Itẹ 12:1-28
12 Ohwo nọ o you uthubro* o you eriariẹ,+Rekọ ohwo nọ o mukpahe ọwhọkuo o wo iroro ho.*+
2 Emamọ ohwo o re wo ọjẹrehọ Jihova,Rekọ Ọghẹnẹ o re brukpe ohwo nọ ọ rẹ ma omaa umuomu.+
3 Ohwo ọvuọvo o re wo omofọwẹ no emuemu ze he,+Rekọ a ti vi ohwo okiẹrẹe na no otọ vievie he.
4 Emamọ aye yọ etu-uvie rọkẹ ọzae riẹ,+Rekọ aye nọ o re ru eware omovuọ yọ egbogbo evaọ igbenwa ọzae riẹ.+
5 Iroro ohwo okiẹrẹe i re woma,Rekọ ehrẹ ohwo omuomu e rẹ viẹ ohwo họ.
6 Eme ohwo omuomu e wọhọ ohwo nọ o dhere be hẹrẹ ọnọ o re kpe,*+Rekọ unu ahwo nọ a kiete u re siwi ai.+
7 Nọ a te kpe irumuomu na no, a te gbẹ ruẹ e rai hi,Rekọ uwou ohwo okiẹrẹe u ti gbe dikihẹ.+
8 A re jiri ohwo nọ ọ rọ unu riẹ ta eme nọ i dhesẹ orimuo,+Rekọ a re rri ohwo nọ o wo eva ikpikpiri vo.+
9 O rẹ mai woma re ohwo o wo umutho adhẹẹ je wo odiboViukpenọ o re ru oma oruoro yọ o wo emu* ọvuọvo ho.+
10 Ohwo okiẹrẹe ọ rẹ rẹrote erao* riẹ nọ o bi thuru,+Rekọ ohrọ-oriọ ohwo omuomu dede yọ evega.
11 Ohwo nọ ọ rẹ kọ eware fihọ otọ riẹ o re wo emu buobu,+Rekọ ohwo nọ o bi le eware nọ i fioka ha ọ kare areghẹ.*
12 Ohwo omuomu ọ rẹ re ahwo oyoma efa ihri fiki eware nọ a wo,*Rekọ ohwo okiẹrẹe ọ wọhọ ure nọ o ta awọ muotọ nọ o rẹ mọ ibi.
13 Eme imuomu nọ ohwo omuomu ọ be ta họ ẹta nọ o ti mu ei,+Rekọ ohwo okiẹrẹe o ti no uye.
14 Ubi nọ ẹmeunu ohwo ọ mọ o rẹ wha ewoma buobu sei,+Yọ iruo abọ riẹ e te wha erere sei.
15 Idhere ohwo ogheghẹ i re kiehọ evaọ aro riẹ,+Rekọ ohwo nọ o wo areghẹ ọ rẹ jẹ ohrẹ* rehọ.+
16 Ohwo ogheghẹ ọ rẹ raha oke he re o te dhesẹ ofu riẹ via,*+Rekọ ohwo nọ o wo areghẹ ọ rẹ kpairoro vrẹ* eme iyoma nọ a ta kẹe.
17 Osisẹri nọ a re fievahọ ọ rẹ ta uzẹme,*Rekọ osisẹri ọrue ọ rẹ ta eme eviẹhọ.
18 Eme nọ a roro te re a tẹ ta ha, e wọhọ ọgbọdọ nọ a ro duwu ohwo,Rekọ ẹrọo ohwo owareghẹ o re siwi.+
19 Igbenu nọ e rẹ ta uzẹme e rẹ jọ bẹdẹ bẹdẹ,+Rekọ ẹrọo ọrue ọ rẹ jọ evaọ omoke kakao.+
20 Eviẹhọ e rrọ udu enọ e rẹ gba ẹgwae omuomu,Rekọ enọ i re ru oware nọ o rẹ wha udhedhẹ ze* a re wo oghọghọ.+
21 Okpẹtu ọvuọvo o ti te ohwo okiẹrẹe he,+Rekọ ohwo omuomu o ti wo idabolo buobu.+
22 Igbenu nọ e rẹ ta ọrue e rẹ tọtọ Jihova oma,+Rekọ enọ e rẹ ta uzẹme e rẹ were iẹe.
23 Ohwo nọ o wo orimuo ọ rẹ ko oware nọ ọ riẹ dhere,Rekọ ohwo ogheghẹ ọ rẹ rọ unu riẹ ta ugheghẹ riẹ via.+
24 Enọ i re kru obọ rai ga a ti su,+Rekọ a te rọ eyẹlẹ na ru iruo ọgbahọ.+
25 Awaọruọ nọ ọ rrọ udu ohwo u re mi ei ẹgba,*+Rekọ emamọ ẹme ọ rẹ sasa iẹe oma.+
26 Ohwo okiẹrẹe ọ rẹ kiẹ otọ nọ erao riẹ e te jọ re ẹbe riwi,Rekọ edhere ohwo omuomu o re su ei thọ.
27 Ọyẹlẹ o re le arao ho,+Rekọ obọ nọ ohwo o re kru ga yọ emamọ oware gaga.
28 Edhere ẹrẹreokie o re su kpohọ uzuazọ;+Uwhu o rrọ edhere na ha.
Eme-Obotọ
^ Hayo “o wo areghẹ hẹ.”
^ Hayo “ọwhọkuo; uwuhrẹ.”
^ Evaọ Hibru, “i dhere be hẹrẹ azẹ.”
^ Evaọ Hibru, “ebrẹdi.”
^ Evaọ Hibru, “ọ kare ubiudu.”
^ Hayo “eware nọ a mu.”
^ Hayo “uthubro.”
^ Hayo “Ohwo ogheghẹ o re dhesẹ ofu riẹ via ẹdẹdẹ.”
^ Evaọ Hibru, “ruru.”
^ Evaọ Hibru, “ọ rẹ ta oware nọ u kiẹrẹe.”
^ Evaọ Hibru, “enọ e rrọ ekohrẹ udhedhẹ.”
^ Hayo “u re ru ei jọ ọkora.”
