Ole nọ O Vi Ile 6:1-13
6 “Bovẹ ọghaghae ra na o kpohọ,O aye nọ o wo erru vi eyae kpobi?
Edhere vẹ ọghaghae ra na ọ wẹriẹ?
Joma lele owhẹ gwọlọ iẹe.”
2 “Ọghaghae mẹ na o kpobọ ọgbọ riẹ,O kpohọ ọgbọ ekakọ nọ i bi gbo ore awere,Ọ nyae rẹrote igodẹ evaọ obọ egbọ naRe ọ jẹ kọrọ idodo.+
3 Ọghaghae mẹ na ọye o wo omẹ,Yọ mẹ me wo ọghaghae mẹ na.+
Ọ be rẹrote igodẹ evaọ udevie idodo obọ ẹwọ na.”+
4 “Who wo erru wọhọ Tẹza,*+ oyoyou mẹ,+Whọ rrọ wowoma wọhọ Jerusalẹm,+Who re mu urirẹ wọhọ egbaẹmo nọ i dikihẹ wariẹ ebana rai họ.+
5 Si ibiaro ra+ no omẹ,Keme e be lẹliẹ omẹ reghe.
Eto ra e wọhọ owa eweNọ i bi nwrotọ no eria nọ i kuwhrẹrẹ evaọ Giliad ze.+
6 Ibiakọ ra e wọhọ uthuru igodẹNọ i no oria nọ a jọ họ ae ze,Aikpobi a yẹ ijime,Yọ makọ ọmọ ọvo rai dede o vru mi ai hi.
7 Wọhọ ẹwẹ pọmegranetEre ibiegba ra e rrọ* evaọ emu iveli* ra.
8 A rẹ sae ruẹ eyae-ivie udhosaGbe ese* udhoneTe emetẹ nọ i wo unu hu.+
9 Rekọ ọvo họ erueruẹ mẹ,+ ọnọ oka ovuovo o rrọ oma ha na.
Ọvo kọ ọvo oni riẹ na.
Ọye họ ọnọ ọ mae were* ọnọ o yẹ riẹ.
Nọ emetẹ na a ruẹ e riẹ, a se rie ọnọ o wo evawere;Nọ eyae-ivie gbe ese na a ruẹ e riẹ, a jiri rie.
10 ‘Ono o bi lo* wọhọ oke nọ o ke no na,Nọ o wo erru wọhọ ọvẹre nọ o ghelie no na,Nọ ọ rrọ fuafo wọhọ elo ọre na,Nọ o bi mu urirẹ wọhọ egbaẹmo nọ i dikihẹ wariẹ ebana rai họ na?’”+
11 “Me kpobọ ọgbọ ire nọ e rẹ mọ ibi+Re me rri ekakọ nọ e dhẹ ze obọ evaọ ukiekpotọ* na,Re me rri sọ evaene na e ta ze* no,Sọ ire pọmegranet na e whẹ ivo họ no.
12 Me je ti rri hi na,Isiuru* mẹ e wha omẹ teEkẹkẹ ikpahwo-esuo mẹ* no.”
13 “Zihe ze, zihe ze, O ọmọtẹ Shulam!
Zihe ze, zihe ze,Re ma ruẹsi rri owhẹ!”
“Fikieme wha bi ro rri ọmọtẹ Shulam na?”+
“Ọ wọhọ itu ivẹ nọ i bi gbile!”*
Eme-Obotọ
^ Hayo “Okpẹwho Owoma.”
^ Hayo “abovao ra ọ rrọ.”
^ Ohọ ovrovro nọ a re ro ruru ovao.
^ Rri oria Otofa Eme.
^ Evaọ Hibru, “ọnọ ọ rrọ fuafo na ọrọ.”
^ Evaọ Hibru, “rri ziọ otọ.”
^ Hayo “uto.”
^ Hayo “whẹ ivo họ.”
^ Hayo “Ekẹkẹ ahwo mẹ nọ u no eva ze.”
^ Hayo “ile-igbe Mehaneyẹm.”
