Ilezi 107:1-43
(Olezi 107-150)
107 Wha yere Jihova, keme ọ rrọ wowoma;+Uyoyou riẹ nọ o rẹ hiẹ hẹ o rẹ jọ bẹdẹ bẹdẹ.+
2 Jọ enọ Jihova ọ rehọ zihe ze* na a ta ẹme nana,Enọ ọ rehọ no obọ* ọwegrẹ na ze,+
3 Enọ o kokohọ no ekwotọ na ze,+No obọ ovatha-ọre gbe ukiediwo-ọre ze,No obọ ẹkpẹlobọ ovatha-ọre gbe obọze ovatha-ọre ze.+
4 A je ghoro evaọ udhude na, evaọ otọ oyaya na;A ruẹ edhere he nọ a rẹ rọ nyate okpẹwho nọ a rẹ sae rria.
5 Ohọo avọ uruame u je kpe ai;Ibiaro i je bi ai* fikinọ oma o lọhọ e rai no.
6 A je bo se Jihova evaọ oke uye rai;+O te siwi ai no ebẹbẹ rai.+
7 O fiobọhọ kẹ ae re a nya edhere nọ o kiehọ+Re a ziọ okpẹwho nọ a rẹ sae rria.+
8 Jọ ahwo a yere Jihova+ fiki uyoyou riẹ nọ o rẹ hiẹ hẹGbe iruo igbunu nọ o ru kẹ emọ ahwo.+
9 Keme ọ kẹ ahwo nọ uruame u bi kpe* ame daJẹ kẹ ahwo* nọ ohọo u bi kpe eware iwoma buobu.+
10 U wo ahwo nọ a jẹ rria ebi ọlala,Enọ a mu fihọ uwou-odi nọ e jẹ reoja, nọ a rehọ eyọno kare.
11 Keme a wọso ẹme Ọghẹnẹ;A rri ohrẹ Ọnọ Ọ Mai Kpehru na vo.+
12 Fikiere ọ tẹ rọ oja-oriọ hrẹ rai* kpotọ;+A zoruẹ, yọ ohwo ọvo ọ jariẹ nọ o re fiobọhọ kẹ ae he.
13 A bo se Jihova kẹ obufihọ evaọ oke uye rai;O te siwi ai no ebẹbẹ rai.
14 Ọ rehọ e rai no ebi ọlala ze,Je bru egbregba rai no.+
15 Jọ ahwo a yere Jihova fiki uyoyou riẹ nọ o rẹ hiẹ hẹ+Gbe iruo igbunu nọ o ru kẹ emọ ahwo.
16 Keme ọ bẹre ethẹ ekọpa na fihọ otọJe bru ekpọ ayọno nọ a rẹ rọ kare ethẹ na no.+
17 A jọ gheghẹ, yọ a reoja+Fiki izieraha rai gbe iruthọ rai.+
18 Emu ọvuọvo o gbe je si ai urru hu;*A kẹle unuẹthẹ uwhu.
19 A jẹ hai bo se Jihova kẹ obufihọ evaọ oke uye rai;O ve siwi ai no ebẹbẹ rai.
20 Ọ rẹ ta ẹme, oma rai o vẹ ga+Ọ vẹ wọ ae no ọgọdọ nọ a be sai no ze he na.
21 Jọ ahwo a yere Jihova fiki uyoyou riẹ nọ o rẹ hiẹ hẹGbe iruo igbunu nọ o ru kẹ emọ ahwo.
22 Jọ a dhe idhe uyere+Je whowho iruo riẹ via avọ ubo oghọghọ.
23 Enọ e rẹ rọ ekọ ilogbo bi abade na,Nọ e rẹ rọ eware eki rai bi ame obuobu na vrẹ,+
24 A ruẹ iruo Jihova noGbe iruo igbunu riẹ evaọ edidi na;+
25 Epanọ ẹme nọ ọ ta o re ro ru ofou ọwhibo fou,+U ve ru ẹkporo fi evaọ abade na.
26 O rẹ wọ ae kpehru,A ve kie fihọ edidi na.
Udu u ve no ai awọ* fiki okpẹtu nọ a rẹriẹ ovao ku na.
27 A re fi kpotọ kpehru je kpo geli geli wọhọ ohwo nọ ọ da idi bẹ,Onaa rai kpobi u re gbe wo iruo ho.+
28 Kẹsena a ve bo se Jihova evaọ oke uye rai;+O ve siwi ai no ebẹbẹ rai.
29 O re ru ofou ọwhibo serihọ;Ẹkporo abade ọ vẹ fọ rirẹ.+
30 A rẹ ghọghọ nọ enana e tẹ fọ rirẹ no,O ve su ai kpohọ unueri nọ a gwọlọ.
31 Jọ ahwo a yere Jihova fiki uyoyou riẹ nọ o rẹ hiẹ hẹGbe iruo igbunu nọ o ru kẹ emọ ahwo.+
32 Jọ a kẹe orro evaọ ukoko ahwo na,+Jọ a jiri ei evaọ ogbẹgwae* ekpako na.
33 O re zihe ithẹ ruọ udhudeJe zihe iyeri-ame ruọ otọ nọ o ya fia,+
34 O re zihe otọ nọ u wo ẹvi ruọ otọ uwhei, nọ o raha no,+Fiki umuomu ahwo nọ a be rriae.
35 O re zihe udhude ruọ etẹre-ame nọ ikpoko e rrọ,Je zihe otọ oyaya ruọ iyeri-ame.+
36 O fi enọ ohọo u bi kpe họ etẹe re a rriae,+Re a fa okpẹwho fihọ etẹe nọ a rẹ rria.+
37 A kọ idhu gbe egbọ evaene+Nọ e be mọ ibi ziezi.+
38 Ọ be ghale ae, onọ u bi ru ai dhe ebuebu;Ọ rẹ kuvẹ hẹ re unu iruẹ rai u kpotọ.+
39 Rekọ unu rai o tẹ wariẹ kawo, a te je hrẹ rai kpotọFiki okienyẹ, okpẹtu, gbe uweri.
40 O kpomovuọ họ ikpahwo oma,Je ru ai bi ghoro evaọ etọ nọ e raha no nọ idhere e rrọ họ.+
41 Rekọ ọ rẹ thọ iyogbe na no okienyẹ*+Je ru iviuwou rai jọ buobu wọhọ uthuru erao.
42 Ikiẹrẹe na a tẹ ruẹ onana a vẹ ghọghọ;+Rekọ enọ i kiẹrẹe he na kpobi a re ruru unu rai.+
43 Ohwo kpobi nọ o wo areghẹ o re muẹrohọ eware nana+Jẹ romatotọ roro kpahe oghẹrẹ nọ Jihova o bi ro dhesẹ uyoyou nọ o rẹ hiẹ hẹ.+
Eme-Obotọ
^ Hayo “dẹ zihe ze.”
^ Hayo “ogaga.”
^ Evaọ Hibru, “hrẹ udu rai.”
^ Evaọ Hibru, “agbara.”
^ Hayo “o re fi iyogbe na họ obọ ehru,” koyehọ oria nọ obọ u re jo te ai hi.