Aizaya 2:1-22
2 Onana họ oware nọ Aizaya ọmọzae Emọz ọ ruẹ kpahe Juda avọ Jerusalẹm:+
2 Evaọ abọ urere edẹ na,*A ti ru ugbehru uwou JihovaDikihẹ gaga evaọ obọ ehru igbehru na,+A te kpare iẹe kpehru vi ikpehru na,Yọ erẹwho na kpobi i ti zurie kpohọ iẹe.+
3 Ahwo buobu a te nya, a vẹ ta nọ:
“Wha nyaze re ma kpobọ ugbehru Jihova,Obọ uwou Ọghẹnẹ Jekọp.+
O ti wuhrẹ omai kpahe idhere riẹ,Yọ ma te nya evaọ idhere riẹ.”+
Keme uzi* u ti no Zayọn ze,Ẹme Jihova o ve ti no Jerusalẹm ze.+
4 O ti bruoziẹ evaọ udevie erẹwho naJẹ kpọ eware vi rọkẹ ahwo buobu.
A ti duwu egbọdọ rai zihe ruọ etẹkpẹA ve ti duwu izuẹ rai zihe ruọ ibrẹbe.+
Orẹwho o gbẹ te kpare ọgbọdọ rọsuọ orẹwho ho,Yọ a ti gbe wuhrẹ ẹmo-ofio ofa ha.+
5 O whai ahwo uwou Jekọp, wha nyaze,Re ma nya evaọ elo Jihova.+
6 Keme whọ nyasiọ uwou Jekọp nọ a rrọ ahwo ra ba no,+Fikinọ eware obọ Ovatha-ọre e vọ rai abọ;A bi ru emajiki+ wọhọ ahwo Filistia,Yọ emọ ahwo erẹwho efa e vọ udevie rai.
7 Isiliva gbe igoru e vọ ẹkwotọ rai,Yọ ekwakwa-aghae rai i wo umuo ho.
Enyenya e vọ ẹkwotọ rai,Yọ ekẹkẹ rai i wo umuo ho.+
8 Eghẹnẹ nọ i fioka ha e vọ ẹkwotọ rai.+
A bi guzou kpotọ kẹ iruo abọ obọrai,Eware nọ a rehọ iziabọ obọrai ru.
9 Ere ohwo-akpọ o bi ro ru omariẹ kpotọ, o gbe te oware ovo ho,Yọ whọ sae rọvrẹ rai hi.
10 Ruọ eva utho na re who si omara no họ ẹkpẹFiki idudu ofu JihovaJegbe erru urirẹ riẹ.+
11 A te rehọ ibiaro omorro ohwo-akpọ ziọ otọ,Uke-ufuo ahwo u ti hrẹ kpotọ.
Jihova ọvo a te kpare kpehru evaọ ẹdẹ yena.
12 Keme ẹdẹ yena yọ ẹdẹ Jihova olori egbaẹmo.+
U bi bru ohwo kpobi nọ o wo omorro jẹ be wọ oma kpehru tha,Ohwo kpobi, te ohwo ologbo hayo oruori,+
13 Te ire sida obọ Lebanọn kpobi nọ e rrọ kpekpehruGbe ire ok obọ Beshan kpobi,
14 Te igbehru ikpekpehru na kpobiGbe ikpehru ikpekpehru na kpobi,
15 Te uwou ukpekpehru kpobi gbe ugbẹhẹ kpobi nọ a ma gaga,
16 Te ekọ ilogbo Tashish kpobi+Gbe ekọ iwowoma kpobi.
17 Omorro ohwo-akpọ o te ziọ otọ,Uke-ufuo ahwo u ti hrẹ kpotọ.
Jihova ọvo a te kpare kpehru evaọ ẹdẹ yena.
18 Eghẹnẹ nọ i fioka ha na e gbẹ te jariẹ vievie he.+
19 Ahwo a te ruọ eva ighogho-ithoJẹ ruọ eva ighogho nọ e rrọ otọ na,+Fiki idudu ofu JihovaJegbe erru urirẹ riẹ,+Okenọ ọ te kparoma re o ru otọakpọ na nuhu fiki idudu.
20 Evaọ ẹdẹ yena ahwo a te rehọ eghẹnẹ isiliva gbe erọ igoru raiEnọ a ru kẹ omarai re a guzou kpotọ kẹ na,A ve gbolo ae kẹ eronwa* gbe edha,+
21 Re a ruẹse ruọ eva ighogho-itho naGbe eva eria nọ e bẹre rovie fihọ evaọ igbehru-itho na,Fiki idudu ofu JihovaJegbe erru urirẹ riẹ,Okenọ ọ te kparoma re o ru otọakpọ na nuhu fiki idudu.
22 Re u woma kẹ owhai, wha gbẹ rẹroso ohwo-akpọ gheghe he,Ọnọ ọ wọhọ ẹwẹ ighogho-inwe riẹ gheghe.*
Fikieme a re ro roro kpahe iẹe?
Eme-Obotọ
^ Hayo “Evaọ edẹ urere na.”
^ Hayo “uthubro.”
^ Hayo “elonwa; ivioro.” Edhokpa nọ e rẹ re oware muotọ.
^ Hayo “Ọnọ ẹwẹ riẹ ọ rrọ ighogho-inwe riẹ.”
