Ibruoziẹ 5:1-31
5 Evaọ ẹdẹ yena Debora+ avọ Berak+ ọmọzae Abinoam a tẹ so ole nana:+
2 “Fiki eto uzou nọ a gba kugbe he* evaọ Izrẹl,Fikinọ ahwo na a fialoma via,+Wha jiri Jihova!
3 Wha gaviezọ, whai ivie! Wha kezọ, whai isu!
Mẹ rẹ so ole kẹ Jihova.
Mẹ rẹ so ile ujiro* kẹ Jihova,+ Ọghẹnẹ Izrẹl.+
4 Jihova, okenọ who no Siya vrẹ,+Nọ who thihi no ẹkwotọ Edọm vrẹ,Otọakpọ na u te nuhu, idhiwu na i te hwẹ ame ze,Ame o te hwẹ no ẹgho na ze.
5 Igbehru e tẹ ghra* evaọ aro Jihova,+Makọ ugbehru Saena dede o ghra evaọ aro Jihova,+ Ọghẹnẹ Izrẹl.+
6 Evaọ edẹ Shamga+ ọmọzae Enat,Evaọ edẹ Jeẹl,+ idhere na e jọ fọfọ;Idhere emu enọ i je kpohọ erẹ e jẹ nya.
7 Ahwo nọ a be rria iwhre evaọ Izrẹl a gbẹ rrọ họ;A gbẹ jarai hi bẹsenọ mẹ, Debora,+ mẹ rọ kpama,Bẹsenọ mẹ rọ kpama wọhọ oni evaọ Izrẹl.+
8 A salọ eghẹnẹ ekpokpọ;+Kẹsena a te je fi ẹmo evaọ inuethẹ ikpewho na.+
A sae ruẹ ojese hayo ozuẹ hẹEvaọ udevie ezae idu udhuvẹ (40,000) evaọ Izrẹl.
9 Udu mẹ o rrọ kugbe enọ i wuzou egbaẹmo Izrẹl,+Enọ e fialoma via lele ahwo na nya.+
Wha jiri Jihova!
10 Whai enọ e be dhẹ eketekete eviẹviẹ,Whai enọ e keria ehru ekapẹte iwowoma,Jegbe enọ e be nya evaọ edhere,Wha roro!
11 A yo edo uvo enọ i je vo ame evaọ eria nọ ame ọ rrọ;A jẹ jọ etẹe ta kpahe iruẹru ikiẹrẹe Jihova,Iruẹru ikiẹrẹe ahwo riẹ nọ a be rria iwhre evaọ Izrẹl.
Kẹsena ahwo Jihova a tẹ nya kpohọ inuethẹ ikpewho na.
12 Rọwo ze, rọwo ze, O Debora!+
Rọwo ze, rọwo ze, so ole!+
Kparoma, Berak!+ Su enọ who mu rehọ vrẹ, whẹ ọmọzae Abinoam!
13 Kẹsena enọ i kiọkọ e tẹ nyabru ikpahwo na ze;Ahwo Jihova a tẹ nyabru omẹ ze re a họre egba na.
14 Obọ Ifremu a no ze, enọ e rrọ obọ ukiekpotọ* na;A bi lele owhẹ avọ ahwo ra, O Bẹnjamin.
Obọ Meka+ enọ i wuzou egbaẹmo na i no vrẹ,Enọ e wha ubiọkpọ ọnọ ọ rẹ rehọ ahwo fihọ ogbaẹmo na* a te no obọ Zẹbulọn vrẹ.
15 Ikpahwo-esuo orua Isaka e jọ kugbe Debora,Epanọ Isaka ọ jọ kugbei na, ere Berak ọ jọ kugbei re.+
Ọ rehọ owotọ nyaziọ ukiekpotọ* na.+
Itu sa-sa nọ e rrọ orua Rubẹn e jẹ kiẹ udu rai riwi gaga.
16 Fikieme whọ rọ keria otọ evaọ udevie ekpa-owha ivẹ na,Be gaviezọ kẹ ae nọ a bi kporo irete rai kẹ ithuru erao na?+
Itu sa-sa nọ e rrọ orua Rubẹn e jẹ kiẹ udu rai riwi gaga.
17 Giliad ọ daji abọdekọ Jọdan;+Kọ Dan omariẹ, fikieme ọ rọ jọ kugbe ekọ na?+
Asha ọ keria akotọ abade ababọ oware nọ o bi ru,Yọ o no eria riẹ nọ a re bi ekọ kpahe na ha.+
18 Orua Zẹbulọn họ ahwo nọ a fi uzuazọ* rai họ ọza te epanọ a je ti ro whu;Ere orua Naftalae u ru re+ evaọ ehru ikpehru na.+
19 Ivie e wọ ze, a te fi ẹmo;Ivie Kenan i te je fi ẹmo+Evaọ Teanak, kẹle ame Mẹgido.+
A sae wha isiliva evuevo kpo ho.+
20 Isi na i fi ẹmo no obọ odhiwu ze;Evaọ oria nọ a rrọ a jọ lele Sisera fi ẹmo.
21 Ẹkẹre ame* Kaeshọn o su rai vrẹ,+Ẹkẹre ame* anwae na, ẹkẹre ame* Kaeshọn.
Me te* thihi egba na nyaotọ.
22 Kẹsena ekothawọ enyenya i te bi thihi otọNọ enyenya ẹmo riẹ e be dhẹ avọ ofu na.+
23 ‘Wha bọwo Mirọz ehao,’ ere ukọ-odhiwu Jihova ọ ta,‘Ẹhẹ, wha bọwo enọ e be rria eva riẹ ehao,Keme a nyaze ti fiobọhọ kẹ Jihova ha,A nyaze ti fiobọhọ kẹ Jihova avọ egba na ha.’
24 Jeẹl họ ọnọ ọ mai wo oghale evaọ usu eyae kpobi,+Aye Hiba+ ohwo Kẹn na;Ọye ọ mai wo oghale evaọ usu eyae nọ e be rria iwou-udhu.
25 Ọ yare ame; ọ kẹ riẹ ame-ivie eruẹ da.
O ku ame-ivie eruẹ ọgbogbodo fihọ emamọ omodhe okokodo ologbo kẹe da.+
26 Ọ rọ obọ riẹ tọlọ ughele nọ a rẹ rọ tehe uwou-udhu nyaotọ,Ọ rehọ obọze riẹ tọlọ ogbokọ oruiruo.
Ọ tẹ tehe Sisera, ọ pẹhẹ uzou riẹ,Ọ tehe oware ruọ abovao riẹ.+
27 Ọ fia fihọ udevie awọ riẹ; o kie jẹ rriẹ fihọ otọ jọjọrọjọ;Ọ fia fihọ udevie awọ riẹ, o kie;Oria nọ ọ fia fihọ, etẹe o whu fihọ.
28 Aye jọ o rri no unwido ze,Oni Sisera ọ jọ ighogho unwido na no rri otafe,‘Fikieme akẹkẹ riẹ ọ gbẹ re dhẹ ze he?
Fikieme me gbe ri yo edo ekẹkẹ riẹ hẹ?’+
29 Enọ e mai wo areghẹ evaọ usu eyae nọ e rrọ ikpahwo riẹ a vẹ kẹe uyo;Ẹhẹ, ọyomariẹ ọ vẹ be wariẹ kẹ omariẹ nọ,
30 ‘Ẹsejọhọ a be ghale egbo-ẹmo na enẹna,A te rehọ ọmọtẹ,* emetẹ ivẹ,* rọkẹ ọgbaẹmo kpobi,A te jọ usu egbo-ẹmo na kẹ Sisera ewu ekọlọ, ewu ekọlọ evaọ usu egbo-ẹmo na,A te rehọ ewu nọ a zuo eware onaa họ, ohọ ekọlọ, iwu ivẹ nọ a zuo eware onaa họKẹ egbaẹmo nọ e kwa eware na nọ a re fihọ uriohọ.’
31 Jọ ewegrẹ ra kpobi i whu no,+ O Jihova,Rekọ, jọ ahwo nọ a you owhẹ a jọ wọhọ ọre nọ ọ be va ze evaọ oruaro riẹ.”
Omofọwẹ* o tẹ jọ ẹkwotọ na evaọ ikpe udhuvẹ.+
Eme-Obotọ
^ Hayo “Fiki egbaẹmo nọ e gba eto uzou rai kugbe he.”
^ Hayo “Me re kporo ile.”
^ Hayo o sae jọ nọ, “i te nuhu.”
^ Hayo “ukiekpotọ opraprara.”
^ Hayo o sae jọ nọ, “Enọ ekwakwa nọ okere-obe o re ro ruiruo e rrọ obọ na.”
^ Hayo “ukiekpotọ opraprara.”
^ Hayo “Oko-ame.”
^ Hayo “oko-ame.”
^ Hayo “Oko-ame.”
^ Evaọ Hibru, “edhede ọvo.”
^ Evaọ Hibru, “edhede ivẹ.”
^ Hayo “Udhedhẹ.”