Ilezi 138:1-8
Orọ Devidi.
138 Mẹ te rehọ udu mẹ kpobi jiri owhẹ.+
Mẹ te jọ iraro eghẹnẹ efaSo ile ujiro.*
2 Me ti guzou kpotọ rẹriẹ ovao ku etẹmpol ọrẹri* ra,+Yọ me ti jiri odẹ ra+Fiki uyoyou ra nọ o rẹ hiẹ hẹ gbe ọtẹruo ra.
Keme who ru ẹme ra avọ odẹ ra rro vi oware ofa kpobi no.*
3 Evaọ ẹdẹ nọ me ro bo se owhẹ, who yo kẹ omẹ;+Who ru omẹ wo udu* jẹ ga.+
4 Ivie otọakpọ na kpobi a ti jiri owhẹ, O Jihova,+Okenọ a ti yo kpahe eyaa ra nọ whọ ya.
5 A te so ile kpahe idhere Jihova,Keme oruaro Jihova o rrọ ruaro.+
6 Dede nọ Jihova o kpehru, o re muẹrohọ enọ e be romakpotọ,+Rekọ ọ rẹ kẹnoma thabọ kẹ enọ e be wọ oma kpehru.+
7 Mẹ tẹ be make nya oria enwoma vrẹ dede, who ti siwi uzuazọ mẹ.+
Whọ rriẹ obọ ra re whọ thọ omẹ no ofu ewegrẹ mẹ;Obọze ra o ti siwi omẹ.
8 Jihova o ti ru eware nọ ọ jiroro rai kpahe omẹ kpobi gba.
O Jihova, uyoyou ra nọ o rẹ hiẹ hẹ o rẹ jọ bẹdẹ bẹdẹ;+
Ivie whọ kpairoro vrẹ iruo abọ ra ha.+
Eme-Obotọ
^ Hayo o sae jọ nọ, “Me ti kporo ile kẹ owhẹ rọ wọso eghẹnẹ efa.”
^ Hayo “oria aruẹri.”
^ Hayo o sae jọ nọ, “who ru ẹme ra rro vi odẹ ra kpobi no.”
