Ole nọ O Vi Ile 1:1-17
1 Ole nọ o vi ile,* orọ Solomọn:+
2 “Jọ ọ rọ unu riẹ viọlọ omẹ,Keme eme uyoyou nọ ọ be ta kẹ omẹ i woma* vi enwaene.+
3 Idẹ ra i bi gbo ore awere.+
Odẹ ra ọ wọhọ udẹ nọ u bi gbo ore awere nọ a ku ze.+
Oyejabọ nọ ivovo-eyae na a ro you owhẹ na.
4 Rehọ omẹ kugbe oma;* joma dhẹ vrẹ.
Ovie na ọ rehọ omẹ ziọ ubrukpẹ* riẹ!
Joma ghọghọ jẹ wereva fiki ra.
Joma jiri* eme uyoyou nọ whọ be ta vi enwaene.
Agbẹta nọ a* ro you owhẹ na!
5 Mẹ rrọ biebi, rekọ me wo erru, O emetẹ Jerusalẹm,Wọhọ iwou-udhu Kida,+ wọhọ ehọ iwou-udhu+ Solomọn.
6 Who du rri omẹ avọ igbunu hu fikinọ mẹ rrọ biebi,Fikinọ uvo o to omẹ oma no.
Emezae oni mẹ a dha eva kẹ omẹ;A fi omẹ họ ọnọ ọ rẹ rẹrote egbọ evaene na,Rekọ mẹ rẹrote ọgbọ evaene obọmẹ hẹ.
7 Vuẹ omẹ, O ọnọ me* you gaga na,Oria nọ who re su ithuru erao ra kpohọ nyae re ẹbe,+Oria nọ whọ rẹ rehọ ae kpohọ evaọ oke uvo re a rruẹ fihọ.
Fikieme mẹ rẹ rọ jọ wọhọ aye nọ ọ rọ ohọ* ruru ovaoEvaọ udevie ithuru erao erivẹ ra?”
8 “Otẹrọnọ whọ riẹ hẹ, O aye nọ o wo erru vi eyae kpobi,Lele ithihi awọ ithuru erao naRe who su emọ ewe ra nyae re ẹbe kẹle iwou-udhu ithuru-igodẹ na.”
9 “Oyoyou mẹ, evaọ aro mẹ, whọ wọhọ anyenya aye ọboba* evaọ usu ekẹkẹ Fẹro.+
10 Ibiegba ra e rrọ wowoma avọ eware osẹ,*Uriohọ ra o rrọ wowoma avọ ibi ifiare nọ a whe nọ who fihọ.
11 Ma ti ru eware osẹ* igoru kẹ owhẹEnọ a rọ isiliva tamu.”
12 “Nọ ovie na ọ keria agbara emẹjẹ ogheghelie riẹ na,Yọ isialẹ+ mẹ i bi gbo ore awere ọvo.
13 Rọkẹ omẹ, ọghaghae mẹ ọ wọhọ ẹkpa mọr+ nọ o bi gbo ore awere,Ọ rẹ jọ udevie ivie ivẹ mẹ asohẹrioke.
14 Ọghaghae mẹ ọ wọhọ ekru ibi-ire hẹna+ kẹ omẹEvaọ udevie egbọ evaene Ẹn-gẹdi.”+
15 “O! Who wo erru kẹhẹ, oyoyou mẹ.
O! Who wo erru kẹhẹ. Ibiaro ra e wọhọ erọ irueruẹ.”+
16 “O! Who wo erru kẹhẹ,* ọghaghae mẹ, yọ whọ rẹ were oma.+
Ehwa mai e rrọ udevie ẹbe ọbọbọ na.
17 Ewẹ-ire ilogbo uwou* mai yọ erọ sida,Ewẹ-ire esese riẹ yọ erọ junipa.
Eme-Obotọ
^ Hayo “Ole nọ ọ mai woma.”
^ Hayo “uyoyou nọ o bi dhesẹ kẹ omẹ u woma.”
^ Evaọ Hibru, “Si omẹ lele oma.”
^ Hayo “ibrikpẹ.”
^ Hayo “gbiku.”
^ Koyehọ, izoge emetẹ na.
^ Hayo “ohọ uweri.”
^ Hayo “anyenya aye ọboba mẹ.”
^ Hayo o sae jọ nọ, “evaọ udevie igbeto nọ a me.”
^ Hayo “eware osẹ nọ a re fihọ aruezo erọ.”
^ Hayo “Who woma kẹhẹ.”
^ Hayo “uwou ulogbo.”
