Enuobro 3:1-66
א [Alẹf]
3 Mẹ họ ọzae nọ ọ be reoja na fiki ọkpọ ofu ọgaga riẹ.
2 O le omẹ vrẹ no, je bi ru omẹ nya evaọ ebi, orọnikọ evaọ elo ho.+
3 Evaọ uzẹme, o bi dhe omẹ ekpekpe evaọ okpẹdoke na soso.+
ב [Bet]
4 Ọ raha uwo-oma mẹ gbe ohọroma mẹ no;O wiri igbenwa mẹ no.
5 O ko omẹ họ no; ọ rehọ enua ọyayare+ gbe ọbẹwẹ wariẹ omẹ họ no.
6 Ọ gba omẹ họ keria eria nọ ebi ọ rrọ, wọhọ ahwo nọ a whu kri no.
ג [Gimẹl]
7 Ọ ma ugbẹhẹ wariẹ omẹ họ, re mẹ gbẹ sae vabọ họ;Ọ rehọ egbregba ekọpa egbẹgbẹdẹ gba omẹ.+
8 Yọ okenọ mẹ tẹ rọ ẹgba mẹ kpobi bo kẹ obufihọ, ọ rẹ se olẹ mẹ.*+
9 Ọ rehọ itho nọ a bru ro di idhere mẹ no;O ru idhere mẹ gẹgẹle no.+
ד [Dalẹt]
10 O dhere be hẹrẹ omẹ wọhọ adaka, wọhọ okpohrokpo nọ o dhere.+
11 O tunye omẹ no idhere na no, ọ tẹ za omẹ ekekẹ;*O ru omẹ fihọ ababọ no.+
12 Ọ vẹ* uze riẹ no, o te ru omẹ fihọ oware nọ ọ gwọlọ rọ ose na sa.
ה [He]
13 Ọ rehọ ese* nọ e rrọ owha-ese riẹ sa ibieku mẹ no.
14 Me zihe ruọ ohwo nọ ahwo na kpobi a be rọ ta atahwẹ no, uzoẹme ole nọ a be so evaọ okpẹdoke na soso.
15 Ọ rehọ eware eyayare vọ eva mẹ no, je ru omẹ be da ame ẹbe ọyayare.+
ו [Whọọ]
16 Ọ rehọ ibitho kpare ibiakọ mẹ no;O gele omẹ kie fihọ enwo.+
17 Who ru nọ me gbe wo udhedhẹ hẹ; oware uwoma o thọrọ omẹ ẹro no.
18 Fikiere mẹ tẹ ta nọ: “Erru mẹ ọ hiẹ no, irẹro nọ me wo fihọ Jihova e tẹ jẹ raha no.”
ז [Zayin]
19 Kareghẹhọ oja nọ mẹ be re gbe uwou nọ me wo ho,+ re whọ jẹ kareghẹhọ ẹbe ọyayare gbe enua ọyayare na.+
20 Whọ* te ginẹ kareghẹhọ je ruwẹ bru omẹ ze.+
21 Mẹ kareghẹhọ onana evaọ udu mẹ; oyejabọ nọ mẹ te rọ rehọ odiri hẹrẹ na.+
ח [Hẹt]
22 Fiki uyoyou Jihova nọ o rẹ hiẹ hẹ ma gbe ri whu hu na,+Keme ohrọ riẹ u re re vievie he.+
23 O rẹ kpokpọ kohiohiẹ kohiohiẹ;+ a re fievahọ owhẹ ẹsikpobi.+
24 Mẹ ta nọ, “Jihova họ ẹkẹ mẹ,+ oyejabọ nọ mẹ te rọ rehọ odiri hẹrẹ iẹe+ na.”
ט [Tet]
25 Jihova o re ru ewoma kẹ ọnọ o fi ẹruore họ iẹe,+ ohwo* nọ ọ ruabọhọ be gwọlọ iẹe.+
26 U woma re ohwo ọ fọ hẹrẹ*+ esiwo Jihova.+
27 U woma re ohwo ọ wọ owhowha na evaọ oke uzoge riẹ.+
י [Yod]
28 Jọ ọ keria goli jẹ fọ tou evaọ okenọ Ọ tẹ wọ owha na fihọ ehru riẹ.+
29 Jọ ọ vẹ enu riẹ tuotọ;+ ẹsejọhọ ẹruore ọ gbẹ riẹ.+
30 Jọ ọ rehọ agba riẹ kẹ ọnọ ọ be tehe iẹe na; jọ a lae eka totọ.
כ [Kaf]
31 Keme Jihova o ti gbolo omai kufiẹ bẹdẹ bẹdẹ hẹ.+
32 Dede nọ ọ wha uweri ze, ọ te re ohrọ fiki uyoyou riẹ nọ o rẹ hiẹ hẹ nọ o dafia na.+
33 Keme o rrọ udu riẹ hẹ re o gboja kẹ hayo wha uweri se emọ ahwo.+
ל [Lamẹd]
34 Re ohwo o thihi ahwo kpobi nọ a rrọ uwou-odi evaọ otọakpọ na nyaotọ,+
35 Re a siọ uvioziẹ ba ebru kẹ ohwo evaọ iraro Ọnọ Ọ Mai Kpehru na,+
36 Re a kienyẹ ohwo evaọ ẹdhọ riẹ—Jihova ọ rẹ jẹ eware itieye na rehọ họ.
מ [Mẹm]
37 Nọ o rrọ ere na, kọ ono ọ rẹ sae ta ẹme je ru ei re o via ajokpanọ Jihova ọ ta riẹ?
38 Eware iyoma gbe eware iwoma i re noUnu Ọnọ Ọ Mai Kpehru na ze evaọ oke ovona ha.
39 Fikieme ohwo nọ ọ rrọ uzuazọ o re ro gu unoma kpahe oware nọ u no uzioraha riẹ ze?+
נ [Nun]
40 Joma romatotọ kiẹ idhere mai rri ziezi+ re ma zihe bru Jihova.+
41 Joma kpare udu mai gbe abọ mai kpehru bru Ọghẹnẹ nọ ọ rrọ obọ idhiwu na:+
42 “Ma raha uzi no jẹ wọso no,+ yọ whọ re rọvrẹ hẹ.+
ס [Samẹk]
43 Whọ rehọ ofu bru omai dhe no re ma siọ owhẹ ba ẹnyabru;+Who le je kpe omai no ababọ ọdawẹ.+
44 Whọ rehọ ẹgho za omai dhe no re ma siọ owhẹ ba ẹnyabru, re olẹ mai o gbẹ nyae vrẹ hẹ.+
45 Who ru omai fihọ oware nọ a leri gbe ezuzu evaọ udevie ahwo na.”
פ [Pe]
46 Ewegrẹ mai kpobi i rovie enu rai be ta ẹme wọso omai.+
47 Idudu gbe egbefẹ i zihe ruọ ẹkẹ nọ o te omai no,+ ọraha gbe omonwa.+
48 Iyeri-ame irui-oviẹ i bi su no ibiaro mẹ ze fiki omonwa ọmọtẹ ahwo mẹ.+
ע [Ayin]
49 Irui-oviẹ i bi no aro mẹ ze ọvo, ababọ eriosehọ,+
50 Bẹsenọ Jihova o ti rri no obọ odhiwu ze, ọ vẹ ruẹ omai.+
51 Ibiaro mẹ e wha uweri se omẹ no fiki emetẹ kpobi nọ e rrọ okpẹwho mẹ.+
צ [Sade]
52 Ewegrẹ mẹ e gwọlọ omẹ ruẹ no wọhọ ọvra, ababọ oware nọ me ru.
53 A kpe omẹ no evaọ ọgọdọ na; a ruabọhọ jẹ rọ itho fi omẹ.
54 Ame obuobu o le omẹ no, mẹ tẹ ta nọ: “U re kẹ omẹ no!”
ק [Kof]
55 Mẹ jọ obọ edidi ọgọdọ na se odẹ ra, O Jihova.+
56 Yo urru mẹ; whọ tehe ezọ ra di kẹ ubo nọ me bi bo kẹ obufihọ họ, re oma o fọ omẹ.
57 Who si kẹle omẹ evaọ ẹdẹ nọ me ro se owhẹ. Whọ ta nọ: “Jọ ozọ u mu owhẹ hẹ.”
ר [Resh]
58 Whọ thothọ mẹ no,* O Jihova, whọ ta uzuazọ mẹ zihe ze no.+
59 O Jihova, whọ ruẹ eware iyoma nọ a ru omẹ no; ivie bru uvioziẹ kẹ omẹ.+
60 Whọ ruẹ orukele rai kpobi no, omaa kpobi nọ a be ma kpahe omẹ.
ש [Sin] hayo [Shin]
61 O Jihova, who yo ẹkoko nọ a bi se no, omaa kpobi nọ a be ma kpahe omẹ,+
62 Eme enọ e be wọso omẹ gbe eme imimẹ nọ a be ta wọso omẹ evaọ okpẹdoke na soso.
63 Rri rai; te a keria te a dikihẹ, a be rehọ ile rai se omẹ ẹkoko!
ת [Tọọ]
64 O Jihova, whọ te hwosa kẹ ae wọhọ epaọ iruẹru rai.
65 Who ti ru ai wo udu ogaga, re o jọ ehao nọ whọ bọwo rai.
66 Whọ te rehọ ofu ra le ai jẹ raha ai no otọ idhiwu Jihova na.
Eme-Obotọ
^ Hayo “o re bru olẹ mẹ dhe; ọ rẹ kare olẹ mẹ dhe.”
^ Hayo o sae jọ nọ, “o ru omẹ fihọ ọnọ o bi ru oware ovo ho.”
^ Evaọ Hibru, “O thihi.”
^ Evaọ Hibru, “emezae.”
^ Hayo “rọ odiri hẹrẹ.”
^ Hayo “Who guẹdhọ mẹ no.”
