Ole nọ O Vi Ile 8:1-14
-
Uvovo-aye (1-4)
-
“Dodokọ whọ wọhọ oniọvo-ọmọzae mẹ” (1)
-
-
Inievo-emezae uvovo-aye na (5a)
-
‘Ono ọ rọ oma rẹrẹ ọghaghae riẹ na?’
-
-
Uvovo-aye (5b-7)
-
“Uyoyou u wo ẹgba wọhọ uwhu” (6)
-
-
Inievo-emezae uvovo-aye na (8, 9)
-
“Otẹrọnọ ugbẹhẹ ọ rrọ, . . . rekọ otẹrọnọ ẹthẹ ọ rrọ, . . .” (9)
-
-
Uvovo-aye (10-12)
-
“Mẹ yọ ugbẹhẹ” (10)
-
-
Othuru-igodẹ (13)
-
‘Jọ me yo urru ra’
-
-
Uvovo-aye (14)
-
“Dhẹ vẹrẹ wọhọ ugbosu”
-
8 “Dodokọ whọ wọhọ oniọvo-ọmọzae mẹ,Nọ o vie evie oni mẹ!
Kẹsena nọ mẹ hae ruẹ owhẹ evaọ obọ otafe, mẹ hae te viọlọ owhẹ,+Yọ ohwo ọvo ọ hae te jẹ omẹ fiẹ hẹ.
2 Mẹ hai ti su owhẹ;Mẹ hae te rehọ owhẹ ziọ uwou oni mẹ,+Ọnọ o wuhrẹ omẹ.
Mẹ hae te kẹ owhẹ enwaene nọ a fi eware nọ i re gbo ore awere họ re whọ da,Ame ubi-ure pọmegranet nọ a mi ze obọ.
3 Ẹkpẹlobọ riẹ ọ hae te jọ otọ uzou mẹ,Yọ obọze riẹ o hae te gbalọ omẹ.+
4 Mẹ be ta kẹ owhai nọ wha duwu iyei, O whai emetẹ Jerusalẹm:
Wha du lẹliẹ omẹ wo uyoyou hayo kpare isiuru mẹ hẹ bẹsenọ o rẹ dhẹ ruọ omẹ oma.”+
5 “Ono o bi no obọ udhude ze na,Nọ ọ rọ oma rẹrẹ ọghaghae riẹ na?”
“Otọ ure apo mẹ jọ rọwo owhẹ ze.
Etẹe oni ra ọ jẹ jọ thuẹ othuẹ eyẹ ra.
Etẹe eva-eyẹ e jẹ jọ da ọnọ o yẹ owhẹ.
6 Ru re mẹ jọ oware oka-ukpehọ nọ o rrọ udu ra,Oware oka-ukpehọ nọ o rrọ ugbobọ ra,Keme uyoyou u wo ẹgba wọhọ uwhu,+Omarọkẹ riẹriẹriẹ o wọhọ Uki* nọ u re siobọno ho.
Erae riẹ e rẹ to wọhọ ebruerae, ebruerae Jah.*+
7 Ame nọ o bi fi ẹkporo ọ rẹ sai furie uyoyou hu,+Yọ ithẹ e rẹ sae wozẹ iẹe kufiẹ hẹ.+
Ohwo o te siobọno eware eghaghae kpobi nọ e rrọ uwou riẹ fiki uyoyou,A rẹ jẹ eware* na fiẹ riẹriẹriẹ.”
8 “Ma wo oniọvo-ọmọtẹ ọsese jọ,+Yọ ọ re kpọhọ ivie he.
Eme ma ti ru kẹ oniọvo-ọmọtẹ maiEvaọ ẹdẹ nọ a te ta ẹme riẹ?”
9 “Otẹrọnọ ugbẹhẹ ọ rrọ,Ma te bọ ugbẹhẹ isiliva họ ehru riẹ,Rekọ otẹrọnọ ẹthẹ ọ rrọ,Ma te rọ eplanke ure sida kare iẹe dhe.”
10 “Mẹ yọ ugbẹhẹ,Yọ ivie mẹ e wọhọ iwou ikpehru.
Fikiere evaọ aro riẹ me zihe ruọỌnọ o wo udhedhẹ no.
11 Solomọn o wo ọgbọ evaene+ evaọ Bale-hemọn.
Ọ rehọ ọgbọ evaene na kẹ ahwo re a rẹrotei.
Omomọvo ọ rẹ rehọ ewẹ isiliva odu ze rọkẹ ibi riẹ.
12 Me wo ọgbọ evaene nọ ọ rrọ orọ obọmẹ.
Ewẹ isiliva odu* na yọ era, O Solomọn,Yọ egba ivẹ e rrọ rọkẹ enọ e be rẹrote ibi riẹ.”
13 “O whẹ ọnọ ọ be rria egbọ na,+Erivẹ ra a be gaviezọ re a yo urru ra.
Jọ me yoi.”+
14 “Ovẹrẹ, ọghaghae mẹ,Dhẹ vẹrẹ wọhọ ugbosu+Hayo ọmọ uyoEvaọ ehru igbehru nọ eware nọ i re gbo ore awere e rrọ na.”
