Ilezi 116:1-19
116 Me you JihovaKeme o yo* urru mẹ, o yo olẹ mẹ kẹ obufihọ.+
2 Ọ be kezọ* kẹ omẹ,+Yọ mẹ te hai bo sei evaọ edẹ uzuazọ mẹ* kpobi.
3 Ifi uwhu e wariẹ omẹ họ;Uki u kru omẹ.*+
Idhọvẹ gbe uweri e tẹ da omẹ oma fia.+
4 Rekọ me se odẹ Jihova:+
“O Jihova, siwi omẹ!”*
5 Jihova o wo ọdawẹ* je kiẹrẹe;+Ọghẹnẹ mai o wo ohrọ-oriọ.+
6 Jihova ọ be sẹro ogbori na.+
A hrẹ omẹ kpotọ, rekọ o siwi omẹ.
7 Jomẹ* wariẹ wo eriosehọ,Keme Jihova ọ nabe riẹ omẹ ru ziezi.
8 Who siwi omẹ* no uwhu,Who ru re mẹ seba ẹviẹ, je ru re owọ mẹ o seba ezoruẹ.+
9 Mẹ te jọ aro Jihova nya evaọ ẹkwotọ enọ e rrọ uzuazọ.
10 Me wo ẹrọwọ, fikiere mẹ ta ẹme;+Mẹ jẹ reoja gaga.
11 Ozọ u je mu omẹ, mẹ tẹ ta nọ:
“Ohwo kpobi ọtọrue.”+
12 Eme mẹ te rọ hwosa kẹ JihovaRọkẹ eware iwoma kpobi nọ o ru kẹ omẹ no?
13 Mẹ te wọ egho esiwo,*Yọ me ti se odẹ Jihova.
14 Me ti ru eyaa nọ mẹ ya kẹ Jihova gbaEvaọ iraro ahwo riẹ kpobi.+
15 Evaọ aro Jihova,Uwhu ahwo nọ a talamu ei o re ghaghae.*+
16 Mẹ lẹ owhẹ, O Jihova,Keme mẹ yọ odibo ra.
Mẹ yọ odibo ra, ọmọzae ọrigbo ọmọtẹ ra.
Who si omẹ no ekarọ no.+
17 Me ti dhe idhe uyere kẹ owhẹ;+Me ti se odẹ Jihova.
18 Me ti ru eyaa nọ mẹ ya kẹ Jihova gba+Evaọ iraro ahwo riẹ kpobi,+
19 Evaọ ighẹ uwou Jihova,+Evaọ udevie ra, O Jerusalẹm.
Wha jiri Jah!*+
Eme-Obotọ
^ Hayo o sae jọ nọ, “Me wo uyoyou fikinọ Jihova o re yo.”
^ Hayo “o re ruwẹ re ọ gaviezọ.”
^ Evaọ Hibru, “evaọ edẹ mẹ.”
^ Evaọ Hibru, “Idhọvẹ Sheol i duku omẹ.”
^ Hayo “aruoriwo.”
^ Hayo “esiwo ologbo.”
^ Hayo “o rẹ dae gaga.”
^ Hayo “Aleluya!; Halelujah!” “Jah” yọ ubro odẹ na Jihova.
