Hosia 11:1-12
11 “Nọ Izrẹl ọ jọ ọmọzae, me you rie,+Yọ me se ọmọzae mẹ no evaọ Ijipti ze.+
2 Epanọ a* se rai te,Ere a nyase ae ba thabọ te.+
A je dhe idhe kẹ emema Bale+Yọ a je dhe idhe kẹ emema nọ a kare re.+
3 Rekọ mẹ o wuhrẹ Ifremu onya,+ jẹ wọ ae fihọ abọ mẹ;+A vuhumu hu inọ me siwi rai.
4 Mẹ jẹ rọ ifi ohwo-akpọ* si ai te oma, avọ ifi uyoyou;+Yọ mẹ jọ wọhọ ohwo nọ o bi go owhowha no otọ agba rai,Mẹ tẹ rọ ẹmẹrera wọ emu kẹ ae omomọvo.
5 A ti zihe kpohọ ẹkwotọ Ijipti hi, rekọ Asiria ọ te jọ ovie rai,+Keme a rọwo zihe bru omẹ ze he.+
6 Ọgbọdọ o ti fou nya ikpewho riẹ duwu+O te raha ekpọ riẹ jẹ raha ai no fiki iroro imuomu rai.+
7 Ahwo mẹ a gba riẹ mu nọ a rẹ ghẹmeeyo kẹ omẹ.+
Dede nọ a se rai nọ a nyaziọ onọ o mai kpehru,* ọvuọvo ọ nyaze he.
8 Ẹvẹ mẹ sai ro siobọno owhẹ, O Ifremu?+
Ẹvẹ mẹ sai ro siobọno owhẹ kẹ ae, O Izrẹl?
Ẹvẹ me re ro ru owhẹ wọhọ Adma?
Ẹvẹ me re ro ru owhẹ wọhọ Zeboyim?+
Me nwene iroro no;Evaọ oke ovona ọdawẹ mẹ ọ rro gaga.*+
9 Me ti mu ofu ọgaga mẹ hẹ.
Mẹ te gbẹ wariẹ raha Ifremu hu,+Keme mẹ yọ Ọghẹnẹ orọnikọ ohwo-akpọ họ,Ọrẹri na nọ ọ rrọ udevie rai;Yọ mẹ te rọ ofu wọ bru owhẹ ze he.
10 A ti lele Jihova nya, yọ o ti do enu wọhọ okpohrokpo;+Nọ o te do enu, emezae riẹ i ti no obọ ukiediwo-ọre ze avọ iguegue.+
11 A ti nuhu wọhọ ọvra okenọ a ti no Ijipti ze,Wọhọ erueruẹ okenọ a ti no obọ ẹkwotọ Asiria ze;+Me ve ti fi ai họ iwou rai,” ere Jihova ọ ta.+
12 “Ifremu ọ rehọ erue wariẹ omẹ họ,Uwou Izrẹl kọ eviẹhọ.+
Rekọ Juda o gbe bi lele Ọghẹnẹ nya kpenẹ avọ enẹ,*Yọ o bi yoẹme kẹ Ọnọ Ọ Rrọ Ọrẹri Erẹri na.”+
Eme-Obotọ
^ Koyehọ, eruẹaro gbe amọfa nọ a vi bru ahwo Izrẹl re a wuhrẹ ai.
^ Hayo “ifi uwowou,” wọhọ erọ ọyewọ.
^ Koyehọ, egagọ efuafo.
^ Evaọ Hibru, “ọ rrorro no.”
^ Hayo “Juda ọ gbẹ be nya lele Ọghẹnẹ.”
