Hosia 5:1-15
-
A te rehọ Ifremu avọ Juda guẹdhọ (1-15)
5 “Yo onana, whai izerẹ,+Gaviezọ, O uwou Izrẹl,Gaviezọ, O uwou ovie,Keme ẹdhoguo na o te owhẹ;Keme whẹ yọ agbefẹ kẹ MizpaGbe ẹta nọ a kpahe fihọ Tebọ.+
2 Enọ e be kpareso* a nya diwi gaga no evaọ ikpakpe,Yọ mẹ be vẹvẹ aikpobi unu.*
3 Mẹ riẹ Ifremu,Yọ Izrẹl o dhere omẹ hẹ.
Enẹna, O Ifremu, who bru igberẹ* no;Izrẹl o zue omariẹ no.+
4 Eware nọ a bi ru e be whae ze nọ a gbẹ be sai ro zihe bru Ọghẹnẹ rai ze he,Keme ẹzi igberẹ-ibro* ọ rrọ udevie rai;+Yọ a be daezọ Jihova ha.
5 Omorro Izrẹl u se isẹri kpei no;*+Izrẹl avọ Ifremu a zoruẹ no evaọ oruthọ rai,Yọ Juda o lele i rai zoruẹ.+
6 A wha uthuru erao rai gbe owa erao rai lele oma nyae gwọlọ Jihova,Rekọ a ruẹ e riẹ hẹ.
O siomano ai no.+
7 A rọ eviẹhọ yerikugbe Jihova,+Keme a lele eyae erẹwho efa yẹ emọ.*
Whaọ a te raha ae gbe ekwakwa* rai no evaọ amara ọvo.
8 Kporo onware+ evaọ Gibiah, kporo ọgba evaọ Rema!+
Bo ubo ẹmo evaọ Bẹt-avẹn,+ ma rọ kpahe owhẹ, O Bẹnjamin!
9 O Ifremu, who ti zihe ruọ oware idudu evaọ ẹdẹ nọ mẹ te kẹ owhẹ uye.+
Mẹ ta oware nọ o te ginẹ jọ udevie erua Izrẹl via no.
10 Ikpahwo-esuo Juda a wọhọ ahwo nọ a bi fowo uwhru.+
Mẹ te kpare ofu mẹ ku ae wọhọ ame.
11 A nyẹ Ifremu nyaotọ, a whọlọ e riẹ evaọ ẹdhoguo,Keme ọ gba riẹ mu no nọ o re lele ọwegrẹ riẹ.+
12 Fikiere mẹ tẹ wọhọ amara kẹ IfremuJẹ wọhọ egbogbo kẹ uwou Juda.
13 Nọ Ifremu ọ ruẹ ẹyao riẹ, nọ Juda ọ ruẹ ola riẹ,Ifremu o te kpobọ Asiria+ je vi ahwo se ovie ologbo.
Rekọ ọ sai siwi owhẹ hẹ,Yọ ọ sai siwi ola ra ha.
14 Keme mẹ te wọhọ okpohrokpo ọgragra kẹ Ifremu,Jẹ wọhọ okpohrokpo ọgaga* kẹ uwou Juda.
Mẹ omamẹ mẹ te za ae ekekẹ jẹ nyavrẹ;+Mẹ te wọ ae vrẹ yọ ohwo ọvo o ti siwi ai hi.+
15 Mẹ te nyavrẹ je zihe kpohọ oria mẹ bẹsenọ a rẹ ruẹ uye abe-ọriọ rai no,Kẹsena a vẹ te gwọlọ aruoriwo* mẹ.+
Nọ a tẹ rrọ uye, a te gwọlọ omẹ.”+
Eme-Obotọ
^ Hayo “Enọ i bi kie vrẹ.”
^ Hayo “mẹ te whọku aikpobi.”
^ Hayo “duomahọ ọfariẹ-ogbe.”
^ Hayo “ọfariẹ-ogbe.”
^ Evaọ Hibru, “fihọ ovao riẹ.”
^ Evaọ Hibru, “emezae.”
^ Hayo “etọ.”
^ Hayo “okpohrokpo nọ ọ rrọ whẹvu.”
^ Evaọ Hibru, “ovao.”
