Emọs 5:1-27
5 “Wha yo ẹme nana nọ mẹ be rọ so ole uweri kpahe owhai na, O uwou Izrẹl:
2 ‘Izrẹl ọmọtẹ-kọkọ na o kie no;Ọ sae gbẹ kpama ofa ha.
A nyase iẹe ba no evaọ ẹkwotọ obọriẹ;Ohwo ọvo ọ riẹ nọ ọ te kpare iẹe he.’
3 “Keme enẹ Jihova Olori nọ Ọ Mai Kpehru na ọ ta:
‘Okpẹwho nọ ọ wha odu ahwo kpohọ ẹmo, udhusoi u ti kiọkọ;Yọ ọnọ ọ wha udhusoi kpohọ ẹmo, ikpe i ti kiọkọ, ere o te via kẹ uwou Izrẹl.’+
4 “Keme enẹ Jihova ọ ta kẹ uwou Izrẹl:
‘Wha gwọlọ omẹ re wha gbẹ jọ uzuazọ.+
5 Wha gwọlọ Bẹtẹl he,+Wha kpohọ Gilgal ha+ hayo nyavrẹ kpobọ Biẹ-shiba ha,+Keme Gilgal o ti kpohọ igbo hrọ,+Yọ Bẹtẹl ọ te jọ ofofe.*
6 Wha gwọlọ Jihova re wha gbẹ jọ uzuazọ,+Re o gbe vo mu uwou Josẹf wọhọ erae he,Nọ e te mahe Bẹtẹl, ababọ ohwo ọvo nọ o ti furie iei.
7 Wha bi zihe uvioziẹ ruọ ẹbe ọyayare,*Yọ wha bi thihi ẹrẹreokie nyaotọ.+
8 Ọnọ ọ ma ẹko isi Kaema* gbe ẹko isi Kisil,*+Ọnọ o re zihe ebi ọlala ruọ ohiohiẹ,Ọnọ o re zihe uvo ruọ ebi aso,+Ọnọ o re se ame abade kpohọ ehruRe o ku ei ku otọakpọ na+—Jihova họ odẹ riẹ.
9 O ti ru re ọraha o te egba na,Ọ te rọ ọraha te eria nọ a di ogba wariẹ họ.*
10 A mukpahe enọ e be kẹ ọwhọkuo evaọ unuẹthẹ okpẹwho na,Yọ ahwo nọ a rẹ ta uzẹme a re tu ae oma.+
11 Fikinọ wha bi mi iyogbe osa fihọ udhu*Yọ wha be rehọ ibi ekakọ riẹ mi ei wọhọ azọhọ,+Wha gbẹ te rria iwou itho nọ a bru nọ wha bọ na ha+Hayo da enwaene emamọ egbọ evaene nọ wha kọ họ.+
12 Keme mẹ riẹ epanọ iruthọ* rai i bu teGbe epanọ izieraha rai e rro te—Wha bi kpokpo ikiẹrẹe na,Wha be re udi,*Yọ wha bi kienyẹ iyogbe na evaọ unuẹthẹ okpẹwho na.+
13 Fikiere ahwo nọ a wo otoriẹ udidi a ti fibo evaọ oke yena,Keme o te jọ oke okpẹtu.+
14 Gwọlọ oware uwoma orọnikọ oware uyoma ha,+Re wha gbẹ jọ uzuazọ.+
Kẹsena Jihova Ọghẹnẹ olori egbaẹmo na ọ vẹ te jọ kugbe owhai,Nwane wọhọ epanọ wha ta nọ ọ rrọ kugbe owhai na.+
15 Mukpahe oware uyoma, you oware uwoma,+Jọ uvioziẹ o kparobọ evaọ unuẹthẹ okpẹwho na.+
Ẹsejọhọ Jihova Ọghẹnẹ olori egbaẹmo naỌ te re ohrọ erọ Josẹf nọ i kiọkọ.’+
16 “Fikiere enẹ Jihova Ọghẹnẹ olori egbaẹmo na, Jihova, ọ ta:
‘Uweri o te jọ iko-ore na kpobi,Yọ a te jọ iyẹrẹ na kpobi bo nọ, “Kinọ oja, kinọ oja!”
A te ta kẹ ewhẹrẹ inọ a weriGbe ahwo nọ a riẹ kpahe eweri ziezi re a kuenu oviẹ.’
17 ‘Uweri o te jọ ọgbọ evaene kpobi;+Keme mẹ te nya udevie rai vrẹ,’ ere Jihova ọ ta.
18 ‘Uye u te ahwo nọ a be gwọlọ nọ ẹdẹ Jihova ọ ze!+
Ẹvẹ ẹdẹ Jihova ọ te jọ kẹ owhai?+
O te jọ ebi, orọnikọ elo ho.+
19 O te jọ wọhọ ohwo nọ ọ be dhẹ siọ okpohrokpo ba, adaka o te zere iei,Yọ nọ ọ ruọ eva uwou riẹ jẹ rọ obọ kpahe ugbẹhẹ, araomuomu ọ tẹ rowo iẹe.
20 Kọ ogbẹrọnọ ebi ẹdẹ Jihova ọ te jọ, orọnikọ elo ho;Kọ o gbẹ te jọ ebi ọlala orọnikọ elo ho?
21 Me mukpahe ehaa rai, ehaa rai i fioka ha evaọ aro mẹ,+Yọ me wo evawere ọvo kpahe ore-awere ikokohọ urirẹ rai hi.
22 Wha tẹ maki dhe idhe emahọ kẹ omẹ jẹ kẹ omẹ ekẹ dede,E te were omẹ hẹ;+Yọ mẹ te jẹ idhe ọriẹyeri rai erọ erao epoporiẹ rehọ họ.+
23 Wha si edo ọgaga ile rai no aro mẹ;Mẹ gwọlọ gbe yo edo ekpata-ifi rai hi.+
24 Jọ uvioziẹ u su wọhọ ame,+Re ẹrẹreokie o je su wọhọ oko-ame nọ o bi kporo ẹkẹre ẹsikpobi.
25 Kọ wha rehọ idheidhe gbe ekẹ se omẹEvaọ ikpe udhuvẹ nọ wha rọ jọ udhude na, O uwou Izrẹl?+
26 Obọnana wha te wọ Sakut ovie rai vrẹ gbe Kaewan,*Emema rai, esi ọghẹnẹ rai, nọ wha ru kẹ omarai,
27 Yọ me ti vi owhai kpohọ igbo thabọ no Damaskọs,’+ ere ọnọ odẹ riẹ o rrọ Jihova Ọghẹnẹ olori egbaẹmo ọ ta.”+
Eme-Obotọ
^ Hayo o sae jọ nọ, “o ti zihe ruọ oria iruẹru ebi.”
^ Hayo “ẹyayare.”
^ O sae jọ nọ ẹko isi Orion.
^ O sae jọ nọ isi Pleiades nọ e rrọ eva ẹko isi Taurus.
^ Hayo “e rẹ bẹ ẹvẹruọ.”
^ Hayo “osa-uzou otọ.”
^ Hayo “Wha be lẹlẹ mi igho.”
^ Hayo “ọkparesuọ.”
^ O sae jọ nọ edhọ ivẹ nana nọ a fodẹ na yọ eplanẹte Saturn, onọ a jẹ gọ.
