Zẹkaraya 13:1-9
13 “Evaọ ẹdẹ yena, a te tọ oza kẹ unuwou Devidi gbe ahwo nọ a be rria Jerusalẹm nọ a ti ro ru ai fo no uzioraha gbe egbegbe rai.”+
2 “Evaọ ẹdẹ yena,” ere Jihova olori egbaẹmo ọ ta, “me ti voro edẹ emedhọ na no ẹkwotọ na,+ a gbẹ te kareghẹhọ ae vievie he; yọ me ti si eruẹaro+ gbe ẹzi egbegbe no ẹkwotọ na.
3 Otẹrọnọ ọzae jọ ọ be wariẹ ruẹaro, ọsẹ gbe oni nọ i yẹ riẹ a te ta kẹe nọ, ‘Who ti whu, keme whọ rehọ odẹ Jihova ta ọrue.’ Ọsẹ riẹ gbe oni riẹ nọ a yẹ riẹ a ve ti duwu iei lafi fiki aruọruẹ riẹ.+
4 “Evaọ ẹdẹ yena, nọ ọruẹaro ọ tẹ be ruẹaro, oma eware nọ ọ be ta e te vuọ ẹe; yọ a ti gbe ku ewu eto*+ họ họ re a rọ viẹ ahwo họ.
5 Ọ te ta nọ, ‘Mẹ yọ ọruẹaro ho. Mẹ yọ ọwhẹrẹ,* keme ohwo jọ ọ dẹ omẹ okenọ mẹ jọ ọmaha.’
6 Yọ otẹrọnọ ohwo jọ ọ nọ riẹ nọ, ‘Kinọ ela vẹ e rrọ owhẹ oma na?’* o ti yo nọ, ‘Nọ oma nọ mẹ nwa evaọ obọ uwou egbẹnyusu mẹ.’”*
7 “O ọgbọdọ, rọwo no owezẹ ze rọsuọ othuru-igodẹ mẹ,+Jẹ rọsuọ ọzae nọ ọ rrọ ogbẹnyusu mẹ,” ere Jihova olori egbaẹmo ọ ta.
“Duwu othuru-igodẹ na,+ re uthuru na o* vahabọ;+Yọ mẹ te kpare obọ mẹ rọsuọ enọ e viodẹ hẹ.”
8 “Evaọ ẹkwotọ na soso,” ere Jihova ọ ta,“A te rehọ abava ahwo nọ a rrọ eva riẹ vrẹ, a ve ti whu;Abọ avọ esa na o ve ti kiọkọ eva riẹ.
9 Me ti fi abọ avọ esa na họ erae;Me ve ti ru ai fo wọhọ epanọ a re ru isiliva fo na,Jẹ dawo ae wọhọ epanọ a rẹ dawo igoru.+
A ti se odẹ mẹ,Me ve ti yo kẹ ae.
Mẹ te ta nọ, ‘Ahwo mẹ a rrọ,’+
A vẹ te ta nọ, ‘Jihova họ Ọghẹnẹ mai.’”
Eme-Obotọ
^ Hayo “ewu ọruẹaro.”
^ Hayo “ohwo nọ o re kporo udhu.”
^ Evaọ Hibru, “udevie abọ ra na?” Koyehọ, evaọ udu hayo uke.
^ Hayo “enọ i you omẹ.”
^ Hayo “igodẹ na e.”
