Izikiẹl 19:1-14
-
Ole uweri kẹ isu Izrẹl (1-14)
19 “Whọ rẹ so ole uweri kpahe isu Izrẹl hrọ,
2 whọ rẹ ta nọ,‘Oghẹrẹ vẹ oni ra ọ jọ? Okpohrokpo aye nọ ọ jọ udevie ikpohrokpo ezae.
O je ruẹ fihọ udevie ikpohrokpo egaga,* yọ etẹe ọ jọ yọrọ emọ riẹ.
3 Ọmọ riẹ jọ nọ ọ yọrọ o te zihe ruọ okpohrokpo ọgaga.+
O wuhrẹ epanọ a rẹ za arao ekẹ ivẹ,Ọ jẹ tubẹ re ahwo-akpọ no dede.
4 Erẹwho i yo kpahe iẹe, a te mu ei evaọ ọgọdọ rai,A tẹ rehọ iẹe ziọ ẹkwotọ Ijipti avọ eghọlọ nọ a jẹhọ iẹe.+
5 Oni na ọ tẹ jẹ hẹrẹ, ọ tẹ ruẹ nọ ẹruore ọvo ọ gbẹ riẹ nọ o ti zihe ze he.
Fikiere ọ tẹ rehọ ọmọ riẹ ọfa, o te vi ei vrẹ wọhọ okpohrokpo ọgaga.
6 Ọ jẹ nya kpenẹ avọ enẹ re evaọ udevie ikpohrokpo na, o te zihe ruọ okpohrokpo ọgaga.
O wuhrẹ epanọ a rẹ za arao ekẹ ivẹ, yọ ọ jẹ tubẹ re ahwo-akpọ no dede.+
7 Ọ jẹ kuẹlẹ evaọ udevie iwou ikpehru rai nọ e rẹ bẹ ẹvẹruọ, ọ tẹ raha ikpewho rai no,U te ru nọ edo enu nọ o bi do o rọ vọ ẹkwotọ nọ ọ rrọ ofofe na.+
8 Erẹwho nọ e rrọ ibrotọ nọ e wariẹ e riẹ họ e wọ bru ei ze re a gbolo ẹriri rai fihọ iẹe,A te mu ei evaọ ọgọdọ rai.
9 A fi rie họ eva ikeji avọ eghọlọ nọ a jẹhọ iẹe, a tẹ rehọ iẹe bru ovie Babilọn ze.
A tẹ jọ obei fi ei họ oria ovo, re a gbẹ jọ ehru igbehru Izrẹl yo edo uvou riẹ ofa ha.
10 Oni ra ọ jọ wọhọ evaene+ evaọ azẹ ra,* onọ a kọ fihọ akotọ ame.
O mọ ibi, u te je wo egha buobu fiki ame nọ ọ dafia na.
11 U te ti wo egha egaga,* enọ e rẹ sae jọ ekpọ-isuẹsu erọ isu.
O rro, u te theri vi ire edekọ,A tẹ jẹ ruẹ e riẹ fiki uthethei riẹ gbe epanọ ebe riẹ i bu te.
12 Rekọ a rehọ ofu vi ei no,+ a te gbolo iei fihọ otọ,Ofou ovatha-ọre o te fou ibi riẹ ya no.
A wiri egha egaga riẹ, i te whu no,+ erae e tẹ mahe ae no.+
13 Udhude a kọ riẹ fihọ enẹna,Evaọ otọ nọ o ya fia, nọ ame ọ rrọ họ.+
14 Erae na e to no egha* riẹ ruọ egha esese riẹ gbe ibi riẹ, e tẹ mahe ai no,Ogha ogaga ovo u gbe kiọkọ họ, ọkpọ-isuẹsu nọ a re ro su o gbẹ jariẹ hẹ.+
“‘Ole yena yọ ole uweri, yọ ole uweri o te jọ.’”
Eme-Obotọ
^ Hayo “udevie ikpohrokpo nọ e rrọ whẹvu.”
^ Hayo o sae jọ nọ, “wọhọ evaene evaọ ọgbọ evaene ra.”
^ Hayo “ekpọ.”
^ Hayo “ekpọ.”
