makọ ọnọ ọ mae gudu evaọ usu egbaẹmo na dedeỌ te dhẹ ẹbẹba evaọ ẹdẹ yena,’+ ere Jihova ọ ta.”
Eme-Obotọ
^ Hayo “ekparesuọ.”
^ Hayo “elaemo.”
^ Evaọ Hibru, “obruoziẹ.”
^ Hayo “uthubro.”
^ Hayo “etẹmpol.”