Ole nọ O Vi Ile 4:1-16
4 “O! Who wo erru kẹhẹ, oyoyou mẹ.
O! Who wo erru kẹhẹ.
Ibiaro ra e wọhọ erọ irueruẹ evaọ emu iveli* ra.
Eto ra e wọhọ owa eweNọ i bi su no igbehru Giliad+ ziọ otọ.
2 Ibiakọ ra e wọhọ uthuru igodẹ nọ a bru eto rai no obọNọ i no oria nọ a jọ họ ae ze,Aikpobi a yẹ ijime,Yọ makọ ọmọ ọvo rai dede o vru mi ai hi.
3 Igbenu ra e wọhọ olulu ọwawae,Ẹmeunu ra ọ were kẹhẹ.
Wọhọ ẹwẹ pọmegranetEre ibiegba ra e rrọ* evaọ emu iveli ra.
4 Uriohọ ra+ o wọhọ uwou ukpehru Devidi,+Onọ a rọ itho bọ othothaOnọ a rọ ejese nọ i bu te odu rọ hwa,Ejese igheghelie ezae egaga na kpobi.+
5 Ivie ivẹ ra e wọhọ emọ orua ivẹ,Ijime nọ ugbosu o yẹ,+Nọ e rẹ re emu evaọ udevie idodo obọ ẹwọ.”
6 “Taure ofou o te ti muhọ efou evaọ okpẹdoke na,* taure iwoho e tẹ te hiẹ no,Mẹ te nya kpobọ ugbehru nọ mọr e rrọKpobọ ukpehru nọ frankinsẹns e rrọ.”+
7 “Who wo erru no otọ duwu ehru, oyoyou mẹ,+Oka ovuovo o rrọ owhẹ oma ha.
8 Lele omẹ no obọ Lebanọn ze, ọmọtibobo mẹ,Lele omẹ no obọ Lebanọn+ ze.
Nwrotọ no obọ ehru Amena* ze,No obọ ehru Sina ze, ehru Hẹmọn,+No obọ uwou ikpohrokpo ze, no obọ igbehru ikeke ze.
9 Whọ dhẹ ruọ omẹ oma no,+ oniọvo-ọmọtẹ mẹ, ọmọtibobo mẹ,Whọ dhẹ ruọ omẹ oma no fiki uriwo ovuovo nọ who rri omẹ,Fiki ubi ufiare ovo evaọ usu ibi ifiare nọ e rrọ owhẹ uriohọ.
10 Eme uyoyou ra nọ whọ be ta i siuru* kẹhẹ,+ oniọvo-ọmọtẹ mẹ, ọmọtibobo mẹ!
Eme uyoyou nọ whọ be ta i woma vi enwaene+ thethabọ,Yọ ore awere isialẹ ra o woma vi oware kpobi nọ u re gbo ore awere!+
11 Ọnyọ nọ o no othuzou-ọnyọ+ ze o bi su no igbenu ra ze, ọmọtibobo mẹ.
Ọnyọ avọ imiliki e rrọ otọ ẹrọo ra,+Yọ ore awere nọ u bi no iwu ra ze o wọhọ ore awere Lebanọn.
12 Oniọvo-ọmọtẹ mẹ, ọmọtibobo mẹ, ọ wọhọ ọgbọ nọ a kare ẹthẹ riẹ,Ọgbọ nọ a kare ẹthẹ riẹ, eyeri-ame nọ a kare ziezi.
13 Egha* ra yọ aparadase* orọ pọmegranetAvọ emamọ ibi-ire nọ e mai woma, te hẹna gbe ekakọ nọ i re gbo ore awere,
14 Ekakọ nọ i re gbo ore awere+ avọ safrọn, uti+ gbe sinamọn,+Gbe oghoghẹrẹ ire frankinsẹns, mọr, gbe alọe+ kpobi,Te eware nọ e rẹ mai gbo ore awere kpobi.+
15 Whẹ yọ eyeri-ame nọ ọ rrọ ọgbọ, oza nọ emamọ ame ọ rrọ,Gbe iko-ame nọ i bi su no Lebanọn ze.+
16 Kpama, O ofou ẹkpẹlobọ ovatha-ọre;Ruọ eva, O ofou obọze ovatha-ọre.
Ku ẹwẹ fihọ* ọgbọ mẹ.
Jọ ore awere riẹ u gbo ruọ eria kpobi.”
“Jọ ọghaghae mẹ na ọ ruọ eva ọgbọ riẹRe ọ jariẹ re ibi-ire nọ e mai woma.”
Eme-Obotọ
^ Ohọ ovrovro nọ a re ro ruru ovao.
^ Hayo “abovao ra ọ rrọ.”
^ Evaọ Hibru, “Taure okpẹdoke na o tẹ te wẹ.”
^ Hayo “uhie igbehru abọdekọ Lebanọn.”
^ Hayo “Uyoyou nọ who bi dhesẹ kẹ omẹ u siuru.”
^ Hayo o sae jọ nọ, “Ovioma.”
^ Hayo “ọgbọ.”
^ Hayo “Rọ ẹmẹrera vovo.”
