Hosia 7:1-16
7 “Evaọ oke nọ mẹ rọ gwọlọ siwi Izrẹl,Oruthọ Ifremu o tẹ fere oma via re,+Gbe umuomu Sameria.+
Keme eviẹhọ e da rai oma fia;+Iji e be vẹruọ iwou yọ itu igbulegbu a bi tho evaọ obọ otafe.+
2 Rekọ a be jọ udu rai ta kẹ omarai hi inọ mẹ te kareghẹhọ imuomu rai kpobi.+
Enẹna iruthọ rai e wariẹ e rai họ no;E rrọ aro mẹ.
3 A be rọ umuomu rai ru ovie na ghọghọ,Jẹ rọ eviẹhọ rai ru ikpahwo-esuo* ghọghọ.
4 Aikpobi ibruẹnwae,A be rrorro wọhọ ovini nọ ohwo nọ o bi there ebrẹdi o koko erae họ,Ọnọ ọ rẹ nyasiọ erae na ba efou nọ ọ tẹ ma ukulu na no bẹsenọ ukulu na u re fu no.
5 Evaọ ẹdẹ ovie mai, ikpahwo-esuo* i te muhọ ẹmọ—Eva e be dha ae fiki enwaene.+
Ọ rriẹ obọ riẹ kẹ isẹkoko.
6 Keme a be nyaze avọ udu nọ o be ware wọhọ ovini.*
Aso okioke ohwo nọ o bi there ebrẹdi na ọ rẹ wezẹ;Evaọ ohiohiẹ yọ ovini na ọ be ware nwenwenwe wọhọ ebruerae.
7 Aikpobi a be rrorro wọhọ ovini,A bi kpe isu* rai.
Ahwo nọ a rrọ ivie rai kpobi a kie no;+Ọvuọvo evaọ usu rai o bi bo bru omẹ ze he.+
8 Ifremu o bi kuomagbe erẹwho na.+
Ifremu ọ wọhọ ikeki nọ a vre kurẹriẹ hẹ.
9 Erara e rehọ ẹgba riẹ no,+ rekọ ọ riẹ hẹ.
Yọ eto riẹ e fo no, rekọ o bi muẹrohọ iẹe he.
10 Omorro Izrẹl u se isẹri kpei no,+Rekọ a ri zihe bru Jihova Ọghẹnẹ rai hi,+Yọ a re gwọlọ iẹe he ghelọ enana kpobi.
11 Ifremu ọ wọhọ erueruẹ ogheghẹ, nọ ọ kare areghẹ.*+
A bo bru Ijipti no;+ a kpobọ Asiria no.+
12 Oria kpobi nọ a nya, mẹ te rriẹ ẹriri mẹ ruru ai.
Me ti si ai ziọ otọ wọhọ evra obọ ehru.*
Mẹ te kẹ ae uye wọhọ epaọ unuovẹvẹ nọ a kẹ ogbotu rai.+
13 Uye u te ai, keme a dhẹ siọ omẹ ba!
Ọraha o te ai, keme a raha izi mẹ!
Mẹ ruẹrẹ oma kpahe vẹre re mẹ ta ai no igbo, rekọ a gu erue kpahe omẹ.+
14 A bo se omẹ no udu rai ze kẹ obufihọ họ,+Dede nọ a je kuenu oviẹ evaọ ehwa rai.
A be gbẹre omarai fiki ibi ekakọ gbe enwaene ọkpokpọ rai;A kuomarẹriẹ be rọsuọ omẹ.
15 Dede nọ mẹ kẹ rai uye je ru obọ rai ga,A be wọso omẹ, be gba ẹgwae omuomu.
16 A nwene edhere rai, orọnikọ kpohọ oware uwoma ovo ho;*A rẹ sai fievahọ ae he, a wọhọ uze nọ o rrọ deghe deghe.+
A te rọ ọgbọdọ kpe ikpahwo-esuo* rai fiki ẹrọo rai nọ ọ be ta eme orivo.
Fiki onana a te rehọ ae se ẹkoko evaọ ẹkwotọ Ijipti.”+
Eme-Obotọ
^ Hayo “emezae-ivie.”
^ Hayo “emezae-ivie.”
^ Hayo o sae jọ nọ, “Udu rai o wọhọ enyerae nọ a be nyaze avọ ẹghẹ na.”
^ Evaọ Hibru, “ibruoziẹ.”
^ Evaọ Hibru, “ubiudu.”
^ Hayo “idhiwu.”
^ Koyehọ, orọnikọ a ru egagọ rai woma ha.
^ Hayo “emezae-ivie.”
