Aizaya 53:1-12
53 Ono o fi ẹrọwọ họ oware nọ a yo mi omai?*+
Yọ kpahe ugbobọ Jihova,+ ono a dhesẹ i rie via kẹ no?+
2 Ọ te ta lahwe wọhọ omogha ure+ evaọ aro riẹ,* wọhọ owọ-ure evaọ otọ oyaya.
O wo uvumọ erru hu, yọ o wo oruaro ovuovo ho;+Yọ nọ ma tẹ ruẹ e riẹ, oghẹrẹ nọ oma riẹ o rrọ u re si omai kẹle iẹe he.*
3 Ahwo a jẹ riẹ kufiẹ jẹ kẹnoma kẹe,+Ọzae nọ ọ jọ rọkẹ* edada jẹ riẹ kpahe ẹyao ziezi.
O jọ wọhọ ẹsenọ a si ovao riẹ no họ omai.*
A jẹ riẹ kufiẹ, yọ ma se rie gbe oware ovo ho.+
4 Evaọ uzẹme, ọyomariẹ ọ wọ eyao mai,+Ọ tẹ jẹ wọ edada mai.+
Rekọ ma rri rie wọhọ ọnọ Ọghẹnẹ ọ kẹ okpẹyao, tehe, je gboja kẹ.
5 Rekọ a duwu i rie+ fiki uzioraha mai;+Ọ reoja gaga fiki iruthọ mai.+
A kẹ riẹ uye re ma wo udhedhẹ,+Yọ fiki omonwa riẹ a ro siwi omai.+
6 Mai kpobi ma ghoro kpenẹ avọ enẹ no wọhọ igodẹ,+Omomọvo ọ nya rri ọvuọ oboriẹ no,Yọ Jihova o ru nọ eware nọ mai kpobi ma ru thọ i ro hwẹ fihọ iẹe uzou no.+
7 A kienyẹe,+ ọ tẹ jẹ kẹ omariẹ uvẹ re a gboja kẹe,+Rekọ o rovie unu riẹ hẹ.
A su rie ze wọhọ ogodẹ kpohọ oria nọ a rẹ jọ kpe erao,+Wọhọ ogodẹ aye nọ ọ fọ rirẹ rọkẹ ohwo nọ o bi bru eto riẹ,Yọ o rovie unu riẹ hẹ.+
8 A rehọ e riẹ vrẹ fiki okienyẹ gbe oghẹrẹ nọ a ro guẹdhọ riẹ;Kọ ono ọ te lahiẹ omariẹ roro kpahe eware nọ e via evaọ oge riẹ kpobi?*
Keme a si rie no ẹkwotọ enọ e rrọ uzuazọ;+A kẹ riẹ uye* fiki uzioraha ahwo mẹ.+
9 A kẹ riẹ uki* kugbe irumuomu,+A te ki ei kugbe edafe* evaọ oke uwhu riẹ+Dede nọ o ru oware ovo thọ họ,*Yọ eviẹhọ e jọ unu riẹ hẹ.+
10 Rekọ o jọ oreva Jihova* nọ o re whu, yọ ọ kẹ riẹ uvẹ re ọ mọ ẹyao.
Otẹrọnọ whọ tẹ rehọ uzuazọ* riẹ ze re a ro dhe idhe abe-ọriọ,+Ọ te ruẹ emọ* riẹ, o ti ru ei rria tọ,+Yọ ẹkwoma riẹ oware nọ o rẹ were* Jihova u ti ro rugba.+
11 Fiki edada egaga riẹ, eva e te vọe nọ ọ te ruẹ emamọ iyẹrẹ nọ i no rie ze.
Odibo mẹ,+ nọ ọ rrọ ohwo okiẹrẹe na ọ te rehọ ẹkwoma eriariẹ riẹFiobọhọ kẹ ahwo buobu nọ a ti ro dhesẹ ai nọ a kiẹrẹe,+Yọ ọ te wha iruthọ rai.+
12 Fiki ẹjiroro yena, mẹ te rehọ ẹkẹ jọ kẹe evaọ udevie ahwo buobu,Yọ ọ te ghale egbo-ẹmo na kugbe egba na,Fikinọ o siobọno uzuazọ riẹ,* makọ rite uwhu,+Yọ a kele i rie kugbe erahaizi;+Ọ wọ uzioraha ahwo buobu,+Yọ ọ lẹ rọkẹ erahaizi na.+
Eme-Obotọ
^ Hayo o sae jọ nọ, “oware nọ ma yo?”
^ O sae jọ nọ “riẹ” na o be ta kpahe ohwo kpobi nọ o bi rri rie hayo o be ta kpahe Ọghẹnẹ.
^ Hayo “o wo oma obọdẹ ovo nọ o rẹ lẹliẹe si omai urru hu.”
^ Hayo o sae jọ nọ, “Ọ jọ wọhọ ọnọ ahwo a gbolo ovao kufiẹ kẹ.”
^ Hayo “o wo otoriẹ.”
^ Hayo “oghẹrẹ uzuazọ nọ o yeri kpobi?”
^ Hayo “tehe riẹ kpe.”
^ Hayo “Ọjọ o ti ru re a ki ei.”
^ Evaọ Hibru, “ọzae nọ ọ rrọ ọdafe.”
^ Hayo “o ru uvumọ ozighi hi.”
^ Hayo “oreva.”
^ Evaọ Hibru, “ubi.”
^ Hayo “Rekọ o were Jihova.”
