Ilezi 46:1-11
Ro se ọnọ o wuzou ile na. Orọ emezae Kora.+ Lele oghẹrẹ nọ Alamọt* ọ rrọ. Ole.
46 Ọghẹnẹ họ oria adhẹzọ mai gbe ẹgba mai,+Ọ rẹ kake dhogbo ze ti fiobọhọ evaọ oke idhọvẹ.+
2 Oyejabọ nọ ozọ u ti ro mu omai hi na dede nọ otọakpọ na o bi nwene,Dede nọ igbehru na i bi ghelie kie fihọ edidi abade na,+
3 Dede nọ ame obuobu nọ ọ rrọ eva riẹ o bi do enu jẹ be gbivuhu,+Dede nọ igbehru na i bi nuhu fiki ẹvohẹ riẹ. (Silah)
4 Ethẹ jọ ọ riẹ, nọ iko-ame riẹ i bi ru okpẹwho Ọghẹnẹ ghọghọ,+Uwou-udhu ulogbo ọrẹri orọ Ọnọ Ọ Mai Kpehru na.
5 Ọghẹnẹ ọ rrọ okpẹwho na,+ a sai fi ei kparobọ họ.
Ọghẹnẹ o ti fiobọhọ kẹe nọ oke o tẹ ke no.+
6 Ozighi ọ jọ erẹwho na, a fi ekwotọ-ivie na kparobọ;Ọ kpare urru riẹ, otọakpọ na o tẹ ghra no.+
7 Jihova olori egbaẹmo na ọ rrọ kugbe omai;+Ọghẹnẹ Jekọp họ oria adhẹzọ* mai nọ o foma. (Silah)
8 Nyaze re whọ rọ ẹro ruẹ iruẹru Jihova,Epanọ o ro ru eware urirẹ evaọ otọakpọ na.
9 O bi ru emo serihọ evaọ otọakpọ na soso.+
O wiri uze na jẹ guọghọ ozuẹ na;Ọ rọ erae mahe ekẹkẹ ẹmo na.*
10 “Fi oma hotọ re whọ riẹ nọ mẹ họ Ọghẹnẹ.
A te kpare omẹ kpehru evaọ udevie erẹwho na;+A te kpare omẹ kpehru evaọ otọakpọ na.”+
11 Jihova olori egbaẹmo na ọ rrọ kugbe omai;+Ọghẹnẹ Jekọp họ oria adhẹzọ mai nọ o foma.+ (Silah)