Joẹl 3:1-21
3 “Keme rri! evaọ edẹ yena gbe evaọ oke yena,Nọ mẹ te rehọ ahwo Juda gbe Jerusalẹm nọ a mu kpohọ igbo zihe ze na,+
2 Me ti koko erẹwho na kpobi họ re,Mẹ vẹ te rehọ ae ziọ Ukiekpotọ* Jehoshafat.*
Etẹe mẹ te jọ lele ai gu ẹdhọ+Fiki Izrẹl, enọ e rrọ ahwo mẹ gbe ukuoriọ mẹ,Keme a vaha e rai fihọ erẹwho na,A tẹ ghale ẹkwotọ mẹ fihọ omoma rai.+
3 A be rehọ ẹta-ọma ghale ahwo mẹ;+A rẹ rehọ ọmọzae ro nwene ogberẹJẹ zẹ ọmọtẹ re a ruẹ enwaene nọ a rẹ da.
4 Ofariẹ, eme me ro ru owhai thọ,O Taya gbe Saedọn gbe ibrotọ Filistia kpobi?
Kọ wha bi ru omẹ kele fiki oware jọ?
Otẹrọnọ wha bi ru omẹ kele,Me ti zihe orukele rai na ziọ uzou rai vẹrẹ vẹrẹ.+
5 Keme wha kwa isiliva gbe igoru mẹ rehọ,+Wha te fi ekwakwa-aghae mẹ họ etẹmpol rai;
6 Wha zẹ ahwo Juda gbe Jerusalẹm kẹ ahwo Griki,+Re wha ruẹse rehọ ae thabọ no ẹkwotọ obọrai;
7 Rri, mẹ te rehọ ai no obonọ wha zẹ rai kpohọ zihe ze,+Me ve ti zihe orukele rai na ziọ uzou obọrai.
8 Mẹ te zẹ emezae gbe emetẹ rai kẹ ahwo Juda,+A vẹ te zẹ ae kẹ ahwo Shiba, orẹwho nọ o rrọ thethabọ;Keme Jihova omariẹ ọ ta riẹ no.
9 Wha whowho onana evaọ udevie erẹwho na:+
‘Wha ruẹrẹ oma kpahe kẹ ẹmo!* Tuduhọ egba na awọ!
Jọ isoja na kpobi a wọ lahwe, re a nyae họre!+
10 Wha duwu etẹkpẹ rai zihe ruọ egbọdọ gbe ibrẹbe rai zihe ruọ izuẹ.
Jọ ọyẹlẹ na ọ ta nọ: “Mẹ yọ ọgba.”
11 Wha nyaze ti fiobọhọ, whai erẹwho ekẹloma kpobi, wha koko oma họ!’”+
O Jihova, rehọ egba* ra ziọ oria yena.
12 “Jọ erẹwho na e kparoma re a nyaze obọ Ukiekpotọ* Jehoshafat;Keme etẹe mẹ te keria jo bruoziẹ erẹwho ekẹloma na kpobi.+
13 Rehọ ojale muhọ ẹkọrọ, keme ibi na e ware no.
Nyaze ti thihi, keme ọgọdọ udi-uruo na ọ vọ no.+
Egọdọ na e vọ kpọhọhwẹ no, keme eware iyoma nọ erẹwho na i ru i bu thesiwa.
14 Ogbotu ahwo buobu, ogbotu ahwo buobu a rrọ ukiekpotọ* oziẹobro na,Keme ẹdẹ nọ Jihova o ti ro bruoziẹ ahwo evaọ ukiekpotọ* oziẹobro na ọ kẹle no.+
15 Ọre avọ ọvẹre i ti muebi,Yọ isi na e gbẹ te sai lo ziezi hi.
16 Jihova o ti do enu evaọ Zayọn,Ọ te kpare urru riẹ kpehru evaọ Jerusalẹm.
Odhiwu gbe otọakpọ i ti nuhu;Rekọ Jihova ọ te jọ oria adhẹzọ kẹ ahwo riẹ,+Oria ufuoma rọkẹ ahwo Izrẹl.
17 Wha vẹ te riẹ nọ mẹ họ Jihova Ọghẹnẹ rai, ọnọ ọ be rria Zayọn, ugbehru ọrẹri mẹ na.+
Jerusalẹm o re ti zihe ruọ oria ọrẹri,+Yọ erara* e gbẹ te nyae vrẹ ofa ha.+
18 Evaọ ẹdẹ yena, enwaene ọwewere u ti su no igbehru na ze,+Ame-ivie o ti su evaọ ikpehru na,Ame o ve ti su evaọ iko-ame Juda kpobi.
Eyeri-ame o ti su no uwou Jihova ze,+O ve ti ru Ukiekpotọ* Ire Akasha na fihọ vuavo.*
19 Rekọ Ijipti o ti zihe ruọ otọ ufofe,+Edọm o ve ti zihe ruọ udhude nọ a gbabọkẹ no,+Fiki ahwo Juda nọ a họre,+Enọ a jọ ẹkwotọ rai kpe azẹ ekueku.+
20 Rekọ ahwo a te rria Juda ẹsikpobi,Gbe Jerusalẹm no oge ruọ oge.+
21 Me ti si abe azẹ nọ a re vẹre na no uzou rai;+Jihova ọ vẹ te rria Zayọn.”+
Eme-Obotọ
^ Hayo “Ukiekpotọ Opraprara.”
^ Otofa riẹ họ “Jihova Họ Obruoziẹ.”
^ Evaọ Hibru, “Wha ru ẹmo fo!”
^ Hayo “egbaẹmo.”
^ Hayo “Ukiekpotọ Opraprara.”
^ Hayo “ukiekpotọ opraprara.”
^ Hayo “ukiekpotọ opraprara.”
^ Hayo “ahwo erẹwho efa.”
^ Hayo “tovo tovo.”
^ Hayo “Uto.”
