Ilezi 43:1-5
43 Bruoziẹ mẹ, O Ọghẹnẹ,+Jọ abọ mẹ evaọ ẹdhọ mẹ+ avọ orẹwho nọ o bi yoẹme kẹ owhẹ hẹ na.
Thọ omẹ no obọ ohwo eviẹhọ na, ọnọ o bi ru eware imuomu na.
2 Keme whẹ họ Ọghẹnẹ mẹ, oria adhẹzọ mẹ.+
Fikieme who ro gbolo omẹ kufiẹ?
Fikieme whọ rọ kuvẹ re mẹ nya avọ ọkora fiki okienyẹ ọwegrẹ mẹ?+
3 Vi elo ra gbe uzẹme ra ze.+
Jọ i su omẹ;+Jọ i su omẹ kpohọ ugbehru ọrẹri ra gbe uwou-udhu ulogbo ra na.+
4 Kẹsena mẹ vẹ te nyaziọ agbada-idhe Ọghẹnẹ,+Mẹ vẹ te nyabru Ọghẹnẹ ze, ọnọ ọ be kẹ omẹ evawere gaga na.
Yọ mẹ te rọ akpata jiri owhẹ,+ O Ọghẹnẹ, Ọghẹnẹ mẹ.
5 Emejabọ nọ mẹ* rọ rrọ ọkora?
Emejabọ nọ ẹvohẹ nana ọ rọ rrọ obeva mẹ?
Hẹrẹ Ọghẹnẹ,+Keme me ti gbe jiri ei wọhọ Osiwi Ologbo mẹ gbe Ọghẹnẹ mẹ.+