Iziewariẹ 33:1-29
33 Whaọ enana họ ẹro eghale nọ Mosis ohwo Ọghẹnẹ uzẹme na ọ lẹ kẹ ahwo Izrẹl taure o te ti whu.+
2 Ọ ta nọ:
“Jihova o no obọ Saena ze,+O te lo fihọ ae no Siya ze.
O lo via avọ oruaro no ubrotọ igbehru Peran ze,+Yọ erẹri riẹ nọ e rrọ buobu gbidi gbidi* e jọ kugbei,+Avọ egbaẹmo riẹ nọ e rrọ obọze riẹ.+
3 O you ahwo riẹ;+Erẹri rai kpobi e rrọ obọ ra.+
A keria abotọ awọ ra;+A te mu ezọ họ ẹgaviẹ kẹ ẹme ra.+
4 (Mosis ọ kẹ omai ujaje, uzi,+Nọ o rrọ ukuoriọ rọkẹ ukoko Jekọp.)+
5 O* zihe ruọ ovie evaọ Jẹshurọn,*+Okenọ enọ i wuzou ahwo na a kokohọ,+Kugbe erua Izrẹl kpobi.+
6 Jọ Rubẹn ọ jọ uzuazọ, jọ o whu hu,+Jọ ezae riẹ e kawo ho.”+
7 Ọ tẹ lẹ ẹro eghale nana kẹ Juda:+
“O Jihova, gaviezọ kẹ urru Juda,+Ivie, zihe iei ze bru ahwo riẹ.
Ọ rehọ igbabọ riẹ thọ* eware nọ o wo,Ivie, fiobọhọ kẹe họre ewegrẹ riẹ.”+
8 Ọ lẹ ẹro kẹ Livae nọ:+
“Tumim avọ Yurim ra*+ e rrọ rọkẹ ohwo nọ ọ talamu owhẹ,+Ọnọ whọ jọ obọ Masah dawo.+
Who te je lele iei họre evaọ abotọ ame obọ Mẹriba,+
9 Ọzae nọ ọ ta kẹ ọsẹ avọ oni riẹ nọ, ‘Me wo adhẹẹ kẹ ae he.’
Makọ inievo riẹ dede o wo adhẹẹ kẹ ae he,+Yọ o bi gbolaro kẹ emezae obọriẹ.
Keme a ru lele ẹme ra,Yọ a koko ọvọ ra.+
10 Jọ a wuhrẹ Jekọp izi oziẹobro ra+Je wuhrẹ Izrẹl Uzi ra.+
Jọ a mahe insẹnse nọ i re gbo ore awere kẹ owhẹ*+Jẹ mahe idhe esoso evaọ ehru agbada-idhe ra.+
11 O Jihova, ghale omodawọ* riẹ,Jọ iruo abọ riẹ e were owhẹ.
Whọlọ awọ* ahwo nọ a be kpareso ẹe,Re ahwo nọ a mukpahe iẹe a gbẹ kpareso ẹe ofa ha.”
12 Ọ lẹ ẹro kẹ Bẹnjamin nọ:+
“Jọ ọnọ Jihova o you na o wo* omofọwẹ fiki riẹ;Re o ruru iei evaọ ẹdẹ na soso,Ọ vẹ te rria evaọ uke* riẹ.”
13 Ọ lẹ ẹro kẹ Josẹf nọ:+
“Jọ Jihova ọ ghale ẹkwotọ riẹ+Jọ ọ rọ emamọ eware obọ odhiwu ghale iẹe,Te igrigri gbe ame nọ o bi no iyeri-ame obotọ na ze,+
14 Te emamọ eware nọ ọre na ọ be wha zeGbe emamọ eware nọ i bi no otọ na ze kamara kamara,+
15 Te eware nọ e mai woma nọ i bi no igbehru anwae* ze+Gbe emamọ eware nọ i bi no ikpehru nọ e rrọ ribri na ze,
16 Te emamọ eware otọakpọ na gbe eware nọ e vọ riẹ,+Gbe ọjẹrehọ Ọnọ ọ be rria ure inwe na.+
Jọ e ziọ uzou Josẹf,Oko uzou ọnọ a salọ no udevie inievo riẹ ze na.+
17 Erru* riẹ ọ wọhọ ọrọ ọmọ ọsosuọ eruẹ,Yọ izei riẹ e wọhọ izei ogholi.
Ọ te rehọ ae gele* ahwoO ti gele aikpobi kpobọ oka avọ oka otọakpọ na.
Ae họ idu ikpe eko buobu erọ Ifremu,+Yọ ae họ idu buobu erọ Manasẹ.”
18 Ọ lẹ ẹro kẹ Zẹbulọn nọ:+
“Ghọghọ, O Zẹbulọn, nọ whọ be nyavrẹ,Gbe owhẹ re Isaka, evaọ iwou-udhu ra.+
19 A ti se ahwo kpobọ ugbehru na.
A vẹ te jọ obei dhe idhe ẹrẹreokie.
Keme a te jọ efe obuobu ọrọ ebade na rehọ eware*Gbe emamọ eware* nọ a si no họ ẹkpẹ.”
20 Ọ lẹ ẹro kẹ Gad nọ:+
“Jọ oghale u te ọnọ o bi ru iwhru* Gad kẹre.+
O kiẹzẹ etẹe wọhọ okpohrokpo,Ọ ruẹrẹ oma kpahe inọ ọ rẹ za ugbobọ no, ẹhẹ, te oko uzou na.
21 Ọ te salọ ẹkẹ ọsosuọ kẹ omariẹ,+Keme etẹe a te jọ sẹro* ẹkẹ ọkẹ-uzi na.+
Enọ i wuzou ahwo na a ti kokohọ.
Ọ te wha ẹrẹreokie Jihova haro,Te izi oziẹobro riẹ kpahe Izrẹl.”
22 Ọ lẹ ẹro kẹ Dan nọ:+
“Dan yọ ọmọ okpohrokpo.+
Ọ te la no Beshan ze.”+
23 Ọ lẹ ẹro kẹ Naftalae nọ:+
“Ọjẹrehọ na ọ da Naftalae ẹroYọ eghale Jihova e da riẹ fia.
Rehọ ofẹ ukiediwo-ọre gbe obọze ovatha-ọre na re o jọ ora.”
24 Ọ lẹ ẹro kẹ Asha nọ:+
“A rọ emezae ghale Asha.
Jọ inievo riẹ i rri rie aro,Jọ o dhe awọ riẹ họ ewhri.*
25 Ayọno avọ ekọpa whọ te rọ kare unuẹthẹ ra,+Yọ who ti wo omofọwẹ evaọ edẹ uzuazọ ra kpobi.*
26 Ọvuọvo ọ riẹ hẹ nọ ọ wọhọ Ọghẹnẹ uzẹme+ Jẹshurọn,+Nọ ọ rẹ dhẹ no odhiwu na ze ti fiobọhọ kẹ owhẹNọ ọ rẹ dhẹ ehru ẹgho na evaọ oruaro riẹ.+
27 Ọghẹnẹ yọ oria adhẹzọ no oke anwae ze,+Igbabọ ebẹdẹ bẹdẹ riẹ e te thọ owhẹ.*+
Yọ o ti le ewegrẹ na no kẹ owhẹ,+Ọ te ta nọ, ‘Kpe ai no!’+
28 Izrẹl ọ te rria avọ omofọwẹ,Yọ eyeri-ame Jekọp ọ te jọ oria nọ u siomanoEvaọ ẹkwotọ ibi ekakọ gbe enwaene ọkpokpọ,+Nọ igrigri i ti kie no ihru riẹ ze.+
29 Jọ eva e were owhẹ, O Izrẹl!+
Ono ọ wọhọ owhẹ,+Ahwo nọ Jihova o bi siwi,+Ojese ra nọ ọ be thọ owhẹ+Gbe ọgbọdọ ologbo* ra?
Ewegrẹ ra a ti guzou kpotọ avọ iguegue evaọ aro ra,+Yọ who ti thihi uke* rai vrẹ.”
Eme-Obotọ
^ Hayo “erẹri riẹ nọ i bu te idu ikpe eko buobu.”
^ Otofa riẹ họ “Ọnọ O Kiete,” odẹ-ova ọghọ nọ a kẹ Izrẹl.
^ Koyehọ, Ọghẹnẹ.
^ Hayo “họre kẹ.”
^ “Ra,” “owhẹ,” “whọ,” gbe “who” nọ e rrọ owọ nana e be ta kpahe Ọghẹnẹ.
^ Evaọ Hibru, “evaọ inwe ra.”
^ Hayo “ogaga.”
^ Hayo “eku.”
^ Hayo “ọ rria avọ.
^ Evaọ Hibru, “udevie ikoko.”
^ Hayo o sae jọ nọ, “igbehru obọ ovatha-ọre.”
^ Hayo “Orro; Ogaga,”
^ Hayo “duwu; dhe.”
^ Evaọ Hibru, “a ti se eware ibuobu erọ ebade na da.”
^ Hayo “ekwakwa-aghae.”
^ Hayo “ẹkwotọ.”
^ Hayo “rawo.”
^ Hayo “Jọ ọ rọ ewhri wozẹ awọ riẹ.”
^ Evaọ Hibru, “Epanọ edẹ ra e rrọ ere ogaga ra o te jọ.”
^ Hayo “e rrọ otọ ra.”
^ Hayo “oruaro.”
^ Hayo o sae jọ nọ, “eria ikpehru.”
