Aizaya 28:1-29
28 Uye u te etu-uvie* oma-udhesẹ* egba-idi Ifremu+Gbe ododo nọ ọ rọ whẹ erru ọnwranwra họ oma nọ ọ be hiẹ no na,Onọ o rrọ uzou ukiekpotọ nọ u re wou eware na, oria ahwo nọ udi u bi mu!
2 Rri! Jihova o wo ohwo jọ nọ ọ rrọ gaga je wo ẹgba.
Wọhọ oso-itho avọ egbrara, ofou ọwhibo ọraha,Wọhọ ame owhe ologbo nọ o bi ru edo ọgaga,Ọ te rehọ ogaga gbolo iei fihọ otọakpọ na.
3 A ti thihiItu-uvie oma-udhesẹ* egba-idi Ifremu na nyaotọ.+
4 Yọ ododo nọ ọ rọ whẹ erru ọnwranwra họ oma nọ ọ be hiẹ no na,Onọ o rrọ uzou ukiekpotọ nọ u re wou eware na,O te jọ wọhọ ibi ifigi ọsosuọ nọ e rẹ romavia taure ezi ivo o te ti te.
Nọ ohwo ọ tẹ ruẹ e riẹ, ọ rẹ lọe no nọ o tẹ nwani tei obọ.
5 Evaọ ẹdẹ yena, Jihova olori egbaẹmo o ti zihe ruọ etu-uvie oruaro gbe etu-idodo nọ o wo erru rọkẹ ahwo riẹ nọ a kiọkọ.+
6 O ti zihe ruọ ẹzi uvioziẹ kẹ ọnọ ọ keria bi guẹdhọ na gbe ẹgba rọkẹ enọ e be za ewegrẹ dhe evaọ obọ unuẹthẹ na.+
7 Yọ enana e be nyathọ re fiki enwaene;Idi egaga rai i bi ru ai kpo geli geli.
Ozerẹ avọ ọruẹaro a be nyathọ fiki udi ogaga;Enwaene u bi ru ai reghe,Yọ udi ogaga rai u bi ru ai kpo geli geli;Eruẹaruẹ rai i bi ru ai nyathọ,Yọ a bi bruoziẹ thọ.+
8 Eware etọtọ nọ a geli e vọ emẹjẹ rai—E rrọ oria kpobi.
9 Kọ ono o re ti wuhrẹ eriariẹ,Kọ ono ọ te fa otọ ovuẹ na kẹ?
Kọ enọ a bru evie obọ,Enọ a si evie no unu obọ?
10 Keme “ujaje rọ kpahe ujaje, ujaje rọ kpahe ujaje,Ufi rọ kpahe ufi, ufi rọ kpahe ufi,*+Omojọ o rrọ etenẹ, omojọ o rrọ etẹe.”
11 Fikiere ọ te rọ ahwo nọ a re bru ekọkọ* gbe enọ e rẹ ta ẹvẹrẹ orẹwho ọfa rọ ta ẹme kẹ ahwo nana.+
12 Ọ vuẹ rai oke jọ nọ: “Etenẹ na họ oria eriosehọ. Jọ ọnọ oma o rrọ no o serihọ; etenẹ na họ oria omosasọ,” rekọ a rọwo gaviezọ họ.+
13 Fikiere ẹme nọ Jihova ọ te ta kẹ ae họ:
“Ujaje rọ kpahe ujaje, ujaje rọ kpahe ujaje,Ufi rọ kpahe ufi, ufi rọ kpahe ufi,*+Omojọ o rrọ etenẹ, omojọ o rrọ etẹe,”
Re nọ a tẹ be nya onya,A ve ti zoruẹ je kie rri emuA vẹ nwoma, kie ẹta, a ve mu ae.+
14 Fikiere wha yo ẹme nọ Jihova ọ ta, whai enọ i re seha,Whai isu ahwo nana nọ e rrọ Jerusalẹm,
15 Keme wha be ta nọ:
“Ma lele uwhu re ọvọ no,+Yọ ma ru ọtamuo kugbe Uki* no.*
Nọ ẹkẹre ọgaga na o ti kporo vrẹ,O ti te omai oma ha,Keme ma ru ọrue họ oria adhẹzọ mai noYọ ma kuọ omamai dhere eva ọrue-ọta no.”+
16 Fikiere enẹ Jihova Olori nọ Ọ Mai Kpehru na ọ ta:
“Mẹ be rehọ utho nọ a dawo no rọ wọ otọhotọ họ evaọ Zayọn,+Utho ubienẹ oghaghae+ nọ a rọ wọ otọhotọ ogaga họ.+
Ohwo ọvo nọ o bi fi ẹrọwọ họ iẹe nọ o ti nuhu ọ rrọ họ.+
17 Me ti ru uvioziẹ jọ ufi nọ a rẹ rọ ma oware+Ẹrẹreokie ọ vẹ te jọ okwakwa nọ a rẹ rọ ma oware sọ o kpọvi.+
Oso-itho na o ti su oria adhẹzọ ọrue na kufiẹ,Yọ ame na o ti ku oria nọ a dhere na.
18 Ọvọ nọ wha re kugbe Uwhu na ọ te raha no,Ọtamuo nọ wha ru kugbe Uki* na o ti dikihẹ hẹ.+
Nọ ẹkẹre ọgaga na o ti kporo vrẹ,Ọ te pẹhẹ owhai no.
19 Unuẹse nọ ame na o su vrẹ kpobi,O ti su owhai kufiẹ;+Keme o ti su vrẹ kohiohiẹ kohiohiẹ,Te aso te uvo,
Idudu ọvo họ oware nọ o te lẹliẹ ai wo otoriẹ oware nọ a yo.”*
20 Keme ehwa na e kpẹre vi epanọ a sae rọ jariẹ rriẹ oma,Yọ ohọ na o kawo vi epanọ a sai ro si ei wowo.
21 Keme Jihova ọ te kpama wọhọ epanọ o ru evaọ obọ Ugbehru Perezim;Ọ te jowọ wọhọ epanọ o ru evaọ ukiekpotọ* nọ o kẹle Gibiọn,+Re ọ ruẹsi ru iruẹru riẹ—iruẹru igbunu riẹ—Re ọ ruẹsi ru iruo riẹ—iruo aghẹruẹ riẹ.+
22 Enẹna, wha se ẹkoko ho,+Re a gbe si ifi nọ a rọ gba owhai na keke viere he,Keme mẹ jọ obọ Olori nọ Ọ Mai Kpehru na, Jihova olori egbaẹmo yo no,Inọ a jiroro epanọ a ti ro kpe ahwo ẹkwotọ na soso*+ muotọ no.
23 Wha fi ezọ hotọ, wha gaviezọ kẹ urru mẹ;Wha kezọ re wha gaviezọ kẹ ẹme nọ mẹ be ta.
24 Kọ okpẹdoke na soso ọnọ o bi kporo otọ na o re ro kporo re ọ tẹ te kọ ibi?
Kọ ekpekporo ọvo o re kporo otọ riẹ?+
25 Nọ ọ tẹ ruẹrẹ otọ na họ no,Kọ ọ gbẹ vravra kumin obiebi fihọ iẹe jẹ kọ kumin gheghe,Kọ ọ gbẹ kọ iwhiti, imilẹte gbe ebali fihọ eria raiJẹ kọ espẹte*+ fihọ akotọ riẹ wariẹ họ?
26 Keme O bi wuhrẹ iẹe* evaọ edhere nọ o kiehọ;Ọghẹnẹ riẹ o bi wuhrẹ iẹe.+
27 Keme a rẹ rehọ ewẹ ekpala nọ a re ro si ibi no igbe ekakọ+ ro si ibi kumin obiebi no ho,Yọ a rẹ rehọ ẹtẹ akẹkẹ dhẹ ehru kumin gheghe he.
Rekọ ọkpọ a rẹ rọ tehe kumin obiebi,A vẹ rehọ ubiọkpọ tehe kumin gheghe.
28 Nọ ohwo o te bi si ibi no igbe ekakọ, kọ ọ rẹ whọlọ ibi na fihọ wuru wuru re a rehọ ai ru ebrẹdi?
Ijo, keme ọ rẹ tehe ae rifihọ họ;+Yọ okenọ ọ tẹ be rehọ enyenya riẹ si akẹkẹ riẹ nọ o wo etẹ na evaọ ehru ekakọ na,Ọ rẹ whọlọ ibi na ha.+
29 Obọ Jihova olori egbaẹmo onana u no ze re,Ọnọ ẹjiroro riẹ u gbunuỌnọ o re ru eware ilogbo.*+
Eme-Obotọ
^ Hayo “omorro; omoya.”
^ O wọhọ nọ o be ta kpahe Sameria, okpẹwho esuo na.
^ Hayo “omorro; omoya.”
^ Hayo “Ufi nọ a rẹ rọ ma oware rọ kpahe ufi nọ a rẹ rọ ma oware, ufi nọ a rẹ rọ ma oware rọ kpahe ufi nọ a rẹ rọ ma oware.”
^ Evaọ Hibru, “enọ igbenu rai i re bru ekọkọ.”
^ Hayo “Ufi nọ a rẹ rọ ma oware rọ kpahe ufi nọ a rẹ rọ ma oware, ufi nọ a rẹ rọ ma oware rọ kpahe ufi nọ a rẹ rọ ma oware.”
^ Hayo o sae jọ nọ, “Mai avọ Uki ma ruẹ eruẹaruẹ evona.”
^ Hayo o sae jọ nọ, “Nọ a te wo otoriẹ riẹ, o te whẹ iguegue họ ae oma gaga.”
^ Hayo “ukiekpotọ opraprara.”
^ Hayo “otọakpọ na soso.”
^ Espẹte yọ oghẹrẹ iwhiti jọ nọ a jẹ hae kọ evaọ Ijipti evaọ oke anwae nọ ọ nwani woma te iwhiti ọdekọ họ.
^ Hayo “Ọ be whọku ei; Ọ be fae.”
^ Hayo “Ọnọ o wo uvi areghẹ gaga.”
