Aizaya 6:1-13
6 Evaọ ukpe nọ Uzaya ovie na o ro whu,+ mẹ ruẹ Jihova nọ ọ keria agbara-uvie okpekpehru,+ yọ ibuluku ewu othethei riẹ o rehọ etẹmpol na soso no.
2 Sẹraf i dikihẹ obọ ehru riẹ; ọvuọvo o wo ibekpe ezeza. Ọvuọvo ọ* rehọ ivẹ ruru ovao jẹ rehọ ivẹ ruru awọ, yọ ọvuọvo rai ọ rẹ rehọ ivẹ rra.
3 Yọ ohwohwo o bi bo se ohwo nọ:
“Ọrẹri, ọrẹri, ọrẹri na họ Jihova olori egbaẹmo.+
Oruaro riẹ o vọ otọakpọ na soso.”
4 Ikeleku nọ e rrọ inuethẹ na i te nuhu fiki edo ubo na,* iwiri e tẹ vọ uwou na.+
5 Kẹsena mẹ tẹ ta nọ: “Uye u te omẹ!
Mẹ te seba ewhu hu,*Keme mẹ yọ ohwo nọ igbenu riẹ e fo ho,Yọ mẹ be rria udevie ahwo nọ igbenu rai e fo ho;+Keme ibiaro mẹ e ruẹ Ovie na no, Jihova olori egbaẹmo omariẹ!”
6 Fikiere, sẹraf ọvo jọ ọ tẹ rra bru omẹ ze, yọ uwowo-erae+ nọ ọ rehọ ahwa* wọ no agbada-idhe na ze o riẹe obọ.+
7 Ọ tẹ rehọ iẹe te unu mẹ, ọ tẹ ta nọ:
“Rri! Onana u te igbenu ra no.
A si abe-ọriọ ra no,Yọ a si uzioraha ra no.”
8 Kẹsena me te yo urru Jihova nọ o be ta nọ: “Ono me ti vi, kọ ono ọ te nya kẹ omai?”+ Mẹ tẹ ta nọ: “Mẹ na! Vi omẹ!”+
9 Ọ tẹ ta nọ: “Nya re whọ ta kẹ ahwo nana nọ:
‘Wha ti dhe eyeyo,Rekọ wha ti wo otoriẹ hẹ;Wha ti dhe ẹruẹruẹ;Rekọ wha ti wo eriariẹ ọvuọvo ho.’+
10 Ru udu ahwo nana fihọ gaga,+Ru ezọ rai di no,+Ru ibiaro rai tamu,Re a gbẹ rọ ibiaro rai ruẹ ude heHayo rọ ezọ rai yo ho,Re udu rai u gbe wo otoriẹ hẹ,Yọ a ti kurẹriẹ hẹ re a siwi ai.”
11 Fikiere mẹ tẹ ta nọ: “Ẹvẹ u ti kri te, O Jihova?” Ọ tẹ ta nọ:
“Bẹsenọ ikpewho na e rẹ raha kuotọ no nọ ohwo ọvo ọ gbẹ be rria ae he,Yọ ahwo a gbẹ rrọ iwou na ha,Ẹkwotọ na ọ tẹ jẹ raha jẹ rrọ ofofe no;+
12 Bẹsenọ Jihova ọ rẹ rehọ ahwo-akpọ vrẹ kpohọ ugbothabọ no+Yọ eria nọ e rrọ ofofe evaọ ẹkwotọ na e rrọ buobu gaga no.
13 “Rekọ omọvo evaọ usu imakpe o ti gbe kiọkọ Izrẹl, yọ a te wariẹ mahe iẹe wọhọ ure ulogbo jẹ wọhọ ure ok, enọ ehri rai e rẹ gbẹ jariẹ nọ a te ko ai fihọ otọ no; ubi ọrẹri o te* dhẹ no ehri na ze.”
Eme-Obotọ
^ Evaọ Hibru, “Ọ.”
^ Evaọ Hibru, “edo urru ọnọ o bi bo na.”
^ Evaọ Hibru, “A ru omẹ fibo no.”
^ Onana yọ oware nọ o wọhọ atijoro (isizọso) nọ a re ro kru hayo bru oware.
^ Hayo “ọmọ ọrẹri ọ te.”