Ikelakele 24:1-25
24 Nọ Belam ọ ruẹ inọ o were* Jihova re ọ ghale Izrẹl, ọ gbẹ wariẹ nyae gwọlọ oka okpẹtu hu,+ rekọ o te ku ovao rẹriẹ rri obọ udhude na.
2 Nọ Belam ọ kpare aro riẹ jẹ ruẹ Izrẹl nọ ọ fa evuẹ lele ọvuọ orua riẹ,+ ẹzi Ọghẹnẹ ọ tẹ ruọ ẹe oma.+
3 Kẹsena ọ tẹ ta ẹme ohare nana inọ:+
“Ẹme Belam ọmọzae Biọ,Gbe ẹme ọzae nọ a rovie aro riẹ no,
4 Ẹme ọnọ o bi yo ẹme Ọghẹnẹ,Ọnọ ọ ruẹ eruẹaruẹ Erumeru na,Ọnọ o guzou kpotọ avọ ibiaro riẹ nọ i kpefihọ:+
5 Rri epanọ iwou-udhu ra i woma te, O Jekọp,Iwou-owhre ra, O Izrẹl!+
6 Wọhọ ikiekpotọ* na, e rriẹ fihọ vrẹ ọvo,+Wọhọ egbọ nọ e rrọ akotọ ethẹ,Wọhọ ire alọe nọ Jihova ọ kọ,Wọhọ ire sida nọ e rrọ akotọ ame.
7 Ame o bi hwẹ no ibokiti oviẹ-arao ivẹ riẹ ze,Yọ a kọ ubi riẹ fihọ* akotọ ame obuobu.+
Ovie riẹ+ ọ te jẹ rro vi Egag re,+Yọ a te kpare uvie riẹ kpehru.+
8 Ọghẹnẹ ọ be rehọ iẹe no obọ Ijipti ze;Ọ wọhọ izei ogholi rọkẹ ae.
Ọ te raha erẹwho na no, enọ i bi kienyẹe,+Yọ ọ te va igbenwa rai, jẹ rehọ ese riẹ rọ vaha ae.
9 O rruẹ fihọ otọ, o kiẹzẹ otọ wọhọ okpohrokpo,Yọ wọhọ okpohrokpo, ono o re yiwi ru ei kpama?
Oghale u re te enọ e be ghale owhẹ,Yọ ekela i re te enọ e be la owhẹ eka.”+
10 Eva Belam e tẹ dha Belak gaga. Belak ọ tẹ tehe abọ ku Belam ọ tẹ ta kẹe nọ: “Me se owhẹ ze re whọ bọwo ewegrẹ mẹ ehao,+ rekọ whọ sai ru oware ovo ho, ukpoye whọ tẹ ghale ae isiasa soso.
11 Fikiere kpo ovẹrẹ. Mẹ gwọlọ bru ọghọ ologbo họ owhẹ oma vẹre,+ rekọ, rri! Jihova ọ whaha owhẹ ọghọ na no.”
12 Belam ọ tẹ kpahe kẹ Belak nọ: “Kọ mẹ vuẹ ahwo* nọ who vi ze nọ,
13 ‘O tẹ make rọnọ Belak ọ kẹ omẹ uwou riẹ nọ isiliva avọ igoru e vọ, mẹ sae rọ udu* obọmẹ ru oware ovo nọ u wo ohẹriẹ no ẹme nọ Jihova ọ ta ha, te uwoma hayo uyoma? Jegbe nọ ẹme nọ Jihova ọ te ta kẹ omẹ ọvo mẹ te ta’?+
14 Whaọ obọnana mẹ be nyabru ahwo mẹ. Nyaze re mẹ vuẹ owhẹ oware nọ ahwo nana a ti ru ahwo ra evaọ obaro.”*
15 Fikiere ọ tẹ ta ẹme ohare nana inọ:+
“Ẹme Belam ọmọzae Biọ,Gbe ẹme ọzae nọ a rovie aro riẹ no,+
16 Ẹme ọnọ o bi yo ẹme Ọghẹnẹ,Gbe ohwo nọ o wo eriariẹ Ọnọ Ọ Mai Kpehru na,Ọ ruẹ eruẹaruẹ Erumeru na,Okenọ o guzou kpotọ avọ ibiaro riẹ nọ i kpefihọ:
17 Mẹ te ruẹ e riẹ, rekọ obọnana ha;Mẹ te ruẹ e riẹ, rekọ enẹna ha.
Esi+ o ti no Jekọp ze,Yọ ọkpọ-isuẹsu+ ọ te romavia evaọ Izrẹl.+
Yọ ababọ avro ọ te bẹre aruezo Moab.*+Gbe ukolo-uzou emọ ozighi kpobi.
18 A te rehọ Edọm no,+Ẹhẹ, ewegrẹ Siya+ e te rehọ Siya+ no,Yọ Izrẹl o bi dhesẹ udu nọ o riẹe awọ.
19 Ọnọ o ti su o ti no Jekọp ze,+Yọ o ti kpe ohwo kpobi nọ ọ jọ okpẹwho na zọ no.”
20 Nọ ọ ruẹ Amalẹk, ọ tẹ ruabọhọ ẹme ohare riẹ inọ:
“Amalẹk họ ọrọ ọsosuọ evaọ usu erẹwho na,+Rekọ ukuhọ riẹ a te raha iẹe no.”+
21 Nọ ọ ruẹ ahwo Kẹn,+ ọ tẹ ruabọhọ ẹme ohare riẹ inọ:
“Oria omofọwẹ whọ be rria, a bọ uwou ra fihọ ugbehru-utho.
22 Rekọ ohwo jọ ọ te mahe Keyẹn no.
Ẹvẹ u ti kri te re Asiria o te ti mu owhẹ kpohọ igbo?”
23 Ọ tẹ ruabọhọ ẹme ohare riẹ inọ:
“Uye! Ono ọ te zọ okenọ Ọghẹnẹ o ti ru onana?
24 Ekọ i ti no obọ unueri Kitim ze,+Yọ a ti gboja kẹ Asiria,+A ti gboja kẹ Iba.
Rekọ a te raha ọyomariẹ muotọ re.”
25 Kẹsena Belam+ ọ tẹ kpama o te zihe kpobọ ẹwho riẹ. Belak omariẹ ọ tẹ nyavrẹ re.
Eme-Obotọ
^ Evaọ Hibru, “u woma evaọ aro.”
^ Hayo “ito.”
^ Hayo “emọ riẹ e rrọ.”
^ Hayo “enyukọ.”
^ Hayo “eva.”
^ Hayo “evaọ obọ ekuhọ edẹ na.”
^ Hayo “abovao uzou Moab.”
