Ilezi 147:1-20
147 Wha jiri Jah!*
U woma re a so ile ujiro kẹ* Ọghẹnẹ;U woma je fo kẹhẹ re a jiri ei!+
2 Jihova ọ be bọ Jerusalẹm;+O bi koko ahwo Izrẹl nọ a vahabọ họ.+
3 O re siwi enọ e rrọ ọkora;Ọ rẹ gba emela rai.
4 O re kele unu isi na;O re se aikpobi odẹ.+
5 Olori mai ọ rrọ ruaro o te je wo ẹgba ologbo;+Otoriẹ riẹ u diwi thesiwa.+
6 Jihova ọ rẹ kpare enọ e be romakpotọ na kpehru,+Rekọ o re gbolo ahwo omuomu na fihọ otọ.
7 Wha so ile uyere kẹ Jihova;Wha so ile ujiro kẹ Ọghẹnẹ mai avọ akpata nọ wha bi kporo
8 Rọkẹ Ọnọ ọ rehọ ẹgho ruru idhiwu na,Ọnọ o bi ru oso rrọ fihọ otọakpọ na,+Ọnọ o bi ru ẹbe dhẹ no+ igbehru na ze.
9 Ọ be kẹ erao na emu,+Te emọ ekọlọbe nọ i bi bo kẹ emu.+
10 O re se ogaga anyenya gboware ovo ho;+Yọ o re rri awọ ọgaga ohwo wọhọ okpoware jọ họ.+
11 Jihova ọ rẹ wereva kugbe enọ e be dhozọ riẹ,+Enọ e be hẹrẹ iẹe re o dhesẹ uyoyou nọ o rẹ hiẹ hẹ kẹ ae.+
12 Kẹ Jihova orro, O Jerusalẹm.
Jiri Ọghẹnẹ ra, O Zayọn.
13 O bi ru ekpọ nọ a rẹ rọ kare ethẹ okpẹwho ra gaga;Ọ be ghale emezae ra nọ e rrọ eva riẹ.
14 Ọ wha udhedhẹ ziọ ẹkwotọ ra;+Ọ kẹ owhẹ iwhiti nọ e mai woma* buobu.+
15 O vi uzi riẹ ziọ otọakpọ na;Ẹme riẹ ọ be dhẹ vẹrẹ vẹrẹ.
16 O vi ekpalekpa-ame ze wọhọ iwhulu;+Ọ vravra ekpalekpa-ame na fihọ wọhọ enwo.+
17 Ọ rrọ oso-itho* ze wọhọ ewẹ ebrẹdi.+
Ono ọ rẹ sai thihakọ ekpahe riẹ?+
18 O vi ẹme riẹ vrẹ, e tẹ ghra.
O ru ofou riẹ fou,+ ame obuobu na o te kporo vrẹ.
19 Ọ ta ẹme riẹ via kẹ Jekọp,Jẹ vuẹ Izrẹl ijaje riẹ gbe iziẹibro riẹ.+
20 O ri ru ere kẹ orẹwho ọfa ha;+A riẹ oware ovuovo kpahe iziẹibro riẹ hẹ.
Wha jiri Jah!*+
Eme-Obotọ
^ Hayo “Aleluya!; Halelujah!” “Jah” yọ ubro odẹ na Jihova.
^ Hayo “kporo ile kẹ.”
^ Evaọ Hibru, “iwhri iwhiti.”
^ Hayo “ekpalekpa-ame; ame nọ o dhẹmu fihọ ikpulu.”
^ Hayo “Aleluya!; Halelujah!” “Jah” yọ ubro odẹ na Jihova.
