Aizaya 31:1-9
31 Uye u te enọ e nya kpobọ Ijipti re a fiobọhọ kẹ ae,+Enọ e rẹroso enyenya,+Enọ i fievahọ ekẹkẹ ẹmo fikinọ e rrọ buobu,Je fievahọ enyenya ẹmo* fikinọ e rrọ gaga.
Rekọ a rẹroso Ọrẹri Izrẹl he,Yọ a kiẹ gwọlọ Jihova ha.
2 Rekọ o wo areghẹ re, yọ ọ te rehọ okpẹtu ze,O ti zihe eme riẹ hẹ.
Ọ te kparoma wọso uwou irumuomuJẹ wọso enọ i bi fiobọhọ kẹ irumuomu.+
3 Rekọ ahwo Ijipti na yọ ahwo-akpọ gheghe, Ọghẹnẹ a rrọ họ;Enyenya rai yọ uwo, orọnikọ ẹzi hi.+
Okenọ Jihova ọ tẹ rriẹ obọ riẹ,Ohwo kpobi nọ o bi fiobọhọ kẹ ohwo o ti zoruẹYọ ohwo kpobi nọ a fiobọhọ kẹ o ti kie;
Aikpobi a ti whu evaọ oke ovona.
4 Keme enẹ Jihova ọ ta kẹ omẹ:“Nwane wọhọ epanọ okpohrokpo, okpohrokpo ọgaga* ọ rẹ go fiki arao nọ o kpe na,Nọ a jẹ maki se utu ithuru-igodẹ kokohọ bru ei,Edo uvou rai u re ru ozọ mu ei hi naYọ edo ọgaga rai o re ru ei guegue he na,Ere Jihova olori egbaẹmo o ti nwrotọ ze ti fi ẹmoFiki Ugbehru Zayọn gbe fiki ukpehru riẹ.
5 Wọhọ evra nọ e be rra tehe ziọ otọ, Jihova olori egbaẹmo ọ te nyaze vẹrẹ vẹrẹ te thothọ Jerusalẹm.+
Ọ te thothọ riẹ je siwi ei.
O ti dhobọtei hi, yọ o ti siwi ei.”
6 “Wha zihe bru Ọnọ wha keke aro fihọ kpareso na, O whai ahwo Izrẹl.+
7 Evaọ ẹdẹ yena, omomọvo ọ te siọ eghẹnẹ isiliva riẹ nọ i fioka ha na gbe eghẹnẹ igoru riẹ nọ i wo aghare he na, enọ wha rehọ abọ rai ru, onọ o rrọ uzioraha.
8 A te rehọ ọgbọdọ nọ ọ rrọ ọrọ ohwo-akpọ họ kpe ohwo Asiria na;Yọ ọgbọdọ nọ ọ rrọ ọrọ ohwo-akpọ họ ọ te raha iẹe no.+
Ọ te dhẹ fiki ọgbọdọ na,Yọ a te rọ izoge emezae riẹ ru iruo ọgbahọ.
9 Ugbehru-utho riẹ o te rayẹ no fiki ozọ ogaga,Yọ ozọ u ti mu ikpahwo-esuo riẹ fiki ọkpọ oka na,” ere Jihova ọ ta,Ọnọ elo riẹ ọ rrọ* Zayọn, gbe ọnọ umuwou-erae riẹ ọ rrọ Jerusalẹm.
