Ilezi 10:1-18
ל [Lamẹd]
10 Fikieme who ro dikihẹ ugbo, O Jihova?
Fikieme whọ rọ kuọ omara dhere evaọ oke idhọvẹ mẹ?+
2 Ohwo omuomu na o bi le oruori na ududu,*+Rekọ omaa umuomu riẹ nọ ọ be ma na u ti hwẹ ku ei uzou.+
3 Keme ohwo omuomu na ọ be rọ isiuru oriobọ riẹ* seha+Yọ o bi jiri ọnọ o wo uvou-uthethei na;*נ [Nun]Ọ be kẹ Jihova adhẹẹ hẹ.
4 Fiki omorro riẹ, ohwo omuomu ọ rẹ kiẹ otọ oware he;Iroro riẹ kpobi họ: “Ọghẹnẹ ọ rrọ họ.”+
5 Eware i bi woma kẹe ọvo,+Rekọ ọ rẹ sai wo otoriẹ iziẹibro ra ha;+Ọ rẹ rọ ewegrẹ riẹ kpobi jijehwẹ.*
6 Ọ rẹ jọ udu riẹ ta nọ: “Oware ovo u ti nuhu omẹ vievie he;*No oge ruọ ogeMẹ te ruẹ oware okpẹtu vievie he.”+
פ [Pe]
7 Ehao,* erue, gbe ehaise e vọ riẹ unu;+Ẹme-ọgwọlọ gbe eme edada* e rrọ otọ ẹrọo riẹ.+
8 O re dhere kẹle iwhre be hẹrẹ;Ọ rẹ jọ oria nọ o dhere na kpe ohwo nọ o ru oware ovo thọ họ.+
ע [Ayin]
Ibiaro riẹ i bi rri gwọlọ ohwo nọ o ti we ruọ abọ riẹ.+
9 Ọ rẹ jọ oria nọ o dhere na hẹrẹ wọhọ okpohrokpo nọ ọ rrọ uwou* riẹ.+
Ọ rẹ hẹrẹ re ọ jobọ kru oruori na.
O re si ẹriri riẹ ruru oruori na ẹsiẹvo.+
10 O ve gele ọnọ o kru na kie jẹ whọlọ iẹe;Enọ i we ruọ abọ riẹ na e rẹ reoja evaọ obọ* riẹ.
11 Ọ rẹ jọ udu riẹ ta nọ: “O thọrọ Ọghẹnẹ ẹro no.+
O ku ovao riẹ kufiẹ no.
O bi muẹrohọ vievie he.”+
ק [Kof]
12 Kparoma, O Jihova.+ O Ọghẹnẹ, kpare obọ ra.+
Jọ iruori na e thọrọ owhẹ ẹro ho.+
13 Fikieme orumuomu na ọ gbẹ be rọ kẹ Ọghẹnẹ adhẹẹ hẹ?
Ọ be jọ udu riẹ ta nọ: “Whọ te rọ omẹ guẹdhọ họ.”
ר [Resh]
14 Rekọ whọ be ruẹ ẹme-ọgwọlọ gbe ukpokpoma.
Who bi rri jẹ be jowọ.+
Whẹ họ ọnọ ohwo nọ o kpawọ ku uye o re bo se;+Whẹ họ ọnọ o re fiobọhọ kẹ ọmọ nọ o wo ọsẹ hẹ.*+
ש [Shin]
15 Wiri abọ ohwo omuomu ọgeva na,+Re okenọ whọ te gwọlọ eware imuomu nọ o ru,Whọ gbẹ ruẹ e rai hi.
16 Jihova họ Ovie bẹdẹ bẹdẹ.+
Erẹwho na a whu no otọakpọ na no.+
ת [Tọọ]
17 Rekọ who ti yo ayare enọ e be romakpotọ na, O Jihova.+
Who ti ru ai kru udu ga+ je muẹrohọ ae ziezi.+
18 Who ti bru uvioziẹ kẹ emọ nọ i wo esẹ hẹ na gbe enọ a guọghọ fihọ otọ na,+Re ohwo-akpọ gheghe o gbe ru ozọ mu ai ofa ha.+
Eme-Obotọ
^ Hayo “avọ omorro.”
^ Hayo o sae jọ nọ, “Ọnọ o wo uvou-uthethei na o bi jiri omobọ riẹ.”
^ Hayo “O re fu uke kẹ ewegrẹ riẹ kpobi.”
^ Hayo “Me ti zoruẹ vievie he.”
^ Hayo “Eka.”
^ Hayo “omonwa.”
^ Hayo “etuetue.”
^ Hayo “ikpituabọ egaga.”
^ Hayo “ọmọ nọ o wo ọsẹgboni hi.”
