Izikiẹl 31:1-18
-
Epanọ Ijipti nọ ọ rrọ isida othethei na o ti ro kie (1-18)
31 Evaọ ukpe avọ ikpegbọvo, evaọ amara avọ esa, evaọ ẹdẹ ọsosuọ amara na, ẹme Jihova ọ tẹ wariẹ bru omẹ ze, inọ:
2 “Ọmọ ohwo, ta kẹ Fẹro ovie Ijipti avọ ogbotu ahwo riẹ nọ,+‘Ono whọ wọhọ evaọ oruaro ra?
3 Ohwo Asiria jọ ọ jariẹ, ure sida nọ o rrọ Lebanọn,U wo egha iwowoma wọhọ ire nọ egha rai i si di nọ i wo edhedhẹ, yọ o rrọ thethei;Ehru riẹ o te obọ ẹgho na.
4 Ame obuobu na o ru rie rro gaga, iyeri-ame ididi na i ru rie theri kpehru.
Iko-ame e wariẹ oria nọ a kọ riẹ fihọ;Ekame rai e jẹ kẹ ire kpobi nọ e jọ otọ na ame.
5 Oyejabọ nọ u ro theri vi ire edekọ kpobi nọ e rrọ ẹwọ na.
Egha ilogbo riẹ i je dhe evievi họ, yọ egha riẹ e jọ thetheiFiki ame obuobu nọ ọ rrọ iko-ame riẹ na.
6 Evra obọ ehru na kpobi e bọ iwou fihọ egha ilogbo riẹ,Erao ẹwọ na kpobi e jẹ jọ otọ egha riẹ yẹ,Yọ erẹwho nọ ahwo a rrọ buobu na kpobi e jẹ rria otọ edhedhẹ riẹ.
7 O te ti wo erru thesiwa, egha riẹ i te je theri fihọ,Keme awọ riẹ e ruọ otọ kpohọ obonọ ame ọ vọ.
8 A rẹ sae rọ ure sida ọfa nọ ọ rrọ ọgbọ Ọghẹnẹ+ wawo iẹe he.
Uvumọ ure junipa u wo egha ilogbo wọhọ e riẹ hẹ,Yọ uvumọ ure pleni u te egha riẹ hẹ.
Ure ọfa u wo erru tei evaọ ọgbọ Ọghẹnẹ na ha.
9 Me ru rie wo erru, avọ ebe buobu,Ire edekọ na kpobi nọ e rrọ Idẹn, ọgbọ Ọghẹnẹ uzẹme na, e jẹ re iẹe ihri.’
10 “Fikiere enẹ Jihova Olori nọ Ọ Mai Kpehru na ọ ta: ‘Fikinọ o* theri gaga, be kpare ehru riẹ kpehru evaọ ẹgho na, omorro o tẹ jẹ ruọ udu riẹ fiki uthethei riẹ na,
11 mẹ te rehọ iẹe kẹ osu ologbo erẹwho na.+ Ọ te se iẹe ba ẹhọre he, yọ mẹ te se iẹe fiki emuemu riẹ.
12 Ahwo erẹwho efa, enọ e mae geva evaọ usu erẹwho na, a ti koi fihọ otọ, a vẹ te nyase iẹe ba ehru igbehru na, ebe riẹ i ve ti kie fihọ ikiekpotọ na kpobi, yọ egha riẹ i ti wiri fihọ otọ evaọ iko-ame kpobi nọ e rrọ ẹkwotọ na.+ Ahwo otọakpọ na kpobi a ti no otọ edhedhẹ riẹ no jẹ dhẹ siọ iẹe ba.
13 Evra obọ ehru na kpobi e te rria ehru ete riẹ nọ ọ rrọ otọ na, erao ẹwọ na kpobi e vẹ te jọ ehru egha riẹ.+
14 Onana o rrọ enẹ re ure ovo nọ o kẹle ame na u gbe theri gaga ha hayo kpare ehru riẹ kpehru evaọ ẹgho na ha, jegbe re uvumọ ure nọ a be kẹ ame ziezi u gbe theri te ai hi. Keme a ti kpe aikpobi no, a ve kpobọ otọ ẹkpẹ na, te ai te emọ ohwo-akpọ, enọ i bi kpobọ ọgọdọ na.’*
15 “Enẹ Jihova Olori nọ Ọ Mai Kpehru na ọ ta: ‘Evaọ ẹdẹ nọ o ti kpobọ Uki* na, me ti ru ahwo weri. Fikiere, me ti ruru ame odidi na je di iko-ame riẹ re ame obuobu na o brudhe. Me ti ru Lebanọn muebi fiki riẹ, ire nọ e rrọ ẹwọ na kpobi i ve ti lo no.
16 Me ti ru erẹwho na nuhu fiki edo ekie riẹ evaọ okenọ mẹ te rehọ iẹe kpobọ Uki* kugbe ahwo kpobi nọ a bi kpobọ ọgọdọ na,* yọ ire kpobi nọ e rrọ Idẹn,+ te ire Lebanọn nọ e mae were ahwo gbe enọ e mai woma, ire kpobi nọ a be kẹ ame ziezi, i ti wo omosasọ evaọ obọ otọ ẹkpẹ na.
17 A lele i rie kpobọ Uki* no, bru enọ a rọ ọgbọdọ kpe,+ yọ enọ e jẹ thae uke nọ e jẹ rria* otọ edhedhẹ riẹ evaọ udevie erẹwho na a rrọ kugbei re.’+
18 “‘Kọ ure vẹ evaọ usu ire Idẹn o jọ wọhọ owhẹ evaọ oruaro gbe uthethei?+ Rekọ a te rehọ owhẹ avọ ire Idẹn kpobọ otọ ẹkpẹ na hrọ. Whọ te rriẹ họ otọ evaọ udevie enọ a yawo ho, kugbe enọ a rọ ọgbọdọ kpe. Onana o te via kẹ Fẹro avọ ogbotu ahwo riẹ kpobi,’ ere Jihova Olori nọ Ọ Mai Kpehru na ọ ta.”
Eme-Obotọ
^ Evaọ Hibru, “who.”
^ Hayo “uki.”
^ Hayo “uki.”
^ Evaọ Hibru, “ugbobọ riẹ nọ o jẹ rria.”
