Ilezi 140:1-13
Rọkẹ ọnọ o wuzou ile na. Ole Devidi.
140 Siwi omẹ no obọ ahwo omuomu, O Jihova;Thọ omẹ no obọ ahwo ozighi,+
2 Enọ e be ma omaa uyoma evaọ udu rai+Jẹ be gwọlọ ẹme ẹsikpobi.*
3 A be thọ ẹrọo rai dada wọhọ orọ araomuomu;+Obi eriwhẹ o rrọ obeva igbenu rai.+ (Silah)
4 Thọ omẹ no abọ ahwo omuomu, O Jihova;+Thọ omẹ no obọ ahwo ozighi,Enọ e be ma omaa epanọ a re ro gele omẹ kie.*
5 Ahwo omorro na a be kpahe ẹta si no kẹ omẹ;A be rọ ifi kpahe ẹta fihọ akotọ edhere.+
A be kpahe egbefẹ kẹ omẹ.+ (Silah)
6 Mẹ ta kẹ Jihova nọ: “Whẹ họ Ọghẹnẹ mẹ.
Kezọ, O Jihova, rọkẹ olẹ mẹ kẹ obufihọ.”+
7 O Jihova Olori nọ Ọ Mai Kpehru na, Osiwi ọgaga mẹ,Whọ rọ ojese ruru uzou mẹ evaọ ẹdẹ ẹmo.+
8 O Jihova, ivie who ru ẹgwọlọ ahwo omuomu na kẹ ae he.
Whọ kuvẹ re omaa uyoma rai na u rugba ha, re a gbẹ wọ oma kpehru hu. (Silah)+
9 Jọ eware iyoma nọ enọ e wariẹ omẹ họ a rọ unu rai taI hwẹ fihọ ai uzou.*+
10 Jọ iwowo-erae i hwẹ ku ai.+
Jọ a gbolo ai fihọ erae,Fihọ egọdọ ididi,*+ nọ a rẹ sae kpama no ze ofa ha.
11 Jọ ohwo ọtaraha na ọ ruẹ oria ovuovo nọ ọ rẹ jọ evaọ otọakpọ* na ha.+
Jọ okpẹtu o le ahwo ozighi je kpe ai fihọ otọ.
12 Mẹ riẹ nọ Jihova ọ te thothọ iruori naJe bru uvioziẹ kẹ iyogbe na.+
13 Evaọ uzẹme, ikiẹrẹe na a ti jiri odẹ ra;Enọ i kiete na a te jọ aro ra ẹsikpobi.*+
Eme-Obotọ
^ Hayo “evaọ okpẹdoke na soso.”
^ Hayo “ru omẹ zoruẹ.”
^ Hayo “I ruru ai uzou.”
^ Hayo “egọdọ nọ ame ọ vọ.”
^ Hayo “evaọ ẹkwotọ.”
^ Hayo “rria aro ra.”
