Ilezi 102:1-28
Olẹ ọnọ a bi kienyẹ na evaọ okenọ ọ jọ ọkora,* ọ tẹ ta oware nọ o be kẹeuye kẹ Jihova.+
102 O Jihova, yo olẹ mẹ;+Jọ ubo mẹ kẹ obufihọ u te owhẹ oma.+
2 Whọ kuọ ovao ra dhere omẹ hẹ evaọ oke uye mẹ.+
Fi ezọ ra hotọ* kẹ omẹ;Yo kẹ omẹ ovẹrẹ nọ me te bo se owhẹ.+
3 Keme edẹ uzuazọ mẹ e wọhọ iwiri nọ e rẹ raha oke re e tẹ rayẹ no ho,Yọ igbenwa mẹ e to fihọ wọhọ enyerae.+
4 A nawo udu mẹ fihọ otọ no wọhọ ẹbe,+ yọ u whu no,Mẹ kareghẹhọ re emu mẹ hẹ.
5 Fiki ubo gbe imẹ-idio mẹ,+Igbenwa mẹ e tamu uwo-oma mẹ.+
6 Mẹ wọhọ okpitolo nọ ọ rrọ udhude;Mẹ wọhọ okpukpuru ọsese nọ ọ rrọ oria nọ a raha no.
7 Me kiẹzẹ rekọ me kpe aro fihọ;*Mẹ wọhọ ọvra nọ ọye ọvo ọ rrọ obọ ehru uwou.+
8 Ẹsikpobi* ewegrẹ mẹ a bi se omẹ ẹkoko.+
Enọ e be rọ omẹ jijehwẹ* a be rọ odẹ mẹ bọwo ehao.
9 Keme enwo họ ebrẹdi nọ mẹ be re,+Yọ irui-oviẹ e gua oware nọ mẹ be da,+
10 Fiki ofu ra gbe evedha ra,Keme whọ wọ omẹ kpehru re who gbolo omẹ kufiẹ.
11 Edẹ uzuazọ mẹ e wọhọ uwoho nọ o be hiẹ no,*+Yọ me bi lo no wọhọ ẹbe.+
12 Rekọ whọ rẹ jọ bẹdẹ bẹdẹ, O Jihova,+Yọ odẹ ra u ti do* evaọ ige kpobi.+
13 Ababọ avro, whọ te kpama who ve dhesẹ ohrọ-oriọ kẹ Zayọn,+Keme oke nọ whọ rẹ rọ re iẹe ohrọ u te no;+Oke nọ a fihọ na u te no.+
14 Keme itho riẹ e be were idibo ra+Yọ ovu riẹ dede o bi si ai urru.+
15 Erẹwho na e te dhozọ odẹ Jihova,Yọ oruaro ra u ti mu ivie otọakpọ kpobi ọwhewhe.+
16 Keme Jihova ọ te wariẹ bọ Zayọn;+Ọ te romavia avọ oruaro riẹ.+
17 Ọ te kezọ kẹ olẹ enọ ọbẹwẹ ọ rrọ oma;+O ti gbolaro kẹ olẹ rai hi.+
18 A kere onana kẹ oge nọ ọ be tha,+Re ahwo nọ a ti yẹ ẹdẹfa* a jiri Jah.
19 Keme o bi rri no obọ oria ukpehru ọrẹri riẹ ze,+Jihova o bi rri otọakpọ na no obọ idhiwu na ze,
20 Re o yo imẹ-idio ọnọ a mu fihọ uwou-odi na,+Re o ru re a siobọno enọ a bruoziẹ uwhu kpe no,+
21 Re a ruẹsi whowho odẹ Jihova evaọ Zayọn+Gbe ujiro riẹ evaọ Jerusalẹm,
22 Nọ ahwo na gbe ekwotọ-ivie naA te kokohọ re a gọ Jihova.+
23 O mi omẹ ẹgba mẹ nọ oke mẹ u ri te he;O bru edẹ mẹ kpẹre.
24 Mẹ ta nọ: “O Ọghẹnẹ mẹ,Who kpe omẹ no ho evaọ uzoge mẹ,Whẹ ọnọ ikpe riẹ i te ige kpobi.+
25 Oke krẹkri nọ u kpemu whọ wọ otọhotọ akpọ na họ,Idhiwu na yọ iruo abọ ra re.+
26 E te raha no, rekọ whọ te gbẹ jariẹ;Wọhọ ewu, aikpobi e te who no.
Wọhọ ewu, whọ te rehọ efa nwene ai, e vẹ te vrẹ.
27 Rekọ whọ rrọ epọvo na, yọ ikpe ra i ti re vievie he.+
28 Emọ idibo ra a te rria avọ omofọwẹ,Yọ a te rehọ emọ rai dikihẹ aro ra kothi.”+
Eme-Obotọ
^ Hayo “okenọ oma o lọhọ iẹe no.”
^ Hayo “Ruwẹ re whọ gaviezọ.”
^ Hayo o sae jọ nọ, “Mẹ rrọ dọdọ.”
^ Hayo “Evaọ okpẹdoke na soso.”
^ Hayo “Enọ e be rọ omẹ zaharo.”
^ Hayo “uwoho nọ o bi theri.”
^ Evaọ Hibru, “ekareghẹhọ ra o te jọ.”
^ Evaọ Hibru, “a te ma.”
