Aizaya 26:1-21
26 Evaọ ẹdẹ yena, a te so ole nana+ evaọ ẹkwotọ Juda:+
“Ma wo okpẹwho ọgaga.+
Esiwo ọ rehọ bọ igbẹhẹ riẹ avọ igbuhru nọ e wariẹ e riẹ họ.+
2 Rovie inuethẹ na fihọ+ re orẹwho okiẹrẹe na o ruẹse ruọ eva,Orẹwho nọ o bi yoẹme kẹ Ọghẹnẹ.
3 Whọ te sẹro enọ e rẹroso owhẹ riẹriẹriẹ;*Whọ te kẹ ae udhedhẹ nọ u wo oba ha,+Keme whẹ a fievahọ.+
4 Fievahọ Jihova bẹdẹ bẹdẹ,+Keme Jah* Jihova họ Utho ebẹdẹ bẹdẹ na.+
5 Keme ọ rehọ ahwo nọ a be rria oria ukpekpehru na, okpẹwho okpehru na ziọ otọ no.
O kporo i rie fihọ otọ,O kporo i rie totọ;O gbolo i rie fihọ otọ ẹkpẹ na.
6 A te rehọ evawọ thihi ei nyaotọ,Evawọ ọnọ ọ be reoja, ithihi iruori na.”
7 Edhere ohwo okiẹrẹe na o kiete.*
Fikinọ who kiete,Who ti ru edhere ohwo okiẹrẹe na fihọ riẹriẹriẹ.
8 O Jihova, nọ ma bi lele edhere uvioziẹ ra naWhẹ ma fi ẹruore mai họ.
Odẹ ra gbe ekareghẹhọ ra i bi si omai* urru.*
9 Mẹ rẹ rọ oma mẹ kpobi* gwọlọ owhẹ evaọ aso,Ẹhẹ, ẹzi mẹ ọ rẹ ruabọhọ gwọlọ owhẹ;+Keme nọ who te gu otọakpọ na ẹdhọ,Ahwo nọ a be rria ẹkwotọ na a re wuhrẹ kpahe ẹrẹreokie.+
10 A tẹ maki dhesẹ aruoriwo kẹ ohwo omuomu dede,O ti wuhrẹ ẹrẹreokie he.+
O ti ru oware umuomu ghele makọ evaọ ẹkwotọ nọ a rẹ jọ ru oware nọ u kiete,*+Yọ ọ te ruẹ oruaro Jihova ha.+
11 O Jihova, whọ kpare obọ ra kpehru, rekọ a be ruẹ e riẹ hẹ.+
A te ruẹ ọwhọ nọ who wo kẹ ahwo ra, oma o vẹ te vuọ ae.
Ẹhẹ, erae nọ e rrọ rọkẹ ewegrẹ ra e te mahe ai no.
12 O Jihova, whọ te kẹ omai udhedhẹ,+Keme oware kpobi nọ ma ru,Whẹ họ ọnọ o ru rie kẹ omai.
13 O Jihova Ọghẹnẹ mai, u te no owhẹ no ilori efa i su omai no,+Rekọ odẹ ra ọvo ma rẹ fodẹ.+
14 A whu no; a gbẹ te rria ha.
A wo ogaga ovo ho fikinọ a whu no, yọ a te kparoma ha.+
Keme whọ rẹriẹ ovao ra rri rai noRe who kpe ai muotọ je ru re a siọ ae ba ẹkareghẹhọ.
15 O Jihova, who ru orẹwho na kẹre no,Who ru orẹwho na kẹre no;Whọ kẹ omara orro no.+
Who ru iwhru ẹkwotọ na kẹre gaga no.+
16 O Jihova, a bo bru owhẹ ze evaọ etoke idhọvẹ;Nọ whọ kẹ ae uye, a rọ unu kpotọ horie eva rai kẹ owhẹ evaọ olẹ.+
17 Nwane wọhọ epanọ aye nọ o dihọ te eyẹ noỌ rẹ thuẹ othuẹ eyẹ jẹ viẹ fiki edada na,Ere ọvona o rrọ kẹ omai fiki ra, O Jihova.
18 Ma dihọ, ma thuẹ othuẹ eyẹ,Rekọ o rrọ wọhọ ẹsenọ ma yẹ ofou.
Ma re wha esiwo ziọ ẹkwotọ na ha,Yọ ma yẹ ohwo ọvo nọ ọ rẹ rria ẹkwotọ na ha.
19 “Ahwo ra nọ a whu no a te ziọ uzuazọ.
Iri ahwo mẹ e* te kparoma.+
Wha rọwo ze re wha bo ubo oghọghọ,Whai enọ e be rria evaọ ẹkpẹ na!+
Keme igrigri ra e wọhọ igrigri ohiohiẹ,*Yọ otọakpọ na u ti siobọno enọ i whu no nọ i wo ogaga ovo ho na zihe ziọ uzuazọ.*
20 Ahwo mẹ, wha nya, wha ruọ eva ibrikpẹ obeva rai,Wha kare ethẹ rai dhe oma.+
Wha dhere omoke kpẹkpẹeBẹsenọ ofu* na ọ rẹ vrẹ no.+
21 Keme rri! Jihova o bi no oria riẹ zeRe ọ rehọ ahwo nọ a be rria ẹkwotọ na guẹdhọ fiki oruthọ rai,Ẹkwotọ na ọ vẹ te fere azẹ-okpe riẹ viaYọ ọ gbẹ te ko ahwo nọ o kpe no dhere he.”
Eme-Obotọ
^ Hayo o sae jọ nọ, “enọ a rẹ sai nwene iroro rai hi.”
^ “Jah” yọ ubro odẹ na Jihova.
^ Hayo “rrọ riẹriẹriẹ.”
^ Koyehọ, re a kareghẹhọ Ọghẹnẹ avọ odẹ riẹ je dhesẹ iẹe via.
^ Hayo “oruọzewọ.”
^ Evaọ Hibru, “Ori mẹ ọ.”
^ Hayo o sae jọ nọ, “igrigri ẹbe.”
^ Hayo “o ti yẹ enọ i whu no nọ i wo ogaga ovo ho.”
^ Hayo “obrukpe.”
