Itẹ 9:1-18
9 Uvi areghẹ ọ bọ uwou riẹ no;Ọ kare* ipila ihrẹ riẹ no.
2 Ọ ruẹrẹ arao riẹ kpahe no;*Ọ gua enwaene riẹ no;Ọ tẹ jẹ wọ emu fihọ* emẹjẹ riẹ no.
3 O vi idibo emetẹ riẹ vrẹ noRe a jọ eria ikpehru okpẹwho na se ahwo, inọ:+
4 “Jọ ohwo kpobi nọ ọ rrọ ogbori ọ nyaze etenẹ.”
Ọ be ta kẹ ọnọ ọ kare areghẹ* nọ:
5 “Nyaze te re ebrẹdi mẹRe whọ jẹ jọ enwaene nọ mẹ gua no na da.
6 Siọ ogbori ba ẹjọ* re whọ jọ uzuazọ;+Nyaharo evaọ edhere otoriẹ.”+
7 Ohwo nọ ọ be kpọ osẹkoko vi o bi zizie omovuọ,+Yọ ohwo kpobi nọ ọ whọku orumuomu ọ rẹ nwoma.
8 Whọ whọku osẹkoko ho, o gbẹ rrọ ere he o ve ti mukpahe owhẹ.+
Whọku ohwo nọ o wo areghẹ, o ti you owhẹ.+
9 Dhesẹ oware nọ whọ riẹ kẹ ohwo nọ o wo areghẹ, o ve ti wo areghẹ viere.+
Wuhrẹ ohwo okiẹrẹe, o ve ti fiba eware nọ ọ riẹ.
10 Ozodhẹ Jihova họ emuhọ areghẹ,+Yọ eriariẹ Ọnọ Ọ Rrọ Ọrẹri Erẹri na+ họ otoriẹ.
11 Keme mẹ họ ọnọ o ti ru edẹ uzuazọ ra bu+Je fi ikpe ba uzuazọ ra.
12 Who te wo areghẹ, whẹ họ ọnọ o ti wo erere no areghẹ na ze,Rekọ otẹrọnọ whẹ osẹkoko, whẹ ọvo whọ te wha oware nọ u ti noi ze.
13 Aye ogheghẹ ọ ga agba viere.+
Ogbori ọ rrọ, yọ ọ riẹ oware ovuovo ho.
14 Ọ keria aro uwou riẹ,Ọ keria akpala evaọ eria ikpehru okpẹwho na,+
15 O bi se enọ e be nyavrẹ,Bi se enọ e rrọ edhere be nya onya obọrai vrẹ, inọ:
16 “Jọ ohwo kpobi nọ ọ rrọ ogbori ọ nyaze etenẹ.”
Ọ be ta kẹ enọ e kare areghẹ* nọ:+
17 “Ame nọ a tho ọ rẹ were,Yọ emu nọ a lẹlẹ re ọ rẹ were gaga.”+
18 Rekọ a riẹ hẹ inọ enọ i whu no nọ i wo ogaga ovo ho a rrọ etẹe,Inọ erara nọ e kpahe riẹ a rrọ obọ edidi Uki.*+
Eme-Obotọ
^ Hayo “O bru.”
^ Evaọ Hibru, “O kpe onọ o bi kpe no.”
^ Hayo “ruẹrẹ eware họ.”
^ Evaọ Hibru, “ọ kare ubiudu.”
^ Hayo “Nyasiọ igbori na ba.”
^ Evaọ Hibru, “e kare ubiudu.”
