Aizaya 51:1-23
51 “Wha gaviezọ kẹ omẹ, whai enọ i bi le ẹrẹreokie,Whai enọ e be gwọlọ Jihova.
Wha rri utho nọ a bru owhai no zeGbe oria nọ a rẹ jọ tọ itho nọ a tọ owhai no ze.
2 Wha rri Abraham ọsẹ raiGbe Sera+ ọnọ o yẹ owhai.*
Keme omọvo ọ jọ okenọ me ro sei,+Mẹ tẹ ghale iẹe je ru ei fihọ buobu.+
3 Keme Jihova ọ te sasa Zayọn oma.+
Ọ te wha omosasọ ziọ eria riẹ kpobi nọ a raha,+Yọ o ti ru udhude riẹ jọ wọhọ Idẹn+Je ti ru udhude opraprara riẹ jọ wọhọ ọgbọ Jihova.+
A te jọ eva riẹ ruẹ evawere avọ oghọghọ,Uyere-okẹ gbe ole ọwewere.+
4 Wha gaviezọ ziezi kẹ omẹ, O ahwo mẹ,Re whọ kezọ kẹ omẹ, orẹwho mẹ.+
Keme uzi u ti no obọmẹ vrẹ,+Yọ mẹ te rehọ uvioziẹ mẹ dikihẹ re o jọ elo kẹ ahwo na.+
5 Ẹrẹreokie mẹ o bi si kẹle.+
Esiwo mẹ ọ te nya lahwe,+Yọ ugbobọ mẹ u ti bruoziẹ ahwo na.+
Mẹ ikoliko na i ti fi ẹruore họ,+Yọ ugbobọ* mẹ a te hẹrẹ.
6 Kpare aro ra rri obọ idhiwu na,Re who je rri otọakpọ na.
Keme idhiwu na e te vaha fihọ ọvuọ oboriẹ wọhọ iwiri;Otọakpọ na o te hiẹ no wọhọ ohọ,Yọ ahwo nọ a be rria eva riẹ a ti whu wọhọ etọle.
Rekọ esiwo mẹ ọ te jọ bẹdẹ bẹdẹ,+Yọ ẹrẹreokie mẹ o ti re vievie he.*+
7 Wha gaviezọ kẹ omẹ, whai enọ e riẹ ẹrẹreokie,Ahwo nọ uzi* mẹ o rrọ udu rai.+
Wha jọ ozọ ẹpoviẹ ahwo-akpọ gheghe u mu owhai hi,Yọ wha guegue fiki ekela rai hi.
8 Keme amara ọ te re ai no wọhọ ewu;Amara nọ ọ rẹ re ohọ na* ọ te re ai no wọhọ ohọ iwhulu.+
Rekọ ẹrẹreokie mẹ ọ te jọ bẹdẹ bẹdẹ,Yọ esiwo mẹ ọ te jọ rọkẹ ige kpobi.”+
9 Rọwo ze! Rọwo ze! Ku ẹgba họ omara,O ugbobọ Jihova!+
Rọwo ze wọhọ epanọ who ru evaọ oke krẹkri nọ u kpemu, wọhọ epaọ ige nọ e vrẹ.
Kọ ogbẹrọnọ whẹ o kporo Rehab*+ ehehẹhẹ,Whẹ o duwu arao ologbo obọ abade na?+
10 Kọ ogbẹrọnọ whẹ o ru abade na kpọ, ame abade odidi na?+
Kọ ogbẹrọnọ whẹ o ru abade odidi na zihe ruọ edhere nọ enọ a dẹ zihe ze na a fa vrẹ?+
11 Enọ Jihova ọ ta no igbo i ti zihe ze.+
A te nyaze Zayọn avọ ubo oghọghọ,+Yọ oghọghọ nọ u wo ekuhọ họ o te wariẹ uzou rai họ.*+
A te wereva jẹ ghọghọ,Yọ uweri gbe unuofiẹ e te dhẹ no.+
12 “Mẹ omamẹ họ ọnọ ọ be sasa owhai oma.+
Fikieme ozọ ohwo-akpọ gheghe nọ o ti whu+Gbe ọmọ ohwo nọ o ti lo no wọhọ ẹbe ọrọrọ u re ro mu owhẹ?
13 Fikieme Jihova, Ọnọ ọ ma owhẹ ọ rẹ rọ thọrọ owhẹ ẹro,+Ọnọ ọ rriẹ idhiwu na fihọ+ jẹ wọ otọhotọ otọakpọ na họ?
Kẹse kẹse evaọ okpẹdoke na soso ozọ o jọ owhẹ oma fiki ofu ọnọ o bi kienyẹ owhẹ,*Wọhọ ẹsenọ ọ rẹ sae raha owhẹ no.
Kọ enẹna, ofu ọnọ o bi kienyẹ owhẹ na ọ rrọ?
14 Uviemenẹ a ti siobọno ọnọ a rọ egbregba gba nọ o zulẹ na;+O ti whu re o kpobọ ọgọdọ họ,Yọ ebrẹdi ọ te kare iẹe he.
15 Rekọ mẹ họ Jihova Ọghẹnẹ ra,Ọnọ ọ rẹ kiẹ abade na, u ve ru ẹkporo riẹ jọ gaga+—Jihova olori egbaẹmo họ odẹ riẹ.+
16 Me ti fi eme mẹ họ unu ra,Yọ mẹ te rehọ uwoho obọ mẹ ruru owhẹ,+Re mẹ ruẹse rehọ idhiwu na vi jẹ wọ otọhotọ otọakpọ na họ,+Re mẹ jẹ ta kẹ Zayọn nọ, ‘Whai yọ ahwo mẹ.’+
17 Rọwo ze! Rọwo ze! Kparoma, O Jerusalẹm,+Whẹ nọ ọ jọ obọ Jihova da egho ofu riẹ no.
Whọ da egho nọ o wo obọ họ na no;Whọ da egho nọ ọ be lẹliẹ owhẹ kpo geli geli na muotọ no.+
18 Ọvuọvo evaọ usu emezae nọ o yẹ kpobi ọ rrọ etẹe re o su ei hi,Yọ ọvuọvo evaọ usu emezae nọ ọ yọrọ kpobi o kru obọ riẹ hẹ.
19 Eware ivẹ nana i bru owhẹ ze no.
Ọraha avọ ọraha ọgaga, ohọo avọ ọgbọdọ!+
Ono o ti weri kẹ owhẹ?
Kọ ono ọ te sasa owhẹ oma?+
20 Ibiaro i bi emezae ra no.+
A kiẹzẹ otọ evaọ ubienẹ iyẹrẹ kpobi*Wọhọ igodẹ ẹwọ nọ e rrọ evaọ ẹriri.*
Ofu Jihova, ọwhọkuo Ọghẹnẹ rai o hwẹ ku oma rai soso.”
21 Fikiere, ivie gaviezọ kẹ onana,O aye nọ ọ be reoja nọ idi i bi mu, yọ orọnikọ ọ da udi hi.
22 Enẹ Jihova Olori ra, Ọghẹnẹ ra nọ ọ rẹ thothọ ahwo riẹ ọ ta:
“Rri! Mẹ te rehọ egho nọ ọ be lẹliẹ owhẹ kpo geli geli na no obọ ra,+Egho nọ o wo obọ họ na, egho ofu mẹ;Whọ gbẹ te wariẹ dae vievie he.+
23 Me ti fi ei họ obọ enọ e be lahiẹ owhẹ,+Enọ e ta kẹ owhẹ nọ, ‘Ruwẹ re ma nya ehru ra vrẹ!’
Fikiere who te ru uke ra wọhọ otọ,Wọhọ iyẹrẹ rọkẹ ae nọ a rẹ nya.”
Eme-Obotọ
^ Hayo “ọnọ o yẹ owhai avọ edada eyẹ.”
^ Hayo “ogaga.”
^ Hayo “Yọ a te raha ẹrẹreokie mẹ hẹ.”
^ Hayo “uthubro.”
^ Hayo o sae jọ nọ, “Okpohoi na.”
^ Evaọ Hibru, “o te jọ ehru uzou rai.”
^ Hayo “ọnọ ọ be keke owhẹ ba.”
^ Evaọ Hibru, “evaọ uzou iyẹrẹ kpobi.”
^ Hayo “iboro; ede.”
