Itẹ 8:1-36
8 Kọ areghẹ o gbe bi bo via?
Kọ orimuo ọ gbẹ be kpare urru riẹ bo via?+
2 Evaọ eria ikpehru+ nọ e rrọ edhere na,O dikihẹ edhere-adasa na.
3 Kẹle akotọ inuethẹ nọ a rẹ rọ ruọ okpẹwho na,Evaọ aro inuwou na,Etẹe ọ ruabọhọ bi jo bo via, inọ:+
4 “O ahwo, whai me bi se na;Mẹ be kpare urru mẹ bo se ohwo kpobi.*
5 Whai igbori na, wha daoma rri otọ mu;+Whai igheghẹ na, wha daoma wo otoriẹ.*
6 Wha gaviezọ keme ẹme nọ mẹ be ta na o wuzou,Igbenu mẹ e be ta oware nọ o gba;
7 Keme mẹ rẹ rọ unu kpotọ ta uzẹme,Yọ eme imuomu e rẹ tọtọ igbenu mẹ oma.
8 Eme nọ i bi no unu mẹ ze kpobi i kiẹrẹe.
Ẹme ẹghẹ hayo eviẹhọ ọvo ọ rrọ usu rai hi.
9 Omarai kpobi e rrọ vevẹ kẹ ahwo orimuoJẹ rrọ gbagba kẹ enọ i duku eriariẹ no.
10 Jẹ uthubro* mẹ rehọ viukpọ isiliva,Re whọ jẹ eriariẹ rehọ viukpọ igoru nọ e mai woma,+
11 Keme areghẹ o woma vi ikoral;*A rẹ sae rọ eware iwoma efa kpobi wawo iẹe he.
12 Mẹ areghẹ, mẹ be rria kugbe orimuo;*Me duku eriariẹ no jẹ riẹ epanọ a re roro oware te ziezi.+
13 Ozodhẹ Jihova họ re a mukpahe oware uyoma.+
Me mukpahe oma okpare kpehru gbe omorro+ gbe edhere omuomu avọ eme ogbẹta.+
14 Me wo emamọ ohrẹ gbe uvi areghẹ;+Otoriẹ+ gbe ogaga+ e rrọ omẹ obọ.
15 Ẹkwoma mẹ ivie i bi ro su,Yọ ẹkwoma mẹ enọ e rrọ ahwo ologbo evaọ esuo a bi ro fi izi ikiẹrẹe họ.+
16 Ẹkwoma mẹ isu i bi ro su,Yọ ẹkwoma mẹ ikpahwo a bi ro bruoziẹ nọ o kiẹrẹe.
17 Me you enọ i you omẹ,Yọ enọ e be gwọlọ omẹ a te ruẹ omẹ.+
18 Efe gbe oruaro e rrọ omẹ obọ,Efe nọ ọ rẹ tọ* gbe ẹrẹreokie.
19 Ibi nọ mẹ rẹ mọ i woma vi igoru, makọ igoru nọ a ru fo no dede,Yọ eware nọ i bi no omẹ obọ ze i woma vi isiliva nọ e mai woma.+
20 Mẹ rẹ nya edhere ẹrẹreokie,Evaọ udevie* idhere uvioziẹ;
21 Mẹ rẹ rọ ukuoriọ oghaghae kẹ enọ i you omẹ,Mẹ rẹ kwa iwou rai nọ a rẹ jọ sẹro* eware vọ.
22 Jihova ọ ma omẹ, mẹ họ emuhọ emama riẹ,+Mẹ ọ kake ma kpobi evaọ usu emama riẹ erọ oke krẹkri nọ u kpemu.+
23 No anwae* ze a rọ rehọ omẹ dikihẹ kothi,+No emuhọ ze, okenọ a re ma otọakpọ na dede he.+
24 Okenọ ame odidi na ọ re te jọ họ,+ yọ a ma omẹ no,*Okenọ iyeri-ame nọ i re kporo ẹkẹre e jariẹ hẹ.
25 Taure a tẹ te ma igbehru na fihọ eria nọ e rrọ na,Taure ikpehru na e tẹ te ze yọ a ma omẹ no,
26 Okenọ ọ re te ma akpọ na avọ etọ riẹ hẹHayo nọ ọ re te ma ikulu ẹkpẹ ọsosuọ erọ otọakpọ na ha.
27 Okenọ ọ ruẹrẹ idhiwu na họ,+ mẹ jọ etẹe;Okenọ o fi umuo họ kẹ idadeghe na nọ o wọhọ ẹsenọ o rọ abọ duwu otọ* evaọ ehru ame* na,+
28 Okenọ ọ ma ẹgho obehru na,*Okenọ o ru ame obuobu* na,
29 Okenọ o jie uzi kẹ abade naInọ ame riẹ ọ rẹ vrẹ uwhru* nọ o fihọ na ha,+Okenọ o fi otọhotọ akpọ na họ,*
30 Evaọ oke yena, mẹ jọ abotọ riẹ wọhọ ọnọ o wo onaa iruo ziezi.+
Mẹ họ ọnọ ọ jẹ hae were iẹe gaga+ kẹdẹ kẹdẹ;Mẹ jẹ ghọghọ evaọ aro riẹ oke na kpobi;+
31 Mẹ ghọghọ fiki otọakpọ riẹ nọ ọ ma re a rria na,Yọ oware nọ o jẹ mae were omẹ oma kọ emọ ahwo.*
32 Fikiere, emezae mẹ, wha gaviezọ kẹ omẹ;Ẹhẹ, jọ eva e were enọ e be nya evaọ idhere mẹ.
33 Gaviezọ kẹ uthubro*+ re who wo areghẹ,Who gbolaro kufiẹ kẹe vievie he.
34 Jọ eva e were ohwo nọ ọ rẹ gaviezọ kẹ omẹNọ ọ rẹ riọ ziọ* unuẹthẹ mẹ kẹdẹ kẹdẹ,Nọ o re dikihẹ akotọ unuẹthẹ mẹ hẹrẹ;
35 Keme ọnọ ọ gwọlọ omẹ tobọ o ti wo uzuazọ,+Yọ Jihova ọ te jẹe rehọ.
36 Rekọ ohwo nọ o gbolaro kẹ omẹ ọ nwa omobọ* riẹ oma,Yọ enọ i mukpahe omẹ a you uwhu.”+
Eme-Obotọ
^ Evaọ Hibru, “emezae ahwo.”
^ Evaọ Hibru, “riẹ otọ udu.”
^ Hayo “ọwhọkuo.”
^ Hayo “ẹromuhotọ.”
^ Hayo “Eware ukuoriọ eghaghae.”
^ Hayo “edhedhe.”
^ Hayo “rawo.”
^ Hayo “oke krẹkri.”
^ Hayo “yọ a ma omẹ no avọ iruo egaga wọhọ epaọ eva-eyẹ.”
^ Evaọ Hibru, “Nọ o fi umuo họ kẹ egheghelie na.”
^ Hayo “abade.”
^ Evaọ Hibru, “Okenọ o ru ẹgho obehru na fihọ gaga.”
^ Hayo “iyeri-ame ididi.”
^ Hayo “ọ rọ ta nọ otọhotọ otọakpọ na o romavia.”
^ Hayo “la vrẹ uzi.”
^ Hayo “ahwo-akpọ.”
^ Hayo “ọwhọkuo.”
^ Hayo “Nọ ọ rẹ jaja aro vi evaọ; Nọ ọ rẹ siọ owezẹ ba evaọ.”
