Ilezi 40:1-17
Ro se ọnọ o wuzou ile na. Orọ Devidi. Ole.
40 Me fi ẹruore mẹ kpobi họ* Jihova,Yọ ọ kezọ* kẹ omẹ o te yo ubo mẹ kẹ obufihọ.+
2 O si omẹ no ọgọdọ nọ edo ọgaga ọ rrọ,No ọloho nọ ọ be whra.
Ọ rọ awọ mẹ dikihẹ ehru ugbehru-utho;O ru awọ mẹ dikihẹ ga ziezi.
3 Kẹsena o te fi ole ọkpokpọ họ unu mẹ,+Ole ujiro rọkẹ Ọghẹnẹ mai.
Ahwo buobu a ti rri avọ ọwhewheJe fi eva rai họ Jihova.
4 Jọ eva e were ohwo nọ o fievahọ JihovaNọ o fievahọ ohwo aghẹmeeyo hayo ahwo eviẹhọ họ.*
5 Eware nọ who ru no i bu kẹhẹ,O Jihova Ọghẹnẹ mẹ,Iruo igbunu ra avọ iroro nọ who wo kpahe omai.+
Ọvuọvo ọ rrọ nọ a sae rọ wawo owhẹ hẹ;+Mẹ tẹ make daoma re mẹ ta kpahe ae je gbiku rai dede,I bu vi eware nọ mẹ rẹ sai kele!*+
6 Whọ gwọlọ* idheidhe erao gbe idhe efa ha,+Rekọ who rovie ezọ mẹ re me yo ẹme.+
Whọ ta nọ a rehọ idhe emahọ gbe idhe uzioraha ze he.+
7 Fikiere mẹ tẹ ta nọ: “Rri, mẹ nyaze no.
A jọ uko-obe na* kere kpahe omẹ.+
8 O Ọghẹnẹ mẹ, re me ru oreva ra oye o rẹ were omẹ,*+Yọ uzi ra o rrọ obeva mẹ didi.+
9 Me whowho emamọ usi ẹrẹreokie na evaọ udevie ukoko ulogbo na.+
Rri! Me ruru igbenu mẹ hẹ,+Wọhọ epanọ whọ riẹ vevẹ na, O Jihova.
10 Me ruru ẹrẹreokie ra fihọ udu mẹ hẹ.
Me whowho ọtẹruo ra gbe esiwo ra.
Mẹ ko uyoyou ra nọ o rẹ hiẹ hẹ gbe uzẹme ra dhere he evaọ ukoko ulogbo na.”+
11 O Jihova, whọ siọ ohrọ ra ba edhesẹ kẹ omẹ hẹ.
Jọ uyoyou ra nọ o rẹ hiẹ hẹ gbe uzẹme ra e sẹro mẹ kẹse kẹse.+
12 Eware okpẹtu nọ e wariẹ omẹ họ i bu vi ekele.+
Iruthọ mẹ e rrọ buobu gaga te epanọ mẹ gbẹ be rọ ruẹ ude nya edhere he;+I bu vi eto uzou mẹ,Yọ udu o gbẹ rrọ omẹ awọ họ.
13 O Jihova, ivie, jọ u no owhẹ eva ze nọ who re siwi omẹ.+
O Jihova, nyaze vẹrẹ ti fiobọhọ kẹ omẹ.+
14 Enọ e be gwọlọ uzuazọ* mẹ kpe kpobiJọ a ru oma vuọ ae gholo gholo.
Enọ e be gwọlọ nọ okpẹtu o re te omẹJọ a kuomarẹriẹ avọ omovuọ.
15 Enọ e be ta kẹ omẹ nọ: “Ẹhẹẹ! Ẹhẹẹ!”
Jọ a kpomovuọ họ ae oma re akpọ o gbe ai unu.
16 Rekọ jọ enọ e be gwọlọ owhẹ+A wereva re a jẹ ghọghọ fiki ra.+
Jọ enọ iruẹru esiwo ra e were a ta ẹsikpobi nọ:
“Jọ oruaro u te Jihova.”+
17 Rekọ mẹ yọ oruori gbe oyogbe;Jọ Jihova ọ gaviezọ kẹ omẹ.
Whẹ họ ofiobọhọ mẹ gbe osiwi mẹ;+Ọghẹnẹ mẹ, whọ raha oke he.+
Eme-Obotọ
^ Hayo “Me wo odiri hẹrẹ.”
^ Hayo “Yọ o ruwẹ re ọ gaviezọ.”
^ Hayo “enọ e rẹ ta ọrue he.”
^ Hayo “gbiku rai.”
^ Hayo “Who wo isiuru kpahe.”
^ Evaọ Hibru, “uko-obe obe na.”
^ Hayo “oye mẹ gwọlọ.”
