Aizaya 54:1-17
54 “Bo ubo oghọghọ, whẹ aye nọ ọ rrọ ọga nọ o ri yẹ hẹ na!+
Wereva re who je bo ubo oghọghọ,+ whẹ ọnọ o wo edada eyẹ ẹdẹvo ho na,+Keme emezae* aye nọ ọ rrọ ababọ na i bu viEmezae aye nọ o wo ọzae* na,”+ ere Jihova ọ ta.
2 “Ru oria uwou-udhu ra kẹre vi epanọ o rrọ.+
Rriẹ ehọ uwou-udhu ulogbo ra fihọ.
Who si obọ kpemu hu, si ifi uwou-udhu ra theri,Re who je ru ighele uwou-udhu ra jọ gaga.+
3 Keme whọ rẹ te kẹre ruọ ofẹ obọze gbe ofẹ ẹkpẹlobọ.
Emọ ra i re ti wo erẹwho,Yọ a te rria ikpewho nọ e rrọ ifofe na.+
4 Jọ ozọ u mu owhẹ hẹ,+ keme a ti ru oma vuọ owhẹ hẹ;+Jọ oma o vuọ owhẹ hẹ, keme u ti kiekpe owhẹ hẹ.
Keme oma nọ o jẹ vuọ owhẹ evaọ oke uzoge ra o te thọrọ owhẹ ẹro,Yọ whọ gbẹ te kareghẹhọ omovuọ nọ o jọ owhẹ oma okenọ whọ jọ aye-uku hu.”
5 “Keme Ọmemama Oride ra+ họ ọnọ ọ wọhọ ọzae* rọkẹ owhẹ,+Jihova olori egbaẹmo họ odẹ riẹ,Yọ Ọrẹri Izrẹl họ Ọnọ ọ dẹ owhẹ zihe ze.+
A re ti sei Ọghẹnẹ otọakpọ na soso.+
6 Keme Jihova o se owhẹ wọhọ ẹsenọ whọ rrọ aye nọ a gbabọkẹ jẹ rrọ uweri ogaga,*+Wọhọ aye nọ a rehọ evaọ oke uzoge, kẹsena a tẹ se iẹe,” ere Ọghẹnẹ ra ọ ta.
7 “Me gbabọkẹ owhẹ evaọ omoke kpẹkpẹe,Rekọ me ti koko owhẹ họ zihe ze avọ ohrọ ulogbo.+
8 Me si ovao mẹ dhere no owhẹ evaọ omoke jọ fiki ofu mẹ nọ ọ wọ ze wọhọ owhe,+Rekọ mẹ te re owhẹ ohrọ avọ uyoyou nọ o rẹ hiẹ hẹ bẹdẹ bẹdẹ,”+ ere Jihova, Ọnọ ọ dẹ owhẹ zihe ze ọ ta.+
9 “Onana o wọhọ edẹ Noa kẹ omẹ.+
Nwane wọhọ epanọ me duwu iyei nọ ame oke Noa o gbe ti ku otọakpọ na soso ho na,+Ere ọvona me bi duwu iyei nọ me gbe ti mu ofu ọgaga kẹ owhẹ hayo whọku owhẹ hẹ.+
10 Keme a rẹ sai si igbehru na noJẹ sai nuhu ikpehru na,Rekọ mẹ te siọ uyoyou nọ o rẹ hiẹ hẹ ba edhesẹ kẹ owhẹ hẹ,+Yọ ọvọ udhedhẹ mẹ o ti nuhu hu,”+ ere Jihova ọ ta, Ọnọ ọ be re owhẹ ohrọ.+
11 “O aye nọ ọ be reoja,+ nọ ẹkporo o bi fi, nọ o wo omosasọ họ,+Mẹ be rehọ obọdẹ isimeti ma itho ra kugbeJẹ be rehọ itho safaya wọ otọhotọ ra họ.+
12 Mẹ te rehọ itho rubi ma igbẹhẹ obehru iwou ikpehru ra,Jẹ rehọ itho enwranwra ma inuethẹ ra,Yọ itho eghaghae* mẹ te rọ ma iwhru ra kpobi.
13 Jihova o ti wuhrẹ emezae* ra kpobi,+Yọ udhedhẹ nọ emezae* ra i ti wo o te dafia.+
14 A ti ru owhẹ dikihẹ gaga evaọ ẹrẹreokie.+
Okienyẹ o ti thabọ no owhẹ,+Whọ te dhozọ oware ovo ho, oware ovo o te wha iguegue họ owhẹ oma ha,Keme o te nya kẹle owhẹ hẹ.+
15 Otẹrọnọ ohwo jọ ọ tẹ wọ ohọre bru owhẹ ze,Mẹ họ ọnọ o ti vi ei hi.
Ohwo kpobi nọ ọ wọ ohọre bru owhẹ ze, o ti kie fiki ra.”+
16 “Rri! Mẹ omamẹ mẹ ma ọwena na,Ọnọ o re fou iwowo-erae na,O ve ru okwakwa ẹmo.
Mẹ omamẹ mẹ tẹ jẹ ma ọzae ọraha na re ọ wha ọraha ze.+
17 Okwakwa ẹmo ọvo nọ a ru rọ wọso owhẹ nọ u ti wo iruo o rrọ họ,+Yọ who ti brukpe ẹrọo kpobi nọ ọ be ta ẹme wọso owhẹ evaọ ẹdhoguo.
Onana họ ukuoriọ idibo Jihova,Yọ obọ mẹ ẹrẹreokie rai o no ze,” ere Jihova ọ ta.+
Eme-Obotọ
^ Hayo “ọga.”
^ Hayo “emọ.”
^ Hayo “ọga.”
^ Evaọ Hibru, “je wo edada evaọ ẹzi.”
^ Hayo “itho erae.”
^ Hayo “emọ.”
^ Hayo “emọ.”
