Ole nọ O Vi Ile 7:1-13
7 “Awọ ra o woma kẹhẹ evaọ eviẹ ra,O ọmọtẹ ezi!
Ikpekpawọ ra e nabe rrọ gheghelie wọhọ eware osẹ,Iruo abọ ọwena.
2 Uwowo ra yọ omodhe okokodo ogheghelie.
Jọ enwaene nọ a gua ọ kare iẹe he.
Eva ra yọ iwhiti nọ a whẹ kokohọ,Nọ idodo e wariẹ họ.
3 Ivie ivẹ ra e wọhọ emọ orua ivẹ,Ijime nọ ugbosu o yẹ.+
4 Uriohọ ra+ ọ wọhọ uwou ukpehru nọ a rọ akọ-eni ru.+
Ibiaro ra+ e wọhọ etẹre-ame Hẹshbọn,+Nọ e rrọ akotọ unuẹthẹ Bat-rabim.
Unwe ra ọ wọhọ uwou ukpehru Lebanọn,Nọ o rẹriẹ ovao ku Damaskọs.
5 Uzou ra o nabi dikihẹ wọhọ Kamẹl,+Yọ eto ra+ e* wọhọ iwhulu ogorurẹ,+
Eto ithethei ra nọ i bi fou i ru owhẹ dhẹ ruọ ovie na oma.*
6 Who wo erru kẹhẹ, who siuru kẹhẹ,O ọmọtẹ oyoyou, who woma vi eware efa kpobi nọ e rẹ kẹ evawere!
7 Whọ nabe rrọ thethei wọhọ oriẹ,Yọ ivie ra e wọhọ owhala ibi ideti.*+
8 Mẹ ta nọ, ‘Mẹ rẹ gadiẹ oriẹ naRe me kru igbe ibi riẹ.’
Jọ ivie ra e jọ wọhọ ewhala ibi-ire evaene,Ẹwẹ-okuo ra o ve gbo ore awere wọhọ apo,
9 Yọ unu* ra o wọhọ enwaene nọ ọ mai woma.”
“Jọ o rehọ ẹmẹrera kpobọ eva ọghaghae mẹ na,Je su ẹmẹrera fihọ igbenu enọ e rrọ owezẹ.
10 Ọghaghae mẹ na ọye o wo omẹ,+Yọ mẹ o wo isiuru kẹ.
11 Nyaze, O ọghaghae mẹ,Joma kpobọ ẹwọ;Joma jọ udevie ire hẹna.+
12 Joma kake kpama re ma kpobọ egbọ evaene naRe ma rri sọ evaene na e ta ze* no,Sọ idodo na e bẹre rovie no,+Sọ ire pọmegranet na e whẹ ivo họ no.+
Obei mẹ te jọ ta eme* uyoyou kẹ owhẹ.+
13 Emandreki+ na i bi gbo ore awere;Oghoghẹrẹ emamọ ibi-ire kpobi e rrọ unuẹthẹ mai.+
Te enọ a kọrọ obọ te erọ anwẹdẹ,Me fi rai họ obei kẹ owhẹ, O ọghaghae mẹ.
Eme-Obotọ
^ Evaọ Hibru, “uzou ra o.”
^ Hayo “i ru ovie na bi we lele owhẹ.”
^ Onana yọ oghẹrẹ ibi oriẹ jọ nọ e rẹ mere. Obọ Palẹstain a rẹ mae jọ ruẹ oghẹrẹ oriẹ nana.
^ Hayo “ẹrọo.” Evaọ Hibru, “ehru obeva unu.”
^ Hayo “whẹ ivo họ.”
^ Hayo “me ti jo dhesẹ.”
