Ilezi 118:1-29
118 Wha yere Jihova, keme ọ rrọ wowoma;+Uyoyou riẹ nọ o rẹ hiẹ hẹ o rẹ jọ bẹdẹ bẹdẹ.
2 Jọ Izrẹl ọ za nọ:
“Uyoyou riẹ nọ o rẹ hiẹ hẹ o rẹ jọ bẹdẹ bẹdẹ.”
3 Jọ ahwo uwou Erọn a za nọ:
“Uyoyou riẹ nọ o rẹ hiẹ hẹ o rẹ jọ bẹdẹ bẹdẹ.”
4 Jọ enọ e be dhozọ Jihova a za nọ:
“Uyoyou riẹ nọ o rẹ hiẹ hẹ o rẹ jọ bẹdẹ bẹdẹ.”
5 Me bo se Jah* evaọ oke uye mẹ;Jah o yo kẹ omẹ jẹ wọ omẹ ziọ oria omofọwẹ.*+
6 Jihova ọ rrọ abọ mẹ; ozọ u re mu omẹ hẹ.+
Eme ohwo ọ rẹ sai ru omẹ?+
7 Jihova ọ rrọ abọ mẹ wọhọ ọnọ o bi fiobọhọ kẹ omẹ;*+Me ti rri enọ i mukpahe omẹ avọ oghọghọ obokparọ.+
8 O mai woma re ohwo ọ dhẹ bru Jihova wọhọ oria adhẹzọViukpenọ o re fievahọ ahwo-akpọ.+
9 O mai woma re ohwo ọ rehọ Jihova fihọ oria adhẹzọ riẹViukpenọ o re fievahọ ikpahwo-esuo.*+
10 Erẹwho na kpobi e wariẹ omẹ họ,Rekọ evaọ odẹ Jihova,Me le rai vrẹ.+
11 A wariẹ omẹ họ, ẹhẹ, a wariẹ omẹ họ kpobi,Rekọ evaọ odẹ Jihova,Me le rai vrẹ.
12 A wariẹ omẹ họ wọhọ ibi-ọnyọ,Rekọ a raha e rai no vẹrẹ vẹrẹ wọhọ erae nọ e ruọ ure inwe.
Evaọ odẹ Jihova,Me le rai vrẹ.+
13 A gele omẹ gaga* re mẹ ruẹsi kie,Rekọ Jihova o fiobọhọ kẹ omẹ.
14 Jah họ uwou mẹ gbe ẹgba mẹ,Yọ o zihe ruọ osiwi mẹ no.+
15 Edo oghọghọ avọ edo esiwo*E rrọ evaọ iwou-udhu ikiẹrẹe na.
Obọze Jihova u bi dhesẹ ogaga riẹ via.+
16 Jihova ọ kpare obọze riẹ kpehru;Obọze Jihova u bi dhesẹ ogaga riẹ via.+
17 Me ti whu hu, vievie, mẹ te jọ uzuazọ,Re mẹ ruẹsi whowho iruo Jah.+
18 Jah ọ whọku omẹ gaga,+Rekọ o siobọno omẹ kẹ uwhu hu.+
19 Rovie inuethẹ ẹrẹreokie kẹ omẹ;+Mẹ te rehọ ae ruọ eva re me jiri Jah.
20 Onana họ unuẹthẹ Jihova.
Okiẹrẹe na ọ te rehọ iẹe ruọ eva.+
21 Me ti jiri owhẹ, keme who yo kẹ omẹ+Who zihe ruọ osiwi mẹ no.
22 Utho nọ ebebabọ na e se,Oye u zihe ruọ utho ubienẹ nọ o mai wuzou* no na.+
23 Obọ Jihova onana u no ze;+Yọ u woma gaga evaọ aro mai.+
24 Jihova họ ọnọ o ru ẹdẹ nana lọhọ;Ma te wereva jẹ ghọghọ evaọ ẹdẹ nana.
25 Jihova, siwi omai, ivie ma lẹ owhẹ!
Jihova, ivie kẹ omai obokparọ!
26 Oghale u te ọnọ ọ be rọ odẹ Jihova nyaze;+Ma be lẹ ẹro eghale kẹ owhẹ no obọ uwou Jihova ze.
27 Jihova họ Ọghẹnẹ;Ọ kẹ omai elo.+
Kuomagbe uje ehaa na avọ egha ire nọ who kru họ obọ,+Rite obọ izei agbada-idhe na.+
28 Whẹ họ Ọghẹnẹ mẹ, yọ me ti jiri owhẹ;Ọghẹnẹ mẹ, mẹ te kẹ owhẹ orro.+
29 Wha yere Jihova,+ keme o woma;Uyoyou riẹ nọ o rẹ hiẹ hẹ o rẹ jọ bẹdẹ bẹdẹ.+
Eme-Obotọ
^ “Jah” yọ ubro odẹ na Jihova.
^ Hayo “oria nọ u whrowhro oma.”
^ Hayo o sae jọ nọ, “ọ rrọ kugbe enọ i bi fiobọhọ kẹ omẹ.”
^ Evaọ Hibru, “emezae-ivie.”
^ Hayo o sae jọ nọ, “Wha gele omẹ gaga.”
^ Hayo “obokparọ.”
^ Evaọ Hibru, “uzou ubienẹ.”
