Aizaya 56:1-12
56 Enẹ Jihova ọ ta:
“Wha bru uvioziẹ+ je ru oware nọ u kiẹrẹe,Keme mẹ te rehọ esiwo mẹ ze kẹleYọ me ti dhesẹ ẹrẹreokie mẹ via.+
2 Eva e were ohwo nọ o bi ru onanaGbe ọmọ ohwo nọ o kru onana gaga,Ọnọ o bi koko Ẹdijala na nọ o re zue ei hi+Je bi si obọ riẹ no oghẹrẹ eyoma kpobi.
3 Jọ ohwo orẹwho ọfa nọ o ku omariẹ kugbe Jihova+ ọ ta ha inọ,‘Jihova ọ te siọ omẹ ba ẹhẹriẹ no udevie ahwo riẹ hẹ.’
Yọ ajọ ọwharọ na ọ ta ha inọ, ‘Rri! Mẹ yọ ure nọ u whu no.’”
4 Keme enẹ Jihova ọ ta kẹ ewharọ nọ i bi koko edijala mẹ, enọ e salọ oware nọ o rẹ were omẹ eva gbe enọ i bi kru ọvọ mẹ gaga:
5 “Mẹ te jọ eva uwou mẹ gbe igbẹhẹ nọ e wariẹ uwou mẹ họ kẹ ai oka ekareghẹhọ gbe odẹ,Oware nọ u woma vi emezae gbe emetẹ.
Mẹ te kẹ ae odẹ ebẹdẹ bẹdẹ,Onọ o te raha ha.
6 Rọ kpahe ahwo erẹwho efa nọ i ku omarai kugbe Jihova re a gbodibo kẹe,Re a you odẹ Jihova+Jẹ jọ idibo riẹ,Ahwo kpobi nọ a bi koko Ẹdijala na nọ a bi zue ei hi,Enọ i bi kru ọvọ mẹ gaga,
7 Mẹ te rehọ ae ziọ ugbehru ọrẹri mẹ+ reJe ru ai ghọghọ evaọ obeva uwou olẹ mẹ.
Mẹ te jẹ idhe emahọ rai gbe oghẹrẹ idhe efa nọ a ti dhe evaọ ehru agbada-idhe mẹ rehọ.
Keme a re ti se uwou mẹ uwou olẹ rọkẹ ahwo na kpobi.”+
8 Jihova Olori nọ Ọ Mai Kpehru na, ọnọ o bi koko ahwo Izrẹl nọ e vahabọ họ+ na ọ ta nọ:
“Me ti koko amọfa họ bru ei, u te no enọ a kokohọ no vẹre na.”+
9 Whai erao ẹwọ kpobi nọ e rrọ eva ẹwọ na, wha nyaze te re emu,Whai erao ẹwọ kpobi nọ e rrọ owhawho na.+
10 Iroroke riẹ i tuaro,+ ọvuọvo rai o muẹrohọ họ.+
Aikpobi yọ erakọ nọ i dienu nọ e rẹ sae gbọ họ.+
A be wẹ fuele fuele, yọ a kiẹzẹ otọ; owezẹ o rẹ were ae gaga.
11 Erakọ nọ i wo uvou-uthethei* a rrọ;Eva e rẹ vọ ae vievie he.
Ithuru-igodẹ nọ i wo otoriẹ hẹ a rrọ.+
Aikpobi a nya kpohọ ọvuọ oboriẹ no;Ohwo kpobi ọ be gwọlọ erere ewhariọ obọriẹ jẹ be ta nọ:
12 “Nyaze, jomẹ rehọ enwaene jọ ze,Re ma da udi ogaga bẹsenọ u re mu omai.+
Yọ odẹnotha ọ te jọ wọhọ inẹnẹ, tube woma vi enẹ thethabọ dede!”
