Ilezi 101:1-8
Orọ Devidi. Ole.
101 Mẹ te so ole kpahe uyoyou nọ o rẹ hiẹ hẹ gbe uvioziẹ.
Mẹ te so ile jiri* owhẹ, O Jihova.
2 Me ti ru oware nọ u dhesẹ nọ me wo areghẹ jẹ kare afuẹwẹ.*
Oke vẹ who ti bru omẹ ze?
Mẹ te rọ udu mẹ kpobi ru oware nọ o gbakiete*+ makọ evaọ obeva uwou mẹ dede.
3 Me ti fi oware ovuovo nọ u fioka ha* họ aro mẹ hẹ.
Me mukpahe iruẹru enọ e be nyasiọ oware nọ u kiehọ ba;+Me wo oware ovuovo nọ me re ru kugbe ai hi.*
4 Mẹ rẹ kẹnoma thethabọ kẹ enọ i wo udu eviẹhọ;*Mẹ te jẹ oware uyoma rehọ họ.*
5 Ohwo kpobi nọ ọ be jọ emu ta ọrivẹ riẹ raha,+Me ti ruru unu riẹ.*
Ohwo kpobi nọ o wo ibiaro oheri* gbe udu omorro,Mẹ rẹ kẹe uvẹ hẹ.
6 Mẹ te gwọlọ ahwo ọtẹruo nọ e rrọ otọakpọ na,Re a jọ kugbe omẹ.
Ọnọ ọ kare afuẹwẹ* ọ te gbodibo kẹ omẹ.
7 Ohwo eviẹhọ ọvuọvo ọ te jọ uwou mẹ hẹ,Yọ ọtọrue ọvuọvo o ti dikihẹ aro mẹ gbe he.*
8 Kohiohiẹ kohiohiẹ me ti ruru unu irumuomu nọ e rrọ otọakpọ na,*Re me kpe ahwo oyoma kpobi no okpẹwho Jihova.+
Eme-Obotọ
^ Hayo “Me ti kporo ile kẹ.”
^ Hayo “je dhesẹ ẹgbakiete.”
^ Hayo “Mẹ te nya evaọ ẹgbakiete.”
^ Hayo “nọ u wo iruo ho.”
^ Hayo “Iruẹru rai i re te omẹ oma ha.”
^ Hayo “Me wo udu eviẹhọ vievie he.”
^ Evaọ Hibru, “Mẹ te riẹ oware uyoma ha.”
^ Hayo “Me re kpei no.”
^ Hayo “omoya.”
^ Hayo “Ọnọ o bi kru ẹgbakiete riẹ.”
^ Evaọ Hibru, “o ti dikihẹ aro ibiaro mẹ hẹ.”
^ Hayo “me ti kpe irumuomu nọ e rrọ akpọ na no.”