Aizaya 13:1-22
13 Owhowhovia ẹdhoguo kpahe Babilọn+ nọ Aizaya+ ọmọzae Emọz ọ ruẹ evaọ eruẹaruẹ:
2 “Wha kpare oware oka*+ jọ kpehru evaọ ehru ugbehru nọ itho iriorio e rrọ.
Wha kpaunu se ai, wha veghe obọ rai,Re a ruẹse nyaze obaro iwou ikpahwo na.
3 Mẹ kẹ enọ me ro mu* na ujaje na no.+
Me se egbaẹmo mẹ kokohọ no re a dhesẹ ofu mẹ via,
Ahwo mẹ nọ a be rọ omorro ghọghọ.
4 Wha gaviezọ! Ogbotu ahwo jọ a rrọ obọ igbehru na;Edo rai ọ wọhọ edo ahwo buobu!
Wha gaviezọ! Ẹvohẹ ọ rrọ udevie ekwotọ-ivie,Udevie erẹwho nọ i kokohọ!+
Jihova olori egbaẹmo o bi koko ogbaẹmo na họ kẹ ẹmo.+
5 A bi no ẹkwotọ ugbothabọ jọ ze,No obọ oka idhiwu na ze,+Jihova avọ ekwakwa ẹmo ofu riẹ,Re ọ raha otọakpọ na soso no.+
6 Wha kuenu oviẹ, keme ẹdẹ Jihova ọ kẹle no!
Ẹdẹ nọ Erumeru na ọ te rọ raha ọraha.+
7 Oyejabọ nọ abọ kpobi e te rọ ko,Yọ udu u ti no ohwo kpobi awọ* fiki ozọ.+
8 Iguegue i kpe ahwo na no.+
Ewawa gbe edada i kru rai no,Wọhọ aye nọ ọ be thuẹ othuẹ eyẹ.
A bi rri ohwohwo avọ idudu,Avọ ovao nọ awa ọ dafia.
9 Rri! Ẹdẹ Jihova ọ be tha,Avọ ofu gbe evedha egaga, o te re ohrọ ohwo ọvo ho,Re u ru ẹkwotọ na fihọ oware idudu,+Re o kpe erahaizi ẹkwotọ na muotọ.
10 Keme isi obọ ehru* na avọ eko isi rai,*+I ti gbe lo ho;Ọre na o ti muebi evaọ okenọ ọ te va ze,Yọ ọvẹre na o ti siobọno elo riẹ hẹ.
11 Mẹ te rehọ ahwo nọ a be rria otọakpọ na guẹdhọ fiki eyoma riẹ,+Gbe ahwo omuomu na fiki oruthọ rai.
Me ti ru omorro otu omoya serihọ,Je ti hrẹ omorro otu egeva kpotọ.+
12 Me ti ru ohwo-akpọ gheghe bẹ ẹgwọlọ vi igoru nọ a ru fo no,+Je ti ru ahwo-akpọ bẹ ẹgwọlọ vi igoru obọ Ofaya.+
13 Oyejabọ nọ me ti ro ru idhiwu na nuhu,Yọ otọakpọ na u ti nuhu no oria riẹ+Fiki ofu ọgaga nọ Jihova olori egbaẹmo o ti mu evaọ ẹdẹ ofu ọgaga riẹ.
14 Wọhọ ugbosu nọ a bi le jẹ wọhọ igodẹ nọ i wo ohwo nọ o re koko ai họ họ,Omomọvo o ti zihe bru ahwo obọriẹ;Omomọvo ọ te dhẹ kpobọ ẹkwotọ obọriẹ.+
15 A ti duwu ohwo kpobi nọ a ruẹ lafi,Yọ a te rehọ ọgbọdọ kpe ohwo kpobi nọ a kru.+
16 A te rehọ emọ rai fi otọ bẹre ehehẹhẹ evaọ iraro rai,+A te kwa eware iwou rai rehọ,Yọ a te gba eyae rai du.
17 Mẹ be kpare ahwo Midia rọsuọ ae,+Enọ i rri isiliva fihọ oware ovo ho,Enọ igoru i re siuru hu.
18 Ize rai e te sa izoge emezae rai kpe;+A te re ohrọ ubi nọ u no edhede na ze heHayo re ohrọ emọ họ.
19 Yọ Babilọn, uvie nọ o mai wo oruaro evaọ usu ekwotọ-ivie,*+Ọnọ ọ rrọ erru gbe omorro ahwo Kaldia+ na,Ọ te jọ wọhọ Sọdọm avọ Gomora evaọ okenọ Ọghẹnẹ ọ raha ai no.+
20 A te rriae vievie he,Yọ ọ te jọ oria nọ a rẹ rria ha evaọ ige kpobi.+
Ohwo Arab ọvo ọ te rehọ uwou-udhu vi etẹe he,Yọ uvumọ ithuru-igodẹ i ti su igodẹ rai kpohọ etẹe nyai serihọ họ.
21 Emama udhude i ti kiẹzẹ etẹe;Ikpukpuru e te vọ iwou rai.
Igomugoro e te rria etẹe,+Ewe ẹwọ* e te jọ etẹe duola kpenẹ avọ enẹ.
22 Erao nọ i re bo i ti bo evaọ iwou ikpehru riẹ,Yọ ikozi e te jọ emamọ iwou ilogbo riẹ.
Oke riẹ o kẹle no, yọ a te va edẹ riẹ hẹ.”+
Eme-Obotọ
^ Hayo “ọkpọ oka.”
^ Evaọ Hibru, “ahwo mẹ nọ me ru fo no.”
^ Hayo “udu ohwo kpobi o te ghra no.”
^ Evaọ Hibru, “avọ Kisil rai.” O sae jọ nọ o be ta kpahe eko isi Orion avọ eko isi nọ e wariẹ e riẹ họ.
^ Hayo “idhiwu.”
^ Hayo “uvie nọ o rrọ erru ekwotọ-ivie.”
^ Hayo o sae jọ nọ, “Idhivẹri nọ e wọhọ ẹwe.”
