Itẹ 7:1-27
7 Ọmọzae mẹ, ru lele eme mẹ,Rri ijaje mẹ ghaghae.*+
2 Koko ijaje mẹ re whọ jọ uzuazọ;+Ru lele uthubro* mẹ ẹsikpobi, ru ei wọhọ ọmọ-ẹro ra nọ whọ be thọ.
3 Thuru ai fihọ iziabọ ra;Kere ai fihọ ẹwẹ-akpala udu ra.+
4 Ta kẹ areghẹ nọ, “Whẹ yọ oniọvo-ọmọtẹ mẹ,”
Re who je se otoriẹ “omoni mẹ,”
5 Re e thọ owhẹ no obọ aye nọ o wo ekpehre ẹro,*+No obọ ogberẹ aye* na avọ eme ewewere* riẹ.+
6 Mẹ jọ unwido uwou mẹ,Evaọ ighogho unwido na rri obotọ,
7 Nọ me bi rri igbori* na,Mẹ tẹ jọ usu emoha na muẹrohọ ọmọzae jọ nọ ọ kare areghẹ.*+
8 Ọ be nya iyẹrẹ nọ ọ rrọ edhere uwou riẹ,*Ọ tẹ nya rri ofẹ nọ uwou riẹ o rrọ
9 Evaọ owọwọ, nọ ọre o kiediwi no,+Nọ aso ọ be tha, nọ otọ u bi muebi.
10 Kẹsena mẹ tẹ ruẹ aye jọ nọ ọ be nyabru ei ze,Nọ ọ gọ ẹgọ wọhọ ogberẹ,*+ yọ o wo udu ẹghẹ.
11 Ọ ga agba viere, avọ orivo.+
Owọ riẹ o rẹ daji uwou hu.
12 Obọnana ọ rrọ obọ otafe, who je ti rri hi na o te obọ oko-ore no,Ọ rẹ rọ oma da ubienẹ kpobi.+
13 Ọ tẹ jobọ kru rie, ọ tẹ viọlọ iẹe;Ọ tẹ be ta kẹe ududu* nọ:
14 “Mẹ ruẹ nọ u wuzou re me dhe idhe ọriẹyeri.+
Nẹnẹ na me ru eyaa mẹ gba.
15 Oyejabọ nọ mẹ rọ nyazeTe gwọlọ owhẹ, yọ mẹ ruẹ owhẹ no!
16 Mẹ rọ emamọ ehọ-elọlọhọ hwa ehwa mẹOhọ-olọlọhọ orọ emamọ ekọlọ nọ u no obọ Ijipti ze.+
17 Mẹ frẹ mọr, alọe, gbe sinamọn fihọ ehwa mẹ no.+
18 Nyaze, re ma wo omaweromẹ uyoyou rite ohiohiẹ;Joma reawere uyoyou obẹlẹ kugbe,
19 Keme ọzae mẹ ọ rrọ uwou hu;O kpohọ erẹ ugbothabọ.
20 Ọ wha ẹkpa ugho lele oma,Yọ o ti kpozi hi bọo ẹdẹ nọ ọvẹre o re ghelie no.”
21 Ọ tẹ rehọ eme ewewere* buobu viẹe họ.+
Ọ rehọ eme elọlọhọ lẹliẹe.
22 Ẹsiẹvo na o te bi we lele iei wọhọ eruẹ nọ a bi su nyai kpe,Wọhọ ohwo ogheghẹ nọ a bi ti fihọ ewẹ-ekpala ekarọ,*+
23 Bẹsenọ ose o re duwu edhẹ riẹ;Wọhọ ọvra nọ ọ be họrọ ruọ ẹta, ọ riẹ nọ uzuazọ* riẹ u ti lele iei hi.+
24 Fikiere, emezae mẹ, wha gaviezọ kẹ omẹ;Wha kezọ kẹ eme nọ mẹ be ta.
25 Wha kuvẹ re idhere riẹ i mu owhai họ ẹwere evaọ udu rai hi.
Wha ghoro ruọ imidhere riẹ hẹ,+
26 Keme o si uwhu kpe ahwo buobu no,+Yọ enọ o kpe kufiẹ no e rrọ buobu gaga.+
27 Uwou riẹ u re su ohwo kpobọ Uki;*U re su kpobọ ibrikpẹ uwhu.
Eme-Obotọ
^ Hayo “Fi ijaje mẹ họ eva ra.”
^ Hayo “uzi.”
^ Hayo “eme-ẹlẹliẹ.”
^ Hayo “ahwo nọ a rrọ gede gede.”
^ Evaọ Hibru, “ọ kare ubiudu.”
^ Koyehọ, aye na.
^ Hayo “Nọ o ku ewu ogberẹ họ.”
^ Hayo “ababọ omovuọ.”
^ Hayo “ẹtẹzẹ.”
^ Hayo “egbregba.” Rri oria Otofa Eme, “Ewẹ-ekpala ekarọ.”
