Aizaya 4:1-6
4 Yọ eyae ihrẹ e te jabọ kru ọzae ọvo evaọ ẹdẹ yena,+ yọ a be ta nọ:
“Ma te re ebrẹdi obọmaiJe fi iwu obọmai họ;Jọ a thakpe rọ odẹ ra se omaiRe u si omovuọ no omai oma.”*+
2 Evaọ ẹdẹ yena, eware nọ Jihova o ru dhẹ ze e te jọ wowoma je wo erru gaga, yọ ubi nọ u ti no otọ na ze o te jọ orro gbe erru ahwo Izrẹl nọ a zọ.+
3 Ohwo kpobi nọ o kiọkọ Zayọn nọ a seba Jerusalẹm, a ti sei ọrẹri, koyehọ ahwo kpobi nọ a rrọ Jerusalẹm nọ a kere edẹ rai fihotọ rọkẹ uzuazọ.+
4 Okenọ Jihova ọ te rehọ ẹzi ẹdhoguo gbe ẹzi ẹmahe* rọ wozẹ egbegbe* emetẹ Zayọn no,+ je wurie azẹ-okpe Jerusalẹm kufiẹ no udevie riẹ,+
5 Jihova o ti je ru re ẹgho avọ iwiri e jariẹ evaọ uvo, gbe erae nọ e be ware nwenwenwe evaọ aso+ re e jọ ehru ẹkwotọ Ugbehru Zayọn soso gbe oria riẹ nọ a re kokohọ; keme uwou u ti ruru eware kpobi nọ i wo erru.
6 Yọ uwou-owhre o te jariẹ nọ o rẹ jọ edhedhẹ evaọ oke ẹrrorro uvo na,+ jegbe onọ a rẹ dhẹ ruọ eva, o vẹ thọ ohwo no okpofou gbe oso.+
