Hosia 8:1-14
8 “Fi onware họ unu ra+ nọ who ti kporo!
Ọjọ ọ be nyaze wọhọ ugo be wọso uwou Jihova,+Keme a raha ọvọ mẹ no+ jẹ raha uzi mẹ no.+
2 A bi bo se omẹ nọ, ‘Ọghẹnẹ mẹ, mai Izrẹl, ma riẹ owhẹ!’+
3 Izrẹl ọ siọ oware uwoma no.+
Jọ ọwegrẹ o lei.
4 A rọ ivie mu, rekọ mẹ họ ọnọ o vi rai hi.
A rọ ikpahwo-esuo* mu, rekọ mẹ jẹ rai rehọ họ.
A rọ isiliva gbe igoru rai ru emedhọ,+Onọ o te wha ọraha se ai.+
5 Mẹ siọ ọmọ-eruẹ ra, O Sameria.+
Eva rai e be dha omẹ gaga.+
Ẹvẹ u re kri te re a tẹ te kare abe-ọriọ?*
6 Obọ Izrẹl onana u no ze.
Ọwena o ru rie, onana yọ Ọghẹnẹ hẹ;A ti kporo ọmọ-eruẹ Sameria ehehẹhẹ.
7 Keme ofou a be kọ,Yọ a ti vu ofou ọwhibo.+
Okakọ ovo o te mọ ubi nọ o te ware he;*+Okakọ kpobi nọ o dhẹ ze, a te sae jariẹ ruẹ ibi nọ a re wuhu hu.
Ojọ o tẹ mọ dede, ahwo erẹwho efa* a te lọe no.+
8 A te lọ Izrẹl no.+
Obọnana a te jọ udevie erẹwho na,+Wọhọ okwakwa nọ a gwọlọ họ.
9 Keme a kpobọ Asiria no,+ wọhọ eketekete ẹwọ nọ ọye ọvo ọ rrọ.
Ifremu ọ hwa igho ro mu ese.+
10 Dede nọ a rọ igho rọ rehọ ese na no erẹwho na ze,Obọnana me ti ko ai họ;A ve ti mu uye họ ẹruẹ+ fiki owha nọ ovie gbe ikpahwo-esuo a te wọ họ ae uzou.
11 Keme Ifremu ọ rọ egbada-idhe buobu vi no re ọ ruẹse raha uzi.+
I zihe ruọ egbada-idhe riẹ nọ ọ be jọ raha uzi no.+
12 Me kere eware buobu nọ e rrọ uzi* mẹ kẹe,Rekọ o rri rai wọhọ eware nọ a rẹ sai ru hu.+
13 A bi dhe idhe kẹ omẹ, yọ a be re erao idhe na,Rekọ Jihova ọ jẹ rai rehọ họ.+
Obọnana ọ te kareghẹhọ oruthọ rai jẹ kẹ ae uye fiki izieraha rai.+
A zihe kpobọ Ijipti no.*+
14 Ọnọ ọ ma Izrẹl ọ thọrọ Izrẹl ẹro no+ yọ ọ bọ etẹmpol buobu no,+Yọ Juda ọ bọ ikpewho buobu nọ a di ogba wariẹ họ.*+
Rekọ me ti vi erae ruọ ikpewho riẹ,Yọ e te mahe iwou ikpehru rai ọvuọvo.”+
Eme-Obotọ
^ Hayo “emezae-ivie.”
^ Hayo “a te ti ru omarai fo?”
^ Hayo “u ti dikihẹ hẹ.”
^ Hayo “erara.”
^ Hayo “uthubro.”
^ Hayo o sae jọ nọ, “A ti zihe kpobọ Ijipti.”
^ Hayo “e rẹ bẹ ẹvẹruọ.”